Live Updates: مذاکرات میں پیشرفت کےلئےایران کی نئی تجاویز سامنے آگئیں

حزب اللہ کے سربراہ نے اسرائیل سے براہ راست مذاکرات کو رد کردیا۔

حزب اللہ کے سربراہ نعیم قاسم نے کہا کہ براہِ راست مذاکرات قبول نہیں، اسرائیل کے خلاف مزاحمت جاری رکھیں گے، پاکستان میں طے پانے والے ایرانی موقف کے بغیر جنگ بندی ممکن نہیں۔

نعیم قاسم نے کہا کہ دفاعی میدان میں ہماری تیاری پوری ہے، ہتھیار نہیں ڈالیں گے، حزب اللہ کا شکست دینا ممکن نہیں، مزاحمت جاری ہے، لبنانی حکام کو براہِ راست کے بجائے بالواسطہ مذاکرات کرنے چاہیں۔

لبنان میں صیہونی ریاست اسرائیل کی جانب سے جنگ بندی کی سنگین خلاف ورزیاں جاری ہیں۔

جنوبی لبنان پر بمباری میں 24 گھنٹے کے دوران 14 شہری شہید ہوگئے۔ حزب اللہ نے جوابی کارروائی میں صیہونی فورسز کے ہیلی کاپٹر کو نشانہ بنایا۔

ترجمان حزب اللہ کے مطابق فوجیوں کو ریسکیو کرنے کیلئے آنے والے ہیلی کاپٹر پر ڈرون حملہ کیا ہوا تو پائلٹ نے فوجیوں کو بیٹھائے بغیر ہیلی کاپٹر اڑا لے گیا۔ واقعے میں متعدد اسرائیلی فوجی زخمی ہوئے۔

ایرانی وزیر خارجہ عباس عراقچی نے کہا پاکستان نے ثالثی میں بہت اہم کردار ادا کیا ہے،مذاکراتی عمل میں کئی نئی پیشرفت ہوئی ہیں۔

ایرانی وزیرخارجہ عباس عراقچی نےروس میں میڈیا سےگفتگومیں کہاپاکستان نےثالثی میں بہت اہم کردار ادا کیا،مذاکراتی عمل میں کئی نئی پیشرفت ہوئی ہیں، تازہ ترین پیشرفت پرمشاورت ضروری تھی اس لیے دوبارہ پاکستان گیا۔

مزید کہا امریکا کے غیرضروری مطالبات گزشتہ مذاکرات کی کامیابی کی راہ میں رکاوٹ بنے،مذاکرات کن شرائط کے تحت آگے بڑھ سکتے ہیں، اس کا جائزہ لیا ہے۔

مذاکرات میں پیشرفت کےلئے ایران کی نئی تجاویز سامنے آگئیں

امریکی میڈیا کےمطابق پاکستان کے ذریعے ایران کی نئی تجویز امریکا کو موصول ہوگئیں۔ تجاویز کے مطابق پہلے آبنائے ہرمز کھولنے اور بحری ناکہ بندی ختم کرنے پر معاہدہ کیا جائے۔ جوہری مذاکرات بعد میں کیے جائیں۔

وائٹ ہاوس حکام کے مطابق امریکا صرف ایسا معاہدہ چاہتا ہے جو ایران کو جوہری ہتھیار حاصل کرنے سے روکے۔ نئی تجاویز پر صدرٹرمپ کی زیرصدارت اجلاس متوقع ہے۔ رپورٹ کے مطابق فریقین میں مذاکرات کی ترتیب پر اختلاف برقرار ہیں۔

ایران اور عمان کے درمیان آبنائے ہرمز میں محفوظ بحری گزرگاہ یقینی بنانے پر اتفاق ہوگیا۔

ایرانی وزیرخارجہ عباس عراقچی کا کہنا ہے کہ دورہ عمان کے دوران عمانی حکام سےعلاقائی صورتحال پر تبادلہ خیال ہوا، آبنائے ہرمز میں محفوظ بحری گزرگاہ یقینی بنانے پر اتفاق ہوا۔ علاقائی استحکام اور تعاون کے فروغ کیلئے مشترکہ کوششوں پر زور دیا گیا۔

ایرانی وزیرخارجہ عباس عراقچی نے کہا کہ عمان کی پر تپاک میزبانی کا شکرگزار ہوں، ہمارے پڑوسی ہماری ترجیح ہیں۔

دوسری جانب عمانی وزیرِ خارجہ  بدر ابوسعيدی نے ایک بیان میں کہا کہ ایرانی ہم منصب سےآبنائے ہرمز کے حوالے سے نتیجہ خیز بات چیت کی، پڑوسی ہونے کی وجہ سے ساحلی راستوں کی حفاظت مشترکہ ذمہ داری ہے۔

دوسری جانب پاکستان کے ذریعے ایران کی نئی تجویز امریکا کو موصول ہوگئیں۔ تجاویز کے مطابق پہلے آبنائے ہرمز کھولنے اور بحری ناکہ بندی ختم کرنے پر معاہدہ کیا جائے۔ جوہری مذاکرات بعد میں کیے جائیں۔

امریکی میڈیا کے مطابق ایران جنگ کے ابتدائی مرحلے میں اسرائیل نے متحدہ عرب امارات کو اپنا جدید فضائی دفاعی نظام آئرن ڈوم فراہم کیا اور اس کے ساتھ اسے چلانے کے لیے فوجی اہلکار بھی تعینات کیے۔

امریکی خبر رساں ادارے کے مطابق اس پیش رفت کی اہمیت اس لیے بھی زیادہ ہے کہ یہ پہلا موقع تھا کہ اسرائیل نے اپنا یہ دفاعی نظام کسی دوسرے ملک کو فراہم کیا۔ جنگ کے دوران آئرن ڈوم کی اس غیر معمولی تعیناتی کو پہلے کبھی منظر عام پر نہیں لایا گیا تھا۔

اماراتی وزارتِ دفاع کے مطابق ایران نے یو اے ای پر تقریباً 550 بیلسٹک اور کروز میزائل اور دو ہزار 200 سے زائد ڈرون داغے۔ ان میں سے زیادہ تر کو فضا میں ہی تباہ کر دیا گیا تھا، تاہم کچھ میزائل اور ڈرون ملک کے فوجی اور شہری اہداف کو نشانہ بنانے میں کامیاب بھی ہوئے تھے۔ ان شدید حملوں کے بعد متحدہ عرب امارات نے اپنے اتحادیوں سے مدد طلب کرنے کا فیصلہ کیا۔

رپورٹ کے مطابق یہ پہلا موقع تھا کہ اسرائیل نے آئرن ڈوم سسٹم کسی دوسرے ملک کو فراہم کیا، جبکہ امریکا اور اسرائیل کے علاوہ متحدہ عرب امارات پہلا ملک بنا جہاں اس نظام کو استعمال کیا گیا۔

مشرق وسطیٰ میں غیر یقینی کے منفی اثرات کے باعث عالمی مارکیٹ میں خام تیل کی قیمتوں میں مزید اضافہ ہوگیا۔

خبر ایجنسی کے مطابق عالمی منڈی میں برینٹ خام تیل کی قیمت 2 فیصد اضافے کے ساتھ 107.8 ڈالر فی بیرل تک جا پہنچی ہے جبکہ ڈبلیو ٹی آئی کی قیمت 96.58 ڈالر فی بیرل ہوگئی ہے۔

اس سے پہلے بھی امریکہ اور ایران کے درمیان آبنائے ہرمز میں بڑھتی ہوئی کشیدگی کے باعث عالمی منڈی میں تیل کی قیمتوں میں اضافہ ہوا تھا۔

ایران کے وزیر خارجہ عباس عراقچی کے دورہ پاکستان کے بعد اسلام آباد میں ایرانی سفیر رضا امیری مقدم نے جنگ کے خاتمے اور خطے میں پائیدار امن کے لیے وزیراعظم پاکستان اور فیلڈ مارشل کی کاوشوں کی تعریف کی۔

ایرانی سفیر رضا امیری مقدم نے سوشل میڈیا پلیٹ فارم ایکس پر اپنے پیغام میں بتایا کہ وزیر خارجہ عباس عراقچی کے دورہ اسلام آباد کا مقصد دو طرفہ تعلقات کا جائزہ لینا اور علاقائی پیش رفت پر مشاورت کرنا تھا۔ یہ دورہ بھی گزشتہ دور کی طرح مکمل سیکیورٹی، تحفظ اور پُرسکون ماحول میں ہوا۔

ایرانی سفیر کا کہنا تھا کہ وہ پاکستان کی حکومت،مسلح افواج اور عوام بالخصوص وزیراعظم شہبازشریف اور فیلڈ مارشل سید عاصم منیر کا تہہ دل سے شکرگزار ہیں کہ جنھوں ںے جنگ کے خاتمے اور پائیدار امن کیلئے انتھک کوششیں اور نیک نیتی سے اقدامات کئے۔

رضا امیری مقدم نے کہا کہ ایرانی وفد کا کامیاب دورہ پاکستان کے بہترین انتظام، مؤثر منصوبہ بندی اور کامیاب عملدرآمد کے باعث ممکن ہوا۔ پاکستان کی فوج، سیکیورٹی فورسز،پولیس،تمام انتظامی اداروں بالخصوص پاکستانی عوام اور اسلام آباد کے رہائشیوں صبر، مہمان نوازی اور تعاون پر شکریہ ادا کرتا ہوں۔ ایرانی سفیر رضا امیری مقدم نے ٹویٹ کا اختتام ’’پاک ایران دوستی زندہ باد‘‘ سے کیا۔

مذاکرات میں پیشرفت کےلئے ایران کی نئی تجاویز سامنے آگئیں۔

امریکی میڈیا کے مطابق پاکستان کے ذریعے ایران کی نئی تجویز امریکا کو موصول ہوگئیں۔ تجاویز کے مطابق پہلے آبنائے ہرمز کھولنے اور بحری ناکہ بندی ختم کرنے پر معاہدہ کیا جائے۔ جوہری مذاکرات بعد میں کیے جائیں۔

وائٹ ہاوس حکام کے مطابق امریکا صرف ایسا معاہدہ چاہتا ہے جو ایران کو جوہری ہتھیار حاصل کرنے سے روکے۔ نئی تجاویز پر صدرٹرمپ کی زیرصدارت اجلاس متوقع ہے۔ رپورٹ کے مطابق فریقین میں مذاکرات کی ترتیب پر اختلاف برقرار ہیں۔

دوسری جانب ترجمان وائٹ ہاؤس کے مطابق صدر ٹرمپ نے واضح کیا ہے کہ فیصلہ امریکا کے ہاتھ میں ہے، کوئی بھی معاہدہ صرف امریکی مفادات کومدنظر رکھ کر کیا جائےگا، ایران کو کبھی جوہری ہتھیارحاصل کرنے کی اجازت نہیں دی جائے گی۔

نائب وزیراعظم اور وزیر خارجہ اسحاق ڈار نے کہا ہے کہ اسلام آباد میں ریڈ زون کے اطراف ٹریفک پابندیاں آج ختم ہو گئیں۔

سوشل میڈیا پلیٹ فارم ایکس پر پیغام میں اسحاق ڈار نے کہا کہ اہل پاکستان بالخصوص اسلام آباد اور راولپنڈی کے شہریوں کے شکرگزار ہیں۔ عوام کا صبر اور تعاون کرنے پر دل کی گہرائیوں سے شکریہ ادا کرتا ہوں۔

خارجہ اسحاق ڈار نے مزید لکھا کہ عوام کی حمایت ہمیں مہمانوں کی حفاظت اور امن کوششیں آگے بڑھانے کے قابل بناتی ہے، ہم ان مقاصد کیلئے پُرعزم،آپ کی مسلسل دعاؤں اور نیک تمناؤں کے طلبگار ہیں۔

اسلام آباد امن مذاکرات کے بعد امریکا ایران امن مذاکرات کے باعث راولپنڈی میں کیے جانے والے سیکیورٹی انتظامات میں نرمی کردی گئی جس کے بعد معمولات زندگی بحال ہونے لگے۔

