عوامی نیشنل پارٹی ( اے این پی ) نے پارلیمانی انتخابات کاحصہ نہ بننےکافیصلہ کر لیا۔
اے این پی کے سربراہ اسفندیارولی خان نے کہا ہے کہ اے این پی ملک میں سویلین بالادستی، جمہوریت اور پارلیمان کی مضبوطی چاہتی ہے،موجودہ انتخابات میں جس طرح پیسوں کااستعمال کیا گیااس کی نظیرنہیں ملتی۔
انہوں نے کہا کہ پارٹی موجودہ حالات میں صوبائی اسمبلیوں اورسینیٹ میں کسی کوووٹ دینےکےحق میں نہیں،اے این پی اقتدار یا سیٹوں کی سیاست نہیں کرتی۔ موجودہ اکثریتی جماعتوں نے عہدوں کے آفرز بھی کئے لیکن اے این پی اقتدار یا سیٹوں کی سیاست نہیں کرتی۔
اسفندیارولی خان نے کہا کہ ہمارا موقف اصولی موقف یہی ہے کہ پہلے مینڈیٹ چوروں سے مینڈیٹ لیکر حقیقی نمائندوں کو دیا جائے۔ باہمی مشاورت سے پارلیمان کے اندر کردار کے حوالہ سے مزید فیصلے بعد میں کئے جائیں گے۔