راولپنڈی میں میٹرو بس سروس بحال، گڈز سروسز اور شہر کے خارجی و داخلی راستے بھی آمد و رفت کے لیے کھول دیئے گئے ہیں۔ اسلام آباد جانے والی میٹرو بس سروس اور راولپنڈی کے مختلف روٹس پر چلنے والی ای بسوں کو بھی مسافروں کی سہولت کے لیے دوبارہ چلادیا گیا ہے۔

برطانوی وزیراعظم کیئر اسٹارمر اور امریکی صدر ڈونلڈ ٹرمپ کے درمیان آبنائے ہرمز میں بحری جہازوں کی معمول کی آمدورفت بحال کرنے کی فوری ضرورت پر تفصیلی تبادلہ خیال ہوا ہے۔

ترجمان برطانوی وزیراعظم آفس کے مطابق دونوں رہنماؤں کی گفتگو اس وقت ہوئی جب وائٹ ہاؤس میں ایک عشائیے کے دوران پیش آنے والے فائرنگ کے واقعے کے بعد برطانوی وزیراعظم نے صدر ٹرمپ سے رابطہ کیا اور واقعے پر گہری تشویش کا اظہار کیا۔

کیئر اسٹارمر نے صدر ٹرمپ اور خاتونِ اول کے لیے نیک خواہشات کا اظہار کرتے ہوئے زخمی ہونے والے پولیس اہلکار کی جلد صحتیابی کے لیے بھی دعا کی۔

گفتگو کے دوران دونوں رہنماؤں نے مشرق وسطیٰ کی مجموعی صورتحال اور خاص طور پر آبنائے ہرمز میں بحری تجارت کی بحالی کے معاملے پر تفصیلی غور کیا۔ انہوں نے اس بات پر اتفاق کیاکہ اس آبی گزرگاہ میں رکاوٹوں کے باعث عالمی معیشت متاثر ہورہی ہے اور مہنگائی میں اضافہ دیکھنے میں آرہا ہے۔

امریکہ کے صدر ڈونلڈ ٹرمپ نے کہا ہے کہ ایران کے ساتھ جنگ جلد ختم ہو گی اور ہم کامیاب ہوں گے۔

فاکس نیوز کو دیے گئے انٹرویو میں امریکی صدر کا کہنا تھا کہ اگر ایرانی بات کرنا چاہتے ہیں تو وہ ہم سے رابطہ کر سکتے ہیں۔ ہم مزید مشاورت اب فون کے ذریعے کریں گے،ایران کے حوالے سے چین مزید مدد کرسکتا ہے۔

ڈونلڈ ٹرمپ نے کہا کہ ایران کے کچھ مذاکرات کار  سمجھدار ہیں کچھ نہیں، امید ہے ایران سمجھداری کا مظاہرہ کرے گا، ہم ایران کی نیوکلیئر ڈسٹ کو مذاکرات کا حصہ بنائیں گے۔

امریکی صدر کا کہنا تھا کہ پاکستان کے فیلڈ مارشل اور وزیراعظم بہترین ہیں، پاکستان کے فیلڈ مارشل اور وزیرِ اعظم ہماری لئے قابل احترام ہیں، پاک بھارت جنگ کے دوران 11طیارے گرائے گئے، وزیراعظم پاکستان نے کہا ٹرمپ نے 20سے 30ملین لوگوں کی جانیں، دونوں ملکوں کے درمیان جنگ روکوانا میرے لئے اعزاز کی بات ہے۔

واشنگٹن فائرنگ واقعے سے متعلق ان کا کہنا تھا کہ حملہ آور کے خاندان کو معلوم تھا اسے مسائل کا سامنا ہے، جب آپ اس کا منشور پڑھتے ہیں تو لگتا ہے کہ وہ ایک بیمار شخص تھا، حملہ آور کو فوراً روک دیا گیا تھا۔

امریکا اور ایران کے درمیان جنگ کے مستقل خاتمے کیلئے ایران کی سفارتی کوششیں تیز ہو گئیں۔

ایران کے وزیر خارجہ عباس عراقچی مسقط سے دوبارہ پاکستان پہنچ گئے۔ فیلڈ مارشل سید عاصم منیر سے ملاقات ہوئی۔ جنگ کے خاتمے کیلئے جاری کوششوں پر تبادلہ خیال کیا گیا۔

ایرانی میڈیا کے مطابق عباس عراقچی کی دوبارہ اسلام آباد آمد مشاورت کا تسلسل ہے۔ ملاقاتوں کے دوران جنگ بندی کے خاتمے کیلئے تجاویز پہنچائی جائیں گی۔

ایران نے آئندہ کسی قسم کی فوجی جارحیت نہ ہونے کی ضمانت مانگ رکھی ہے۔ ایرانی شرائط میں پابندیوں میں نرمی سمیت دیگر اہم مطالبات بھی شامل ہیں۔ ایرانی وزیر خارجہ پاکستان میں مختصر قیام کے بعد ماسکو جائیں گے۔

قبل ازیں ایرانی وزیر خارجہ عباس عراقچی کی مسقط میں عمان کے سلطان سے ملاقات ہوئی۔ علاقائی صورتحال اور ثالثی کی کوششوں سے متعلق تفصیلی مشاورت کی۔ آبنائے ہرمز سے متعلق اقدامات پر اعتماد میں لیا۔

رپورٹ کے مطابق عمان کے سلطان نے خطے کے عوام پر بحرانوں کے اثرات کو محدود کرنے اور پائیدار سیاسی حل سے متعلق تجاویز دیں۔ مسائل کے حل کے لیے مکالمے اور سفارت کاری کی زبان کو ترجیح دینے پر زور دیا۔

ایرانی وزیر خارجہ نے سعودی عرب ، قطر اور فرانس کے ہم منصب سے بھی ٹیلیفونک رابطہ ہوا۔ مذاکرات میں ہونیوالی پیش رفت سے متعلق آگاہ کیا۔ ترک وزیر خارجہ کا امریکی مذاکرات کاروں سے ٹیلی فونک رابطہ ہوا جس میں تازہ ترین پیشرفت پر بات چیت کی گئی۔

اسرائیل کے جنوبی لبنان پرحملے ،مزید 4 شہری شہید،شہادتوں کی تعداد 2 ہزار 496  ہوگئی۔

لبنان میں جنگ بندی کے باوجود اسرائیلی حملےجاری ہے،اسرائیل کےجنوبی لبنان پر حملے میں 4 شہری شہید ہوگئے،لبنانی وزارت صحت کے مطابق 2 مارچ اب سے شہادتوں کی تعداد 2ہزار496تک پہنچ چکی ہے،دو ماہ میں 7ہزار725شہری حملوں میں زخمی ہوچکے ہیں۔

دوسری جانب اسرائیلی وزیراعظم نیتن یاہو نے فوج کو لبنان میں حزب اللہ کے ٹھکانوں پر بھرپور حملوں کا حکم دے دیا، اسرائیلی وزیراعظم کے دفتر سےجاری بیان کے مطابق نیتن یاہو نے اسرائیلی ڈیفنس فورسز کو ہدایت کی ہے کہ وہ حزب اللہ کے اہداف کو سختی سے نشانہ بنائیں۔

 ایرانی پاسداران انقلاب کی جانب سے جاری بیان میں کہا گیا ہے کہ ہم کسی بھی جارحیت کا مقابلہ کرنے کے لیے ہر محاذ پر تیار ہیں۔

ایرانی پاسداران انقلاب نے اپنےبیان میں کہاہم دشمن کی کسی بھی زمینی،فضائی یا دیگر نقل و حرکت کا مقابلہ کرنے کے لیےتیار ہیں،امریکا کو زمینی حقائق کو تسلیم کرنا چاہیے۔

مزیدکہاامریکاکونیتن یاہو کے ہاتھوں کا کھلونا نہیں بناناچاہیے،امریکی اور صیہونی جارحیت کا توقعات سے بڑھکر جواب دیاجائےگا،آبنائے ہرمزپرکنٹرول ایران کے لیے بہت اہم ہے۔

ایرانی وزارت انٹیلی جنس نےایک اسرائیلی جاسوس اور 15 کرائے کےقاتلوں کوگرفتارکرلیا،دوسری جانب ایران کےشہرکرمان شاہ میں ایئرڈیفنس کی آوازیں سنی گئیں،تاہم ایئرڈیفنس کی آوازوں کی وجوہات سامنے نہ آسکیں۔

ایرانی وزیر خارجہ عباس عراقچی دورہ پاکستان کے بعد عمان کے دارالحکومت مسقط پہنچ گئے ہیں تاہم پاکستان سے جانے کے بعد انہوں نے سوشل میڈیا پر پیغام جاری کیا جس میں کہا کہ پاکستان کا دورہ بہت فائدے مند رہاہے ۔

تفصیلات کے مطابق عباس عراقچی کا سوشل میڈیا پر جاری پیغام میں کہنا تھا کہ پاکستان کا دورہ بہت فائدے مند رہا،دیکھتے ہیں اب امریکا مذاکرات میں سنجیدہ ہے یا نہیں،پاکستان  کی امن کیلئے مخلصانہ کوششوں  بہت قدر کرتے ہیں،جنگ کے مستقل خاتمے کے لیےقابلِ عمل فریم ورک پیش کر دیا۔

عرب میڈیا کے مطابق ایرانی وزیرخارجہ عباس عراقچی عمان کے دارالحکومت مسقط پہنچ گئے ہیں جہاں وہ عمانی ہم منصب سے ملاقات کریں گے۔

ایرانی وزیرخارجہ عباس عراقچی کی سربراہی میں ایرانی وفد دو روزہ دورے کے بعد پاکستان سے روانہ ہو گیا ہے، ایرانی وفد اگلے مرحلے میں عمان اور روس جائے گا۔

 ایرانی وفد کی پاکستانی سیاسی اور عسکری قیادت سے ملاقاتیں مثبت رہیں۔ سفارتی ذرائع کا کہنا ہے کہ پیش رفت ہونے پر ایرانی وزیر خارجہ عمان اور روس کے دورے کے بعد دوبارہ اسلام آباد آ سکتے ہیں

 ایرانی وزیر خارجہ عباس عراقچی نے 2 روزہ دورے کے دوران وزیراعظم شہبازشریف اور فیلڈ مارشل عاصم منیر سے ملاقاتیں کیں۔

ملاقات  میں عباس عراقچی  نے وزیراعظم کو ایرانی قیادت کے مؤقف سے تفصیلی طور پر آگاہ کیا۔

ذرائع کے مطابق  وزیراعظم اور عباس عراقچی کے درمیان ہونے والی ملاقات میں نائب وزیراعظم اسحاق ڈار اور فیلڈ مارشل عاصم منیر بھی شریک تھے ۔ملاقات میں خطے کی موجودہ صورتحال اور دوطرفہ تعلقات پر بھی تبادلہ خیال کیا گیا ۔

عباس عراقچی  نے وزیراعظم کو ایرانی قیادت کے مؤقف سے تفصیلی طور پر آگاہ کیا،ایران نے امریکا کے ساتھ مذاکراتی امور پر خدشات سے متعلق پاکستانی قیادت کو اعتماد میں لیا ۔

وزیراعظم شہباز شریف نے خطے میں امن و استحکام کیلئے سفارتی کوششوں کے فروغ پر زور دیا، پاکستان اور ایران کے درمیان دوطرفہ تعلقات اور باہمی تعاون بڑھانے پر اتفاق کیا گیا۔

ملاقات میں خطے میں کشیدگی کم کرنے اور مذاکرات کے تسلسل کی اہمیت پر زوردیا گیا ۔ وزیراعظم شہبازشریف نے کہا کہ پاکستان خطے میں امن کے لیے ہر ممکن کردار ادا کرتا رہے گا،ایرانی وزیر خارجہ نے پاکستان کی سفارتی کاوشوں کو سراہا۔

دونوں ممالک  نے امن، استحکام اور بات چیت کے ذریعے مسائل کے حل پر اتفاق کیا۔

یاد رہے کہ اس سے قبل ایرانی وزیر خارجہ عباس عراقچی کی فیلڈ مارشل سید عاصم منیر سے ملاقات ہوئی۔

ایرانی سفارتخانےکی جانب سےجاری بیان میں کہا گیا کہ ایرانی وزیرخارجہ عباس عراقچی نےپہلی باضابطہ ملاقات فیلڈمارشل عاصم منیرسےملاقات کی، ملاقات میں وزیر داخلہ محسن نقوی اور قومی سلامتی کے مشیر عاصم ملک بھی موجود تھے۔

ذرائع کا بتانا ہےکہ ایران کے نائب وزیرخارجہ غریب آبادی، اسلام آباد میں ایران کے سفیر امیری مقدم اور ایرانی وزارت خارجہ کے ترجمان اسماعیل بقائی بھی ملاقات میں موجود تھے۔

یاد رہےکہ ایران کے وزیرخارجہ عباس عراقچی گزشتہ روز مختصر وفد کے ہمراہ پاکستان پہنچے تھے،ایرانی وزیرخارجہ عباس عراقچی آج وزیراعظم سمیت دیگر اعلیٰ قیادت سے ملیں گے،دوسری جانب امریکا نے اپنے نمائندے اسٹیو وٹکوف اور جیرڈ کشنر کے پاکستان آنے کی بھی تصدیق کردی ہے۔

ایرانی صدر مسعود پزشکیان نے سوشل میڈیا پر بیان جاری کرتے ہوئے کہا کہ 25 اپریل طبس میں امریکا کی تاریخی شکست کی سالگرہ ہے، اس دن ثابت ہوگیا تھا کہ اللہ ہی تمام دوسری قوتوں پر غالب ہے، اس سال طبس کی طرح اصفہان میں تاریخ رقم ہوئی۔

ایرانی صدر نے کہا کہ ایسی تاریخی شکستیں ظالم قوتوں کے لیے عبرت کا سامان بنیں گی، 25 اپریل 1980 کو طبس میں امریکی آپریشن ناکام ہوا تھا۔

ایرانی صدر نے اپنے ایک اور بیان میں شہریوں سے بجلی کی بچت کی تاکید کی اور کہا کہ دشمن ہماری بنیادی تنصیبات کو نشانہ بنا رہے ہیں، ہمیں گھیرنے کی کوشش ہورہی ہے تاکہ عوام میں بے چینی پیدا ہو۔

انہوں نے کہا کہ عوام ایسے حالات پیدا ہونے نہ دیں، عوام سے کسی قربانی کا مطالبہ نہیں، بس بجلی کے استعمال میں احتیاط کریں، گھر میں 10 بلب جلانے کے بجائے 2 بلب جلائیں۔ 

امریکی صدر ڈونلڈ ٹرمپ نےاپنے بیان میں کہا ایران بات چیت کرنا چاہتا ہے،دیکھنا ہےایران کے ساتھ معاہدہ ہو سکتا ہے یا نہیں،دیکھتے ہیں ایران کس قسم کی پیش کش لاتا ہے۔

امریکی صدرڈونلڈ ٹرمپ نےبرطانوی خبررساں ایجنسی سےگفتگو میں کہا ایران کسی معاہدے تک پہنچنے کیلئےبات چیت کرناچاہتاہے،تہران امریکی مطالبات کےمطابق پیش کش دینا چاہتاہے،ہم ایران میں ان لوگوں سےمذاکرات کررہے ہیں جو بااختیار ہیں

امریکی وزیرخارجہ مارکو روبیو نےکہاامریکا ایران پرمعاشی دباؤ بڑھا رہا ہے،امریکا ایران کی غیر قانونی تیل کی تجارت کو روکنےکیلئےفیصلہ کن اقدامات کررہا ہے،ایرانی تجارت کوسہارا دینے والے نیٹ ورک پردباؤ میں اضافہ کرینگے،ایران پر معاشی دباؤ بڑھانا آپریشن اکنامک فیوری کا حصہ ہے۔

امریکی محکمہ خزانہ کاکہنا ہےکہ ایران پر نئی پابندیاں عائد کردی ہیں،چین میں قائم آئل ریفائنری، 40 شپنگ کمپنیوں اورآئل ٹینکرپرپابندیاں لگائی گئی ہے،پابندیاں ان پر لگائی گئی ہیں جو ایران کے ساتھ کاروبار اورتیل منتقل کرنےمیں ملوث ہیں،امریکاایران کےساتھ تیل کاکاروبارکوروکنے مزید سخت اقدامات کر رہا ہے۔

امریکی سینٹ کام کی جانب سےجاری بیان میں کہاگیا ہےکہ امریکی فوج نے ایرانی پرچم والے ایک اور بحری جہاز کو روک دیا،ایرانی جہاز کو ناکہ بندی کی خلاف ورزی پر روکا گیا،بحری جہاز ایرانی بندرگاہ کی طرف جارہا تھا۔

ایرانی پاسداران انقلاب نے براہ راست مذاکرات کی درخواست کا وائٹ ہاؤس کا دعویٰ مسترد کردیا۔

ایرانی پاسداران انقلاب کی جانب سے جاری بیان میں کہاگیا کہ امریکا طرف سےبراہ راست مذاکرات کی باتیں جھوٹ ہیں،امریکی ناانصافیوں کے باعث مذاکرات کا کوئی فیصلہ نہیں ہوا۔

ترجمان ایرانی وزارت دفاع رضاطلائی نیک نے اپنےبیان میں کہامیزائلوں کابڑا ذخیرہ اب بھی موجود ہے، جسےاستعمال نہیں کیا گیا،جنگ بندی شروع ہونے تک دشمن کے زیرِکنٹرول علاقوں کی فضائی حدود پر کنٹرول تھا۔

ایرانی رہبراعلیٰ کےمشیرمحسن رضائی نےاپنےبیان میں کہا ایران متحداورامریکا الجھاؤکاشکارہے،ایرانی عوام یکجا اورایک آوازہیں،امریکا الجھن اورمسلسل اسٹریٹجک غلطیوں میں مبتلاہے،ایران کےبہادرفرزند امریکی طاقت کے ٹوٹنےکی آواز دنیا تک پہنچائیں گے۔

امریکی صدرکی دھمکیوں پر ایرانی نیشنل سیکیورٹی کمیٹی کےچیئرمین ابراہیم عزیزی نےردعمل دیتے ہوئےکہا امریکی صدرکو ایران کےبارے میں بات کرنےکا کوئی حق نہیں،انکی اپنی مقبولیت اٹھارہ فیصد گرگئی ہے،کانگریس میں مواخذے کی باتیں ہورہی ہیں،یہ جارح مزاج اورمجرم شخص اپنےکیےپرشدید پچھتائےگا۔

ایرانی آرمی چیف میجرجنرل امیرحاتمی نےکہا ہم ایرانی قوم اور انقلابی مسلمان ہیں،ہمارا اتحاد فولادی ہے،رہبر اعلیٰ کی قیادت میں مجرم جارح کو اپنے اقدامات پر پچھتانے پر مجبور کریں گے۔

ایرانی پاسداران انقلاب نےایک غیرملکی جہاز کو قبضےمیں لینےکا اعلان کردیا،کہاامریکی فوج کے ساتھ تعاون کے شبے میں جہازکو تحویل میں لیا گیا،غیرملکی جہاز نے متعدد وارننگز کو نظر انداز کیا۔

دوسری جانب برطانوی وزیراعظم کیئراسٹارمر نے کہابرطانیہ پاسداران انقلاب کو دہشت گرد قرار دینے کی قانون سازی کرے گا،ریاست کو نقصان پہنچانے والے گروہوں کے خلاف قانون سازی کی ضرورت ہے،
چند ہفتوں میں پارلیمنٹ کے نئے اجلاس میں قانون پیش کریں گے۔

امریکی وزیرخارجہ مارکو روبیو نے کہا امریکا ایران پرمعاشی دباؤ بڑھا رہا ہے،امریکا ایران کی غیر قانونی تیل کی تجارت کو روکنے کیلئے فیصلہ کن اقدامات کر رہا ہے۔

امریکی وزیرخارجہ مارکو روبیو نےاپنے بیان میں کہا ایرانی تجارت کو سہارا دینے والے نیٹ ورک پر دباؤ میں اضافہ کرینگے،ایران پر معاشی دباؤ بڑھانا آپریشن اکنامک فیوری کا حصہ ہے۔

دوسری جانب روسی میڈیاکی جانب سےدعوی سامنےآیا ہےکہ امریکا مشرق وسطیٰ میں فوجی قوت بڑھانے لگا ہے،امریکا درجنوں طیارےمسلسل مشرق وسطیٰ پہنچارہا ہے،امریکی جنگی طیارے بغیر کسی تعطل کے مشرق وسطیٰ آرہے ہیں،امریکا خاموشی سے ری فیولنگ طیارے بھی اسرائیل پہنچارہا ہے۔

عالمی ادارے بلوم برگ کے مطابق مشرق وسطیٰ میں تیل کی پیدوار میں 57فیصد کمی آگئی۔

عالمی ادارے بلوم برگ کے مطابق آبنائے ہرمزکی بندش کی وجہ سے تیل کی پیدوار میں نمایاں کمی آئی، آبنائے ہرمز کی بندش کے باعث خلیجی ممالک کی تیل پیداوار میں بہت بڑی کمی آئی ہے

امریکا اور ایران کےدرمیان کشیدگی کے باعث عالمی منڈی میں تیل کی قیمتوں میں اضافے کا رجحان برقرار ہے،بین الاقوامی رپورٹس کےمطابق امریکا اور ایران کےدرمیان تجارتی جہازوں کوتحویل میں لینےسے صورتحال مزید سنگین ہو گئی ہے،جس کے نتیجے میں عالمی توانائی کی ترسیل متاثر ہونے کا خدشہ پیدا ہوگیا ہے۔

 خام تیل 1.7 فیصد اضافے کے ساتھ 97 ڈالر فی بیرل پر پہنچ گئی، برطانوی خام تیل میں 2 فیصد اضافہ، 107 ڈالرفی بیرل پر فروخت جاری ہے۔

ایرانی وزیر خارجہ عباس عراقچی کی قیادت میں وفد اسلام آباد پہنچ گیا ہے ۔

تفصیلات کے مطابق نائب وزیراعظم اسحاق ڈار ، فیلڈ مارشل عاصم منیر نے ایرانی  وفد کا  نور خان ایئر بیس پر استقبال کیا ۔

ایرانی وزیر خارجہ پاکستان کی اعلیٰ قیادت سے ملاقاتیں کریں گے جس دوران خطے کی صورتحال اور امن کیلئے سفارتی کوششوں پر تبادلہ خیال کیا جائے گا ۔

اس اہم دورے کا مقصد خطے کی تیزی سے بدلتی ہوئی صورتحال اور پائیدار امن کے لیے مشترکہ سفارتی کوششوں کو فروغ دینا ہے۔ دورے کے دوران ایرانی وزیر خارجہ پاکستان کی اعلیٰ قیادت سے ملاقاتیں کریں گے۔۔ ملاقاتوں میں خطے کی تازہ ترین صورتحال اور امن و استحکام کے لیے جاری سفارتی کوششوں پر تفصیلی تبادلہ خیال کیا جائے گا۔ عباس عراقچی کا یہ دورہ ایک ایسے وقت میں ہو رہا ہے جب خطے کو مختلف دفاعی اور سفارتی بحرانوں کا سامنا ہے، اور پاکستان اس تناظر میں اپنا فعال کردار ادا کر رہا ہے۔

یاد رہے کہ کچھ دیر قبل ایرانی وزیر خارجہ کی جانب سے دورہ پاکستان کا اعلان کیا گیا تھا ، اپنے بیان میں عباس عراقچی نے کہا تھا کہ اسلام آباد، مسقط اور ماسکو کے دورے کا آغاز کر رہا ہوں، دوروں کا مقصد شراکت داروں کے ساتھ علاقائی پیش رفت پر مشاورت کرنا ہے، ہمارے ہمسایہ ممالک ہماری اولین ترجیح ہیں۔

دوسری جانب ترجمان وائٹ ہاوس نے بھی امریکی وفد اسلام آباد بھیجنے کا اعلان کر دیاہے ، وائٹ ہاوس کی جانب سے جاری بیان میں کہا گیا کہ ایران کی جانب سے پیش رفت نظر آرہی ہے،اسٹیووٹکوف اور کشنر ہفتے کی صبح اسلام آباد روانہ ہوں گے۔

ترجمان وائٹ ہاؤس کے مطابق جے ڈی  وینس امریکا میں رہ کر صورتحال پر نظر رکھیں گے،ضرورت پڑنے پر سب کو پاکستان جانے کیلئے اسٹینڈ بائے رکھا جائے گا،امریکی وفد پاکستان کی ثالثی میں ہونیوالے مذاکرات کیلئے جارہا ہے،پورے مذاکراتی عمل میں پاکستان شاندار اور بہترین ثالث ثابت ہوا ہے۔

ترجمان وائٹ ہاوس کیرولائن لیویٹ نے میڈیا سے گفتگو کرتے ہوئے کہا ہے کہ ایران کی جانب سے پیش رفت نظر آرہی ہے،اسٹیووٹکوف اور کشنر ہفتے کی صبح اسلام آباد روانہ ہوں گے۔

ترجمان وائٹ ہاؤس کے مطابق جے ڈی  وینس امریکا میں رہ کر صورتحال پر نظر رکھیں گے،ضرورت پڑنے پر سب کو پاکستان جانے کیلئے اسٹینڈ بائے رکھا جائے گا،امریکی وفد پاکستان کی ثالثی میں ہونیوالے مذاکرات کیلئے جارہا ہے،پورے مذاکراتی عمل میں پاکستان شاندار اور بہترین ثالث ثابت ہوا ہے۔ 

امریکی صدر ڈونلڈ ٹرمپ نے ایران سے مذاکرات کیلئے اعلیٰ سطح کا وفد پاکستان بھیجنے کا فیصلہ کر لیاہے ۔

سی این این کے مطابق امریکی وفد میں سٹیو وٹکوف اور جیرڈ کشنر شامل ہوں گے ، امریکی صدر کی جانب سے وفد پاکستان بھیجنے کی دو حکام کی جانب سے تصدیق کر دی گئی ہے ۔

یاد رہے کہ کچھ دیر قبل ایران کے وزیر خارجہ عباس عراقچی نے بھی دورہ پاکستان کا اعلان کیا ، اپنے بیان میں ان کا کہناتھا کہ اسلام آباد، مسقط اور ماسکو کے دورے کا آغاز کر رہا ہوں، دوروں کا مقصد شراکت داروں کے ساتھ علاقائی پیش رفت پر مشاورت کرنا ہے، ہمارے ہمسایہ ممالک ہماری اولین ترجیح ہیں۔

ذرائع کے مطابق ایرانی وزیر خارجہ عباس عراقچی کی قیادت میں مذاکراتی وفد کی آمد متوقع ہے ، ایرانی وفد وزیراعظم شہباز شریف سے بھی ملاقات کرے گا، وزیراعظم اور ایرانی وفد کی ملاقات میں عسکری قیادت بھی موجود ہوگی۔

امریکہ کی لاجسٹک ، سیکیورٹی ٹیم مذاکراتی عمل کیلئے اسلام آباد میں پہلے سے ہی موجود ہے ، جبکہ ایرانی وفد کی آمد کے امکان کے باعث اسلام آباد میں سیکیورٹی ہائی الرٹ کر دی گئی ہے ، توسیعی ریڈ زون دوبارہ سیل کرنے کیلئے اقدامات شروع کر دیئے گئے ہیں ۔

ایرانی وزیر خارجہ عباس عراقچی  نے دورہ پاکستان کا اعلان کر دیا ۔

تفصیلات کے مطابق عباس عراقچی نے اپنے پیغام میں کہا کہ اسلام آباد، مسقط اور ماسکو کے دورے کا آغاز کر رہا ہوں، دوروں کا مقصد شراکت داروں کے ساتھ علاقائی پیش رفت پر مشاورت کرنا ہے، ہمارے ہمسایہ ممالک ہماری اولین ترجیح ہیں۔

ذرائع کے مطابق ایرانی وزیر خارجہ عباس عراقچی کی قیادت میں مذاکراتی وفد کی آمد متوقع ہے ، ایرانی وفد وزیراعظم شہباز شریف سے بھی ملاقات کرے گا، وزیراعظم اور ایرانی وفد کی ملاقات میں عسکری قیادت بھی موجود ہوگی۔

امریکہ کی لاجسٹک ، سیکیورٹی ٹیم مذاکراتی عمل کیلئے اسلام آباد میں پہلے سے ہی موجود ہے ، جبکہ ایرانی وفد کی آمد کے امکان کے باعث اسلام آباد میں سیکیورٹی ہائی الرٹ کر دی گئی ہے ، توسیعی ریڈ زون دوبارہ سیل کرنے کیلئے اقدامات شروع کر دیئے گئے ہیں ۔

یاد رہے کہ ایران کے وزیر خارجہ عباس عراقچی نے پاکستان کی سیاسی اور عسکری قیادت سے ٹیلیفونک رابطے  کیئے جس دوران خطے کی صورتحال اور جنگ بندی کے امور پر تبادلہ خیال کیا گیا۔

ایرانی خبر ایجنسی کے مطابق عباس عراقچی نے پاکستان کے نائب وزیراعظم و وزیر خارجہ اسحاق ڈار اور فیلڈ مارشل عاصم منیر سے علیحدہ علیحدہ گفتگو کی۔ گفتگو میں خطے کی صورتحال اور جنگ بندی سے متعلق امور پر تبادلہ خیال کیا۔

اسحاق ڈار سے گفتگو میں ایرانی وزیرخارجہ نے پاکستان کے مثبت اور تعمیری کردار کی بھرپور تعریف کی، علاقائی امن واستحکام کیلئے دونوں رہنماؤں نے قریبی رابطے میں رہنے پر اتفاق کیا۔

ترجمان دفتر خارجہ کے مطابق اسحاق ڈار نے تنازعات کے حل کیلئے مسلسل مکالمے اور روابط کی اہمیت پر زور دیا ۔ تاکہ خطے میں پائیدار امن اور استحکام قائم ہو سکے۔

خیال رہے کہ پاکستان کی جانب سے امریکا اور ایران کے درمیان جنگ بندی کے لیے مسلسل کوششیں جاری ہیں۔ پاکستان کی جانب سے وزیراعظم شہباز شریف، وزیر خارجہ اسحاق ڈار اور فیلڈ مارشل عاصم منیر امریکا اور ایران سمیت مختلف ممالک کے ساتھ مسلسل رابطے میں ہیں۔

گزشتہ روز وزیراعظم شہبازشریف کی زیر صدارت اہم مشارورتی اجلاس ہوا جس دوران شہبازشریف نے کہا کہ امید ہے ایران اور امریکا کو جلد مذاکرات کی میز پر دوبارہ بٹھانے میں کامیاب ہو جائیں گے۔

اجلاس میں اسلام آباد مذاکرات کے دوسرے مرحلے کے انعقاد کیلئے جاری کوششوں کا جائزہ لیا گیا، وزیر خارجہ نے مختلف ممالک کے وزرائے خارجہ سے رابطوں پر وزیراعظم کو اعتماد میں لیا،امید ہے ایران اور امریکا کو جلد مذاکرات کی میز پر دوبارہ بٹھانے میں کامیاب ہوجائیں گے،پاکستان مشرق وسطیٰ میں پائیدار امن کے قیام کیلئے اپنی سفارتی کوششیں جاری رکھے گا۔

امریکہ کے وزیر جنگ پیٹ ہیگسیتھ نے نیوز بریفنگ کے دوران کہا کہ آبنائے ہرمز سے تجارتی جہاز ہماری شرائط پر گزیں گے،  ایران کو مذاکرات پر مجبور کرنے کیلئے ناکہ بندی سخت کردی ہے، پاسداران انقلاب بحری قزاقوں کی طرح اقدامات کررہے ہیں،  چند دنوں میں ایک اور طیارہ بردار جہاز خلیج عمان پہنچ جائے گا۔

امریکی وزیر جنگ کا کہناتھا کہ کوئی بھی ایک کشتی اور بندوق کے ساتھ غیر مسلح جہاز پر قبضہ کر سکتا ہے،  ایران نے جو جہاز پکڑے ہیں وہ امریکا یا اسرائیل کے نہیں ہیں،2 ایسے جہازوں کو قبضے لیا ہے جو ایران سے روانہ ہوئے تھے، آبنائے ہرمز سے گزرنے کی کوشش کرنے والے 34 جہازوں کو واپس موڑ دیا،  ایران کے پاس اب بھی سفارتی راستہ اختیار کرنے موقع موجود ہے۔

ان کا کہناتھا کہ ایران کے پاس اب بھی سنجیدہ ڈیل کا تاریخی موقع ہے،  ایران کی ناکہ بندی مشن مکمل ہونے تک برقرار رہے گی،  امریکا کو ایسے اتحادی چاہیے جو قابل اور وفادار ہوں،  ہمارا کوئی تیل بردار جہاز وہاں سے نہیں گزرتا،  آبنائے ہرمز کی لڑائی ہماری لڑائی نہیں ہے۔ آبنائے ہرمز کی اہمیت یورپ کے لیے امریکا سے کہیں زیادہ ہے،  اب مفت فائدہ اٹھانے کا دور ختم ہو چکا ہے،  یورپ و ایشیا نے کئی دہائیوں تک امریکی تحفظ سے فائدہ اٹھایا۔

انہوں نے کہا کہ ایران نے دوبارہ مائنز بچھانے کی کوشش کی تو وہ جنگ بندی کی خلاف ورزی ہوگی،  آبنائے ہرمز سے تجارتی جہازوں کی آمدورفت جاری ہے، یورپ کی جانب سے آبنائے ہرمز سے متعلق سنجیدہ اقدام کا خیرمقدم کریں گے۔

ذرائع کاکہنا ہے کہ ایرانی وزیر خارجہ عباس عراقچی کی مختصر ٹیم کے ہمراہ آج پاکستان آمد متوقع ہے ۔

ذرائع کے مطابق ایرانی وزیر خارجہ کی پاکستانی مصالحتی ٹیم سے اہم بات چیت اور گفتگو کے نتائج آنا شروع ہو گئے ہیں جس کے بعد ایرانی وزیر خارجہ کی مختصر ٹیم کے ہمراہ آج اسلام آباد میں آمد متوقع ہے جس دوران ممکنہ طور پر امریکہ اور ایران کے درمیان امن مذاکرات کا دوسرا راونڈ ہو سکتا ہے ۔

امریکہ کی لاجسٹک ، سیکیورٹی ٹیم مذاکراتی عمل کیلئے اسلام آباد میں پہلے سے ہی موجود ہے ، جبکہ ایرانی وفد کی آمد کے امکان کے باعث اسلام آباد میں سیکیورٹی ہائی الرٹ کر دی گئی ہے ، توسیعی ریڈ زون دوبارہ سیل کرنے کیلئے اقدامات شروع کر دیئے گئے ہیں ۔

یاد رہے کہ ایران کے وزیر خارجہ عباس عراقچی نے پاکستان کی سیاسی اور عسکری قیادت سے ٹیلیفونک رابطے  کیئے جس دوران خطے کی صورتحال اور جنگ بندی کے امور پر تبادلہ خیال کیا گیا۔

ایرانی خبر ایجنسی کے مطابق عباس عراقچی نے پاکستان کے نائب وزیراعظم و وزیر خارجہ اسحاق ڈار اور فیلڈ مارشل عاصم منیر سے علیحدہ علیحدہ گفتگو کی۔ گفتگو میں خطے کی صورتحال اور جنگ بندی سے متعلق امور پر تبادلہ خیال کیا۔

اسحاق ڈار سے گفتگو میں ایرانی وزیرخارجہ نے پاکستان کے مثبت اور تعمیری کردار کی بھرپور تعریف کی، علاقائی امن واستحکام کیلئے دونوں رہنماؤں نے قریبی رابطے میں رہنے پر اتفاق کیا۔

ترجمان دفتر خارجہ کے مطابق اسحاق ڈار نے تنازعات کے حل کیلئے مسلسل مکالمے اور روابط کی اہمیت پر زور دیا ۔ تاکہ خطے میں پائیدار امن اور استحکام قائم ہو سکے۔

خیال رہے کہ پاکستان کی جانب سے امریکا اور ایران کے درمیان جنگ بندی کے لیے مسلسل کوششیں جاری ہیں۔ پاکستان کی جانب سے وزیراعظم شہباز شریف، وزیر خارجہ اسحاق ڈار اور فیلڈ مارشل عاصم منیر امریکا اور ایران سمیت مختلف ممالک کے ساتھ مسلسل رابطے میں ہیں۔

گزشتہ روز وزیراعظم شہبازشریف کی زیر صدارت اہم مشارورتی اجلاس ہوا جس دوران شہبازشریف نے کہا کہ امید ہے ایران اور امریکا کو جلد مذاکرات کی میز پر دوبارہ بٹھانے میں کامیاب ہو جائیں گے۔

اجلاس میں اسلام آباد مذاکرات کے دوسرے مرحلے کے انعقاد کیلئے جاری کوششوں کا جائزہ لیا گیا، وزیر خارجہ نے مختلف ممالک کے وزرائے خارجہ سے رابطوں پر وزیراعظم کو اعتماد میں لیا،امید ہے ایران اور امریکا کو جلد مذاکرات کی میز پر دوبارہ بٹھانے میں کامیاب ہوجائیں گے،پاکستان مشرق وسطیٰ میں پائیدار امن کے قیام کیلئے اپنی سفارتی کوششیں جاری رکھے گا۔

امریکا اور ایران کے درمیان کشیدگی کے باعث عالمی منڈی میں تیل کی قیمتوں میں اضافے کا رجحان برقرار ہے۔

بین الاقوامی رپورٹس کے مطابق امریکا اور ایران کے درمیان تجارتی جہازوں کو تحویل میں لینے سے صورتحال مزید سنگین ہو گئی ہے، جس کے نتیجے میں عالمی توانائی کی ترسیل متاثر ہونے کا خدشہ پیدا ہو گیا ہے۔

عالمی منڈی میں خام تیل کی قیمتوں میں مزید اضافہ ہوگیا۔ رپورٹ کے مطابق خام تیل 1.7 فیصد اضافے کے ساتھ 97 ڈالر فی بیرل پر پہنچ گئی، برطانوی خام تیل میں 2 فیصد اضافہ، 107 ڈالرفی بیرل پر فروخت جاری ہے۔

چین نے امریکی صدر کا ایران کو چین سے تحفے بھیجنے کا دعویٰ مسترد کردیا۔

چینی دفتر خارجہ کے ترجمان نے کہا چینی تحائف کا دعویٰ بے بنیاد ہے۔ آبنائے ہرمز کی بندش اور ناکہ بندی کے باعث ریاستوں کے درمیان معمول کی تجارت متاثر نہیں ہونی چاہیے۔ ترجمان نے چین پر اے آئی ٹیکنالوجی چرانے کے الزامات کی بھی تردید کردی۔

واضح رہے کہ امریکی صدر نے دعویٰ کیا تھا کہ امریکا کی جانب سے تحویل میں لیے گئے جہاز سے چین سے بھیجے گئے تحائف تھے۔

رہبراعلیٰ مجتبیٰ خامنہ ای نے کہا ہے کہ دشمن کی کوشش ہے قومی اتحاد اورسلامتی کو کمزور کیا جائے۔

ایرانی سپریم لیڈر مجتبیٰ خامنہ ای نے ایک بیان میں کہا کہ دشمن عوام کے ذہنوں اور نفسیات کو نشانہ بنا رہا ہے لیکن عوامی اتحاد نے دشمن میں دراڑ ڈال دی۔ ہماری کسی غفلت سے دشمن کا مذموم منصوبہ کامیاب نہیں ہونا چاہیے۔

ایرانی صدر مسعود پزشکیان اور اسپیکر محمد باقر قالیباف نے مشترکہ بیان میں کہا کہ ایران میں کوئی شدت پسند یا اعتدال پسند نہیں، ہم سب ایرانی ہیں ۔ ہم سب انقلابی ہیں۔  قوم اور حکومت میں آہنی اتحاد اور رہبر انقلاب کی مکمل اطاعت ہے۔ حملہ آور مجرم کو اپنے اقدامات پر پچھتانا پڑے گا ۔۔ ایران کی فتح تک جدوجہد جاری رہے گی۔

وزیر خارجہ عباس عراقچی نے ایکس پر پیغام میں کہا عوام پہلے سے زیادہ متحد ہیں، اسرائیل کی ناکامی ایران کے ریاستی اداروں کے اتحاد سے ظاہر ہوتی ہے۔ میدانِ جنگ اور سفارتکاری ایک ہی محاذ کے دو حصے ہیں اور ہم مکمل ہم آہنگی سے چل رہے ہیں۔

ایران کے وزیر خارجہ عباس عراقچی نے پاکستان کی سیاسی اور عسکری قیادت سے ٹیلیفونک رابطے کر کے خطے کی صورتحال اور جنگ بندی کے امور پر تبادلہ خیال کیا۔

ایرانی خبر ایجنسی کے مطابق عباس عراقچی نے پاکستان کے نائب وزیراعظم و وزیر خارجہ اسحاق ڈار اور فیلڈ مارشل عاصم منیر سے علیحدہ علیحدہ گفتگو کی۔ گفتگو میں خطے کی صورتحال اور جنگ بندی سے متعلق امور پر تبادلہ خیال کیا۔

اسحاق ڈار سے گفتگو میں ایرانی وزیرخارجہ نے پاکستان کے مثبت اور تعمیری کردار کی بھرپور تعریف کی، علاقائی امن واستحکام کیلئے دونوں رہنماؤں نے قریبی رابطے میں رہنے پر اتفاق کیا۔

ترجمان دفتر خارجہ کے مطابق اسحاق ڈار نے تنازعات کے حل کیلئے مسلسل مکالمے اور روابط کی اہمیت پر زور دیا ۔ تاکہ خطے میں پائیدار امن اور استحکام قائم ہو سکے۔

خیال رہے کہ پاکستان کی جانب سے امریکا اور ایران کے درمیان جنگ بندی کے لیے مسلسل کوششیں جاری ہیں۔ پاکستان کی جانب سے وزیراعظم شہباز شریف، وزیر خارجہ اسحاق ڈار اور فیلڈ مارشل عاصم منیر امریکا اور ایران سمیت مختلف ممالک کے ساتھ مسلسل رابطے میں ہیں۔

گزشتہ روز وزیراعظم شہبازشریف کی زیر صدارت اہم مشارورتی اجلاس ہوا جس دوران شہبازشریف نے کہا کہ امید ہے ایران اور امریکا کو جلد مذاکرات کی میز پر دوبارہ بٹھانے میں کامیاب ہو جائیں گے۔

اجلاس میں اسلام آباد مذاکرات کے دوسرے مرحلے کے انعقاد کیلئے جاری کوششوں کا جائزہ لیا گیا، وزیر خارجہ نے مختلف ممالک کے وزرائے خارجہ سے رابطوں پر وزیراعظم کو اعتماد میں لیا،امید ہے ایران اور امریکا کو جلد مذاکرات کی میز پر دوبارہ بٹھانے میں کامیاب ہوجائیں گے،پاکستان مشرق وسطیٰ میں پائیدار امن کے قیام کیلئے اپنی سفارتی کوششیں جاری رکھے گا۔

ایران نے آبنائے ہرمز میں دوست ممالک کو ٹرانزٹ فیس سے استثنیٰ دے دیا۔

ماسکو میں ایرانی سفیر کاظم جلالی نے روسی میڈیا سے گفتگو کرتے ہوئے کہا کہ فی الحال ہم نے کچھ دوست ممالک کو استثنیٰ دیا ہوا ہے۔ وزارت خارجہ اس استثنیٰ کو برقرار رکھنے کی کوشش کررہی ہے۔

 کاظم جلالی نے کہا کہ دوسرا فریق مذاکرات چاہتا ہے تو ہم بھی مذاکرات کریں گے لیکن اگران کا شوق جنگ کرنے کا ہے تو ہم بھی جنگ کیلئے تیار ہیں۔

قبل ازیں ایرانی پارلیمنٹ کے نائب سپیکر حامد رضا نے بیان جاری کرتے ہوئے کہاہے کہ آبنائے ہرمز پر عائد ٹول ٹیکس سے پہلی آمدن ایران کو موصول ہو گئی ہے۔

امریکی میڈیا کے مطابق حامد رضا کا کہنا تھا کہ رقم مرکزی بینک کے اکاونٹ میں جمع کروا دی گئی ہے۔ امریکی میڈیا کا کہنا تھا کہ ڈپٹی اسپیکر نے اس حوالے سے مزید تفصیلات نہیں بتائیں کہ یہ آمدنی کس سے اور کیسے وصول کی گئی۔

امریکی صدر ڈونلڈ ٹرمپ نے اعلان کیا ہے کہ اسرائیل اور لبنان کے درمیان جنگ بندی 3 ہفتوں کے لیے بڑھا دی جائے گی۔

خبررساں ایجنسی رائٹرز کے مطابق وائٹ ہاؤس میں اسرائیل اور لبنان میں تعینات امریکا کے سفیروں اور اسرائیل و لبنان کے سفرا سے ہونے ایک میٹنگ کے بعد صحافیوں سے گفتگو کرتے ہوئے صدر ٹرمپ نے کہا کہ ہم لبنان کے ساتھ کام کرنے کو تیار ہیں تاکہ وہ حزب اللہ سے محفوظ رہ سکے۔

دریں اثنا جنگ بندی میں توسیع کے حوالے سے سوشل میڈیا پر مختصر اطلاع دیتے ہوئے صدر ٹرمپ نے سفیروں سے ملاقات پر روشنی ڈالی۔ انہوں نے کہا کہ میں امریکی نائب صدر جے ڈی وینس، وزیر خارجہ  مارکو روبیو، اسرائیل میں امریکی سفیر میشیل ہکابی اور لبنان میں امریکی سفیر میشیل عیسیٰ نے بھی شرکت کی۔ اجلاس میں اسرائیل اور لبنان کے اعلیٰ سطحی نمائندوں نے بھی حصہ لیا۔

انہوں نے کہا کہ امریکا اسرائیل اور لبنان کے درمیان جاری کشیدگی کم کرنے کے لیے سرگرم کردار ادا کرے گا جبکہ دونوں ممالک کے درمیان جنگ بندی میں مزید 3 ہفتوں کی توسیع کر دی گئی ہے۔

انہوں نے بتایا کہ وائٹ ہاؤس میں ہونے والے ایک اہم اجلاس میں امریکی نائب صدر جے ڈی وینس، وزیر خارجہ  مارکو روبیو، اسرائیل میں امریکی سفیر میشیل ہکابی اور لبنان میں امریکی سفیر میشیل عیسیٰ نے بھی شرکت کی۔ اجلاس میں اسرائیل اور لبنان کے اعلیٰ سطحی نمائندوں نے بھی حصہ لیا۔

امریکی صدر ڈونلڈ ٹرمپ کا کہنا ہے کہ ناکہ بندی کی وجہ سے ایران کی معیشت کو شدید نقصان ہورہا ہے، ایران امریکا سے ڈیل چاہتا ہے مگر مجھے کوئی جلدی نہیں۔

آبنائے ہرمز کی بندش طول پکڑنے لگی، امریکی صدر نے ناکہ بندی طویل کرنے کا عندیہ دے دیا، ڈونلڈ ٹرمپ کا کہنا ہے کہ ایران نے ڈیل نہ کی تو ہماری فوج ان سے نمٹے گی۔

امریکی صدر نے ایران کے خلاف جوہری ہتھیاروں کے استعمال کے سوال کو بے وقوفی پر مبنی قرار دیا۔ صدر ٹرمپ نے کہا یہ سوال ہی بے وقوفی پر مبنی ہے، ایٹمی ہتھیار کسی کو بھی استعمال نہیں کرنا چاہئے، ایران کےخلاف نیوکلیئرہتھیار استعمال نہیں کریں گے۔

 اس سے پہلے صدر ٹرمپ نے امریکی فوج کو آبنائے ہرمز پر بارودی سرنگیں بچھانے والی کشتیوں کو تباہ کرنے کا حکم دے دیا۔ کہا ایران سے معاہدہ صرف امریکا کے مفاد میں اور مناسب وقت پر ہوگا۔

امریکی فوج نے دعویٰ کیا ہے کہ اس نے بحرِ ہند میں ایرانی تیل سے منسلک ایک آئل ٹینکر کو روک کر قبضے میں لے لیا ہے۔

امریکی محکمہ دفاع کے مطابق ”میجسٹک ایکس“ نامی جہاز کو بھارتی سمندر میں روک کر اس کی تلاشی لی گئی، جس کے بعد امریکی انڈو پیسیفک کمانڈ نے کارروائی کرتے ہوئے اسے تحویل میں لیا۔

بیان کے مطابق مذکورہ جہاز ایران سے تیل لے جا رہا تھا اور امریکی پابندیوں کی زد میں تھا۔ آئل ٹینکر مجسٹک میں 1.9 ملین بیرل ایرانی خام تیل موجود تھا۔

Overnight, U.S. forces carried out a maritime interdiction and right-of-visit boarding of the sanctioned stateless vessel M/T Majestic X transporting oil from Iran, in the Indian Ocean within the INDOPACOM area of responsibility.

We will continue global maritime enforcement to… pic.twitter.com/SWF6Jt9Ci4

— Department of War 🇺🇸 (@DeptofWar) April 23, 2026

امریکی محکمہ جنگ نے ایکس پر جاری بیان میں کارروائی کی تصدیق کرتے ہوئے کہا کہ ایران کو معاونت فراہم کرنے والے جہازوں کو روکنے کے لیے کارروائیاں جاری رکھیں گے، چاہے انہیں کہیں سے بھی آپریٹ کیا جارہا ہو، محکمہ جنگ سمندر میں غیر قانونی عناصر اور ان کے جہازوں کی نقل و حرکت روکنے کے لیے کارروائیاں جاری رکھے گا۔

ایران کے مختلف علاقوں میں چھوٹے ڈرونز کی نشاندہی کے بعد فضائی دفاعی نظام متحرک ہوگیا۔

ایرانی میڈیا کے مطابق ملک کے متعدد مقامات پر مشتبہ ڈرونز دیکھے جانے کے بعد دفاعی نظام نے کارروائی کی۔

دوسری جانب امریکی دفاعی اہلکار نے عرب میڈیا کو بتایا کہ ایران کے ساتھ جنگ بندی کی صورتحال میں کوئی تبدیلی نہیں، جنگ بندی بدستور برقرار ہے۔ اسرائیلی سیکیورٹی ذرائع کا بھی کہنا ہے کہ ایران میں فضائی حملے نہیں کیے جا رہے۔

قبل ازیں واشنگٹن پوسٹ نے دعویٰ کیا ہے کہ امریکی فوج نے ایران کے خلاف دوبارہ کارروائی کیلئے تیاری مکمل کرلی، امریکی افواج نےجنگی جہازوں اور طیاروں کی پوزیشنز تبدیل کیں، تیسرا طیارہ بردار جہاز بھی ایران کے قریب پہنچ گیا۔

امریکی فوج نے مذاکرات میں رکاوٹ ایرانی قیادت کو نشانہ بنانے کے آپشن پر غور کردیا۔

امریکی میڈیا کے مطابق امریکی فوج نے اعلیٰ ایرانی قیادت کو نشانہ بنانے کے آپشن پر غور شروع کردیا، ایسی قیادت کو نشانہ بنایا جاسکتا ہے جو مذاکرات میں رکاوٹ ہے۔

رپورٹ کے مطابق احمد وحیدی سمیت پاسداران انقلاب کی دیگر قیادت ممکنہ اہداف میں شامل ہیں، جنگ بندی ختم ہونے پر آبنائے ہرمز میں امریکی کارروائی کا بھی امکان ہے۔

واشنگٹن پوسٹ کے مطابق امریکی فوج نے ایران کے خلاف دوبارہ کارروائی کیلئے تیاری مکمل کرلی، امریکی افواج نےجنگی جہازوں اور طیاروں کی پوزیشنز تبدیل کیں، تیسرا طیارہ بردار جہاز بھی ایران کے قریب پہنچ گیا۔

ایرانی پارلیمنٹ کے نائب سپیکر حامد رضا نے بیان جاری کرتے ہوئے کہاہے کہ آبنائے ہرمز پر عائد ٹول ٹیکس سے پہلی آمدن ایران کو موصول ہو گئی ہے۔

امریکی میڈیا کے مطابق حامد رضا کا کہناتھا کہ رقم مرکزی  بینک کے اکاونٹ میں جمع کروا دی گئی ہے  ۔ امریکی میڈیا کا کہناتھا کہ ڈپٹی اسپیکر نے اس حوالے سے مزید تفصیلات نہیں بتائیں کہ یہ آمدنی کس سے اور کیسے وصول کی گئی۔

دوسری جانب پاسداران انقلاب نے   آبنائے ہرمز میں دو بحری جہازوں پر قبضے کی  ویڈیو جاری کر دی ہے ،   دونوں جہاز ایرانی ساحل پر منتقل  کر دیئے گئے۔امریکی فوج نے ناکہ بندی کی خلاف ورزی پرایک اور جہازکو قبضے میں لے لیا۔ حکام کے مطابق بحری جہاز بحرِ ہند میں ایران سے تیل لے جارہا تھا ۔

سینٹ کام نے  اکتیس بحری جہازوں کا رخ تبدیل کرنے کا دعوی بھی کیاہے، اور کہا کہ  آبی گزر گاہ سے بارودی سرنگوں کی صفائی میں چھ ماہ لگ سکتے ہیں ۔ 

ایران امریکا کشیدگی کے باعث ایشیائی کرنسیوں کی قدر میں بڑی کمی ہوگئی۔

انڈونیشین روپیہ امریکی ڈالر کے مقابلے میں کم ترین سطح پر پہنچ گیا، انڈونیشین روپیہ 17ہزار315 فی ڈالر سے معیشت کو بڑا دھچکا لگ گیا۔

فلپائن کی کرنسی پیسو 2ہفتے کی کم ترین سطح پر آگئی، تھائی لینڈ کی کرنسی باہت میں بھی رواں ماہ کمی ریکارڈ کی گئی، خلیج میں کشیدگی اور آبنائے ہرمز کی صورتحال نے ایشیائی مارکیٹوں کو متاثر کیا۔

دوسری جانب پینٹاگون کا کہنا ہے کہ آبنائے ہرمز سے بارودی سرنگیں صاف کرنے کے عمل میں 6 ماہ تک لگ سکتے ہیں اور غالب امکان ہے کہ یہ کارروائی امریکہ اور ایران کے درمیان جنگ کے خاتمے کے بعد ہی شروع کی جائے۔ حکام کے مطابق جنگ کے بعد بارودی سرنگیں ہٹانے میں طویل وقت درکار ہے۔

ایک اعلیٰ عہدیدار نے کانگریس کو بتایا کہ ان میں سے بعض بارودی سرنگیں جی پی ایس ٹیکنالوجی کے ذریعے دور سے نصب کی گئیں، جس کے باعث تنصیب کے دوران امریکی افواج کے لیے ان کی نشاندہی کرنا مشکل ہوگیا۔

چین نے بھی امریکا اور ایران کے جاری کشیدگی ختم کرانے کیلیے کوششیں شروع کردی۔

عالمی میڈیا کے مطابق چین بھی امریکا اور ایران کے درمیان کشیدگی کم کرانے کی کوشش کر رہا ہے۔ چین ایران جنگ میں عالمی طاقت کے طور پر اپنا کردار ادا کر رہا ہے کیونکہ امریکا  کی پالیسیوں کی وجہ سے اس کے پرانے اتحادیوں کے ساتھ تعلقات میں کشیدگی پیدا ہو رہی ہے۔

واضح رہے کہ مشرق وسطیٰ میں مستقل امن کےلیے پاکستان سفارتی محاذ پر بدستور متحرک ہے۔ امریکی صدر کی جانب سے جنگ بندی میں غیرمعینہ مدت کیلئے توسیع نے نئی اُمید پیدا کر دی ہے۔ ایران کو بات چیت پر آمادہ کرنے کیلئے پاکستانی قیادت کی ملاقاتیں اور ٹیلی فونک رابطے جاری ہیں۔

ایران امریکا مذاکرات کے دوسرے راؤنڈ کیلئے اسلام آباد میں کئی روز سے بڑی تیاریوں کے ساتھ کڑے سیکیورٹی انتظامات بھی برقرار ہیں۔

امریکی صدر ڈونلڈ ٹرمپ کا کہنا ہے کہ مڈٹرم انتخابات کی وجہ سے لڑائی جلدی ختم کرنے کا ثاثرغلط ہے، جنگ کے خاتمے کیلئے کوئی ٹائم فریم نہیں دیا۔ مذاکرات کی بھی کوئی ڈیڈلائن نہیں رکھی۔

امریکی میڈیا اور اخبار سے گفتگو میں صدر ڈونلڈ ٹرمپ نے کہا ایران تنازع کے حوالے سے کسی قسم کی جلدی نہیں، معاہدے کیلئے کوئی سیاسی دباؤ نہیں، امریکی عوام کے مفاد میں بہتر  ڈیل چاہتے ہیں۔

امریکی صدر نے کہا کہ ایرانی وزیرخارجہ عباس عراقچی سمجھ دار شخص ہیں، جمعے تک مذاکرات کا دوسرا دور شروع ہوسکتا ہے، اگلے 36 سے 72 گھنٹے اہم ہیں۔

دوسری جانب ترجمان وائٹ ہاؤس نے میڈیا سے گفتگو میں کہا امریکا مذاکرات کیلئے ایران کے جواب کا انتظار کررہا ہے۔ صدر ٹرمپ نے جنگ بندی کی  کوئی حتمی ڈیڈ لائن مقرر نہیں کی۔

کیرولائن لیویٹ کا کہنا تھا جنگ بندی برقرار ہے تاہم آپریشن اکنامک فیوری جاری ہے، ایران کو چاہیئے افزودہ یورینیم امریکا کے حوالے کردے۔

پینٹاگون کا کہنا ہے کہ آبنائے ہرمز سے بارودی سرنگیں صاف کرنے کے عمل میں 6 ماہ تک لگ سکتے ہیں اور غالب امکان ہے کہ یہ کارروائی امریکہ اور ایران کے درمیان جنگ کے خاتمے کے بعد ہی شروع کی جائے۔ حکام کے مطابق جنگ کے بعد بارودی سرنگیں ہٹانے میں طویل وقت درکار ہے۔

رپورٹ کے مطابق یہ بات محکمہ دفاع کے ایک اعلیٰ عہدیدار نے منگل کے روز ایوانِ نمائندگان کی آرمڈ سروسز کمیٹی کے ارکان کو بند کمرے میں دی گئی بریفنگ کے دوران کہی۔

اس ٹائم لائن پر ڈیموکریٹک اور ریپبلکن دونوں جماعتوں کے ارکان نے مایوسی کا اظہار کیا، جو اس بات کی علامت ہے کہ امریکہ اور ایران کے درمیان کسی امن معاہدے کے بعد بھی ایندھن اور تیل کی قیمتیں بلند رہ سکتی ہیں۔

کمیٹی کو آگاہ کیا گیا ہے کہ ایران ممکنہ طور پر آبنائے ہرمز کے آس پاس کے علاقے میں بارودی سرنگیں بچھا چکا ہے۔ یہ آبی گزرگاہ مشرقِ وسطیٰ کے تیل کی ترسیل کے لیے نہایت اہم سمجھی جاتی ہے۔

ایک اعلیٰ عہدیدار نے کانگریس کو بتایا کہ ان میں سے بعض بارودی سرنگیں جی پی ایس ٹیکنالوجی کے ذریعے دور سے نصب کی گئیں، جس کے باعث تنصیب کے دوران امریکی افواج کے لیے ان کی نشاندہی کرنا مشکل ہوگیا۔

ایران نے رواں سال امریکا میں ہونے والے فیفا ورلڈ کپ میں شرکت کی تصدیق کردی۔ اس سے پہلے فیفا کے صدر بھی کہہ چکے ہیں، کہ ورلڈ کپ میں ایرانی ٹیم شرکت کرے گی۔

ایرانی وزارت کھیل نے کہا ہے کہ ایرانی ٹیم امریکا میں رواں سال ہونے والے فٹبال ورلڈ کپ میں شرکت کے لیے تیار ہے۔ ایرانی حکومتی ترجمان فاطمہ مہاجرانی نے کہا کہ ایونٹ میں شرکت کے لیے ضروری اقدامات کر لیے گئے ہیں۔

خیال رہے کہ ایران نے فیفا ورلڈکپ 2026 کے لیے کوالیفائی کیا ہوا ہے، یہ ورلڈکپ امریکا، کینیڈا اور میکسیکو کی مشترکہ میزبانی میں 11 جون سے شروع ہوگا۔

ایران کے تمام میچز امریکا میں شیڈول ہیں اور ایران کو پہلا گروپ میچ 15 جون کو لاس اینجلس میں نیوزی لینڈ کے خلاف کھیلنا ہے، پھر 21 جون کو اس کا مقابلہ بیلجیئم اور 27 جون کو مصر سے ہوگا۔

اس سے قبل امریکی صدر ڈونلڈ ٹرمپ نے ایران فٹبال ٹیم کی ورلڈکپ میں شرکت حوالے سےکہا تھا کہ ان حالات میں ایران کا امریکا میں ورلڈ کپ کھیلنا مناسب نہیں ہوگا جب کہ ایران نے اس پر ردعمل میں کہا تھا کہ کوئی بھی ایران کی قومی ٹیم کو ورلڈکپ سے باہر نہیں کر سکتا۔

وفاقی وزیر داخلہ محسن نقوی سے امریکی سفیر نیٹلی بیکر نے ملاقات کی، خطے کی صورتحال اور امن کوششوں پر تبادلہ خیال کیا گیا۔ محسن نقوی نے جنگ بندی میں توسیع کو مثبت پیش رفت قرار دیا۔ نیٹلی بیکر نے قیام امن کیلئے پاکستان کی کوششوں کی تعریف کی۔

ملاقات میں ایران اور امریکا کے درمیان مذاکرات کے دوسرے راؤنڈ کے انعقاد سے متعلق امور زیر بحث آئے۔ تنازع کے دیرپا حل کیلئے سفارتی چینلز کے تسلسل کی ضرورت پر زور دیا گیا۔

محسن نقوی نے جنگ بندی میں توسیع کیلئے امریکی صدر ڈونلڈ ٹرمپ کے اقدام کو سراہتے ہوئے اسے کشیدگی میں کمی کی جانب اہم پیش رفت قرار دیا۔

 انہوں نے کہا کہ ایران کی جانب سے بھی مثبت پیش رفت کی امید ہے۔ وزیراعظم شہباز شریف اور فیلڈ مارشل عاصم منیر  ہر سطح پر مسئلے کے حل کیلئے کوششیں جاری رکھے ہوئے ہیں ۔ امید ہے کہ تمام فریقین سفارتی اور پرامن حل کو موقع دیں گے۔

امریکی سفیر نے خطے میں قیام امن اور تنازعات کے حل کیلئے پاکستان کے تعمیری اور مثبت کردار کو سراہا۔

لبنان میں اسرائیلی جارحیت جاری ہے۔ جنوبی لبنان میں رہائشی عمارت پر بمباری میں ایک اور صحافی شہید ہوگئیں۔

خبر ایجنسی کے مطابق خاتون صحافی امل خلیل کی لاش تباہ عمارت کے ملبے سے ملی۔ ساتھی رپورٹ زینب فرج زخمی حالت میں اسپتال منتقل کردیا گیا۔ پہلے حملے کے بعد امل خلیل نے قریبی گھر میں پناہ لیکر لبنانی حکام سےاپنی لوکیشن بھی شیئر کی تھی۔ ریسکیو آپریشن کے دوران عمارت پر دوبارہ فضائی حملہ کیا گیا۔

وزیراعظم نے صحافی کے قتل کو جنگی جرم قرار دیا۔ بین الاقوامی عدالت سے رجوع کرنے کا اعلان کردیا ۔ اسرائیلی حملوں میں شہید لبنانی صحافیوں کی تعداد 4 ہوگئی۔

دوسری جانب بیروت میں امریکی سفارتخانہ نے امریکی شہریوں کو ہدایت کی ہے کہ لبنان سے فوری نکل جائیں، لبنان میں صورتحال پیچیدہ اور فوری تبدیل ہوسکتی ہے۔

ترک صدر رجب طیب اردوان  نےکہا ہےکہ ایران جنگ کے اثرات یورپ تک پھیل رہے ہیں،یہ جنگ یورپ کو معاشی طور پر کمزور کر سکتی ہے۔

ترک صدر رجب طیب اردوان نے جرمن ہم منصب فرینک والٹر سے ٹیلی فونک رابطہ کیا،ٹیلی فونک گفتگو میں ترک صدر نے کہا ایران جنگ کے اثرات یورپ تک پھیل رہے ہیں،ایران کے ساتھ جنگ یورپ کو معاشی طور پر کمزور کر سکتی ہے،اگر مسئلے کا پرامن حل نہ نکلا تو نقصان اور زیادہ بڑھ سکتا ہے

دوسری جانب گورنرکیلیفورنیا گیون نیوسم نےاپنےبیان میں کہاایران کےخلاف شروع کی گئی بےمقصدجنگ ختم کی جائے،امریکامیں اشیاکی قیمتوں میں اضافےکےذمہ دارٹرمپ ہیں،پمپس پرجوگیس کی قیمتیں بڑھی ہیں وہ ٹرمپ کے اقدامات کا نتیجہ ہیں۔

ایران جنگ کے بعد امریکی انتظامیہ میں پھوٹ پڑگئی۔ اختلافات کھل کر سامنے آگئے۔

آرمی چیف کے بعد ایران کے بحری ناکہ بندی کے دوران امریکی نیوی کے سیکرٹری کو بھی عہدے سے برطرف کردیا گیا۔ پینٹاگون کی جان سی فیلن سے استعفا لینے کی تصدیق کردی۔

جان سی فیلن کو 2024 میں صدر ٹرمپ نے وزیر نیوی نامزد کیا تھا۔ اُس وقت جان سی فیلن پر تنقید کی گئی تھی کہ انہیں بحریہ، فوج یا قومی سلامتی پالیسی اور ڈیفنس انڈسٹری سے متعلق تجربہ نہیں۔

 خبر ایجنسی کے مطابق جان فیلن اور وزیرجنگ میں کئی ماہ سے اختلافات چل رہے تھے۔ اس سے پہلے ایران جنگ کے دوران امریکی وزیر جنگ پیٹ ہیگسیتھ نے امریکا کے آرمی چیف آف اسٹاف جنرل رینڈ جارج کو فوری طور پر مستعفی ہونے پر مجبور کردیا تھا۔

ایرانی صدر مسعود پزشکیان کا کہنا ہے کہ ایران ہمیشہ سے بات چیت اور معاہدے کا خیرمقدم کرتا آیا ہے مگر وعدہ خلافیاں ناکہ بندی اور دھمکیاں حقیقی مذاکرات میں رکاوٹ ہیں۔

ایک بیان میں مسعود پزشکیان نے کہا کہ ایران ہمیشہ سے بات چیت اور معاہدے کا خیرمقدم کرتا آیا ہے، دنیا آپ کے بیانات اور دعوؤں میں تضاد کو دیکھ رہی ہے۔

 دوسری جانب ایرانی صدارتی دفتر کے ترجمان کا کہنا ہے کہ برابری کی بنیاد پر مذاکرات کے دروازے اب بھی کھلے ہیں۔ طباطبائی نے ایرانی قیادت میں تقسیم کی باتیں جھوٹ قرار دے دیں، کہا دشمن سیاسی پروپیگنڈا کررہا ہے۔ ہمیں تقسیم نہیں کرسکتا ۔ صدرٹرمپ ایرانی قیادت میں تقسیم کا جھوٹ پھیلانے کی بجائے وعدوں کی پاسداری یقینی بنائیں۔

ایرانی اسپیکر محمد باقر قالیباف کا کہنا ہے کہ مکمل جنگ بندی اسی صورت قابلِ قبول ہے جب سمندری ناکا بندی نہ ہو، جنگ بندی کی کھلی خلاف ورزی کی صورت میں آبنائے ہرمز کو دوبارہ کھولنا ناممکن ہے، آگے بڑھنے کا واحد راستہ ایرانی قوم کے حقوق کو تسلیم کرنا ہے۔

واضح رہے کہ مشرق وسطیٰ میں مستقل امن کےلیے پاکستان سفارتی محاذ پر بدستور متحرک ہے۔ امریکی صدر کی جانب سے جنگ بندی میں غیرمعینہ مدت کیلئے توسیع نے نئی اُمید پیدا کر دی ہے۔ ایران کو بات چیت پر آمادہ کرنے کیلئے پاکستانی قیادت کی ملاقاتیں اور ٹیلی فونک رابطے جاری ہیں۔

ترجمان وائٹ ہاؤس کیرولائن لیویٹ کا کہنا ہے کہ صدر ٹرمپ نے لچک کا مظاہرہ کیا تاکہ ایران کے ساتھ ڈیل ہوسکے، ایران معاشی دباؤ کی وجہ سے مذاکرات کی میز پر واپس آرہا ہے۔

واشنگٹن میں میڈیا بریفنگ کے دوران ترجمان وائٹ ہاؤس کیرولائن لیویٹ نے کہا کہ  جنگ بندی میں توسیع کے معاملے پر صدر ٹرمپ یکساں ردِعمل چاہتے ہیں، صدر نے جنگ بندی میں توسیع کے معاملے پر کوئی حتمی ڈیڈ لائن مقرر نہیں کی۔ صدر ٹرمپ کو ایران کی جانب سے جواب کا انتظار ہے۔

ترجمان وائٹ ہاؤس کے مطابق آپریشن اکنامک فیوری کامیابی سے جاری ہے، ایران کی بحری ناکہ بندی جاری ہے، صدر ٹرمپ آبنائے ہرمز کی ناکہ بندی پر مطمئن ہیں۔ ایران کو چاہیے وہ افزودہ یورینیم امریکہ کے حوالے کرے۔

امریکی محکمہ جنگ کی رپورٹ کے مطابق ایران کے ساتھ جاری جنگ میں اب تک تقریباً 400امریکی فوجی زخمی ہو چکے ہیں۔

رپورٹ کے مطابق ایران کے ساتھ جنگ ​​میں 400 زخمی امریکی فوجیوں میں سے 271 کا تعلق بری ،64 کا بحریہ اور 46 کا فضائیہ سے ہے۔

واضح رہے کہ 13امریکی فوجی اہلکار جنگی کارروائیوں میں ہلاک بھی ہوئے۔ واشنگٹن اور تہران کے نمائندوں نے 11اپریل کو اسلام آباد، پاکستان میں مذاکرات کے کئی دور کیے، لیکن دونوں فریقین کا کہنا ہے کہ وہ کسی طویل مدتی معاہدے تک پہنچنے میں ناکام رہے ہیں۔

امریکی میڈیا کے مطابق ایران سے جنگ بندی غیر معینہ مدت کےلیے نہیں بلکہ صرف3 سے5 روز کیلئے ہے۔

وائٹ ہاؤس کے حوالے سے سی این این کا کہنا ہے کہ امریکی صدر ایران سے ڈیل جلد از جلد فائنل کرنا چاہتے ہیں ۔ ان کا منصوبہ ہے کہ ایران کو تجاویز پیش کرنے کےلیے محدود وقت دیا جائے۔

امریکی میڈیا رپورٹ میں مزید کہا گیا کہ امریکی صدر سمجھتے ہیں کہ ڈیڈ لائن کا پریشر ایران کو مذاکرات کی میز پر لانے پر مجبور کرے گا۔

میڈیا رپورٹ میں یہ بھی کہا گیا کہ امریکی انتظامیہ جنگ بندی کو غیر معینہ مدت تک بڑھانے کے حق میں نہیں، امریکا ایران کو مذاکرات میں مزید تاخیر کا موقع نہیں دینا چاہتا۔

امریکی میڈیا رپورٹ میں کہا گیا کہ امریکی انتظامیہ کی جنگ میں توسیع معاملے کو سفارتی سطح پر حل کرنے کو ظاہر کرتی ہے، امریکی صدر سمجھتے ہیں کہ آبنائے ہرمز کی ناکہ بندی ایران پر دباؤ برقرار رکھے گی۔

ایرانی صدارتی دفتر کے ترجمان کا کہنا ہے کہ برابری کی بنیاد پر مذاکرات کے دروازے اب بھی کھلے ہیں۔

ترجمان ایران صدارتی دفتر مہدی طباطبائی نے ایرانی قیادت میں تقسیم کی باتیں جھوٹ قرار دے دیں، کہا دشمن سیاسی پروپیگنڈا کررہا ہے۔ ہمیں تقسیم نہیں کرسکتا ۔ صدرٹرمپ ایرانی قیادت میں تقسیم کا جھوٹ پھیلانے کی بجائے وعدوں کی پاسداری یقینی بنائیں۔

دوسری جانب ایرانی اسپیکر محمد باقر قالیباف کا کہنا ہے کہ مکمل جنگ بندی اسی صورت قابلِ قبول ہے جب سمندری ناکا بندی نہ ہو، جنگ بندی کی کھلی خلاف ورزی کی صورت میں آبنائے ہرمز کو دوبارہ کھولنا ناممکن ہے، آگے بڑھنے کا واحد راستہ ایرانی قوم کے حقوق کو تسلیم کرنا ہے۔

واضح رہے کہ مشرق وسطیٰ میں مستقل امن کےلیے پاکستان سفارتی محاذ پر بدستور متحرک ہے۔ امریکی صدر کی جانب سے جنگ بندی میں غیرمعینہ مدت کیلئے توسیع نے نئی اُمید پیدا کر دی ہے۔ ایران کو بات چیت پر آمادہ کرنے کیلئے پاکستانی قیادت کی ملاقاتیں اور ٹیلی فونک رابطے جاری ہیں۔

ایران امریکا مذاکرات کے دوسرے راؤنڈ کیلئے اسلام آباد میں کئی روز سے بڑی تیاریوں کے ساتھ کڑے سیکیورٹی انتظامات بھی برقرار ہیں۔

امریکا نے روسی اور ایرانی تیل پر عائد پابندیوں میں نرمی میں توسیع کردی۔

امریکی وزیرخزانہ اسکاٹ بیسنٹ کا کہنا ہے کہ روسی اور ایرانی تیل پر عائد پابندیوں میں 30 دن کی توسیع کی ہے، یہ فیصلہ ان ممالک کی درخواست پر کیا گیا جنہیں خطرات درپیش ہیں، ممالک نے آئی ایم ایف اور ورلڈ بینک سے درخواست کی تھی۔

دوسری جانب خام تیل کی عالمی قیمتوں میں اضافے کا رجحان برقرار ہے۔ برطانوی برینٹ کروڈ کی قیمت 101 ڈالر فی بیرل سے تجاوز کرگئی، برینٹ کروڈ آئل کی قیمت میں 3 فیصد سے زائد اضافہ ہوگیا۔

امریکی ڈبلیو ٹی آئی خام تیل کی قیمت میں بھی 2.73 فیصد اضافہ دیکھا گیا، ڈبلیو ٹی آئی کروڈ کی قیمت 92 ڈالر فی بیرول سے زائد ہوگئی۔

امریکی صدر ڈونلڈ ٹرمپ پاکستان اہم ثالث کا کردار ادا کر رہا ہے، ایران کے ساتھ مذاکرات کا دوسرا دور جمعہ کو ہوسکتا ہے۔

نیویارک پوسٹ سے گفتگو میں امریکی صدر ڈونلڈ ٹرمپ نے کہا کہ ایران کے ساتھ مذاکرات کے دوسرے دور کیلئے اچھی خبر ہے، 36 سے 72 گھنٹوں کے اندر مذاکرات میں بڑی پیش رفت ہو سکتی ہے، مذاکرات کا دوسرا دور جمعہ کو ہوسکتا ہے۔

ڈونلڈ ٹرمپ نے کہا کہ میں نے اپنی فوج کو ہدایت دی ہے کہ ناکہ بندی جاری رکھے، فوج کو ہرممکن صورتحال سے نمٹنے کی بھی ہدایت کی ہے، جنگ بندی کو اس وقت تک بڑھا رہے ہیں جب تک ایران تجاویز پیش نہیں کردیتا۔

واضح رہے کہ رہے کہ امریکی صدرڈونلڈٹرمپ نے فیلڈ مارشل عاصم منیر اور وزیراعظم شہبازشریف کی درخواست پر جنگ بندی میں توسیع کا اعلان جبکہ آبنائے ہرمز کی ناکہ بندی برقرار رکھنے کا حکم دیا ہے۔

امریکی صدرڈونلڈ ٹرمپ نے سوشل میڈیا پر جاری بیان میں کہا پاکستان کی درخواست پرحملے روک رہے ہیں،جنگ بندی میں اس وقت تک توسیع کی جائے گی ،جب تک ایران کی تجویز پیش نہیں کی جاتی۔ ایران کی حکومت اس وقت کمزور اور تقسیم ہے،ایران پر حملے نہیں کررہے،ناکہ بندی برقرار رہے گی،فوج کو ہرقسم کی تیاری کی بھی ہدایت کی ہے۔

وزیراعظم شہباز شریف نےجنگ بندی میں توسیع کی ہماری درخواست کوقبول کرنے پرصدر ٹرمپ کا شکریہ ادا کیا،کہاپاکستان تنازعات کے مذاکراتی حل کے لیے اپنی بھرپور کوششیں جاری رکھے گا۔

ترجمان ایرانی وزارت خارجہ اسماعیل بقائی کا کہنا ہے کہ جنگ بندی کیلئے پاکستان کی ثالثی کی کوششوں کو سراہتے ہیں، ایران ہرقسم کی صورتحال سے نمٹنے کیلئے تیار ہے۔

اسماعیل بقائی نے کہا کہ ایران نے جنگ کا آغاز نہیں کیا،تمام اقدامات حق دفاع کے تحت کئے، اپنی سلامتی اور قومی مفادات کا تحفظ ہرقیمت پر کریں گے۔

دوسری جانب ترجمان ایرانی پاسداران انقلاب نے کہا کہ خطہ بیرونی طاقتوں کے بغیر ایک نئے نظام میں داخل ہو رہا ہے، ایرانی افواج امریکا اور اسرائیل کی جارحیت کا جواب دینے کی صلاحیت رکھتی ہیں، ایران کی بہادر اور باوقار قوم نے 50 راتوں تک افواج کے ساتھ میدان میں رہی، جو جدید تاریخ کا ایک منفرد واقعہ ہے۔

قبل ازیں ایرانی صدر مسعود پزشکیان نے کہا کہ پاسدارانِ انقلاب کی کارروائیوں نے دشمن کے اندازوں کو غلط ثابت کیا، ایران کی مسلح افواج نے دشمن کی سازشوں کو ناکام بنا دیا ہے۔

ایرانی پاسداران انقلاب نے آبنائے ہرمز پر دو بحری جہازوں کو قبضے میں لے لیا۔

 ایرانی میڈیا کے مطابق ایک بحری جہاز ایم ایس سی فرانسسکا اسرائیل کی ملکیت ہے جبکہ دوسرے جہاز پر پاناما کا جھنڈا لہرا رہا ہے۔ دونوں جہازوں کو سمندر سے ایرانی ساحل پر منتقل کیا جارہاہے۔

برطانوی میری ٹائم سیکیورٹی ایجنسی کے مطابق آبنائے ہرمز پر آج تین جہازوں پر فائرنگ ہوئی تاہم بحری جہاز اور عملے کے ارکان محفوظ رہے۔

میری ٹائم ایجنسی کے مطابق عمان کے ساحل سے 15 ناٹیکل میل دور بحری جہاز پر بھی حملہ کیا گیا ہے۔ ایرانی پاسداران انقلاب کی گن بوٹ نےجہاز کو گھیرنے کی کوشش کی، بحری جہاز پر فائرنگ کی گئی، برج کو شدید نقصان پہنچا، جہاز میں آگ نہیں لگی، عملے کے ارکان بھی محفوظ رہے۔

امریکا اورایران کی کشیدگی کے باعث سب سے زیادہ متاثر بھارت ہورہا ہے۔

اقوام متحدہ کے اندازے کے مطابق اس جنگ کے باعث بھارت میں مزید 25 لاکھ افراد غربت کی لکیر سے نیچے چلے جائیں گے۔

 الجزیرہ کی رپورٹ کے مطابق بھارت میں خوراک اور توانائی کی قیمتیں دوگنی ہوگئی ہیں۔ گیس کی قلت کے باعث فیکٹریاں بند ہورہی ہیں اور مہنگائی میں مسلسل اضافہ ہورہا ہے۔

کئی کمپنیوں میں ملازمین احتجاجی مظاہروں پر اتر آئے ہیں۔ ناکہ بندی طویل ہونے کی صورت میں بھارت میں مزید لاکھوں افراد متاثر ہوسکتے ہیں۔

وزیراعظم شہباز شریف سے ایرانی سفیر رضا امیری مقدم کی ملاقات ہوئی،ملاقات میں خطے کی تازہ ترین صورتحال اور امن کوششوں پر تبادلہ خیال کیا گیا۔

وزیراعظم اورایرانی سفیر کی ملاقات میں مذاکراتی عمل کو آگے بڑھانے اورپائیدار امن کیلئےحتمی معاہدے تک پہنچنے کے امکانات کا جائزہ لیا گیا۔

وزیراعظم اورایرانی سفیرکی ملاقات میں نائب وزیراعظم اسحاق ڈاربھی شریک ہوئے،وزیراعظم کے معاون خصوصی  طارق فاطمی اور سیکرٹری خارجہ بھی موجود تھے ۔

پینٹاگون نے امریکی تاریخ کا سب سے بڑا دفاعی بجٹ مانگ لیا۔

ڈیڑھ ہزارارب ڈالربجٹ کی مزید تفصیلات جاری کردی،18جنگی بحری جہازوں کیلئے 65 ارب ڈالربجٹ کی تجویز ہے،سالانہ 85 ایف 35 طیاروں کےحصول کیلئے 102 ارب ڈالرکی تجویز دی گئی۔

بجٹ تجاویز کےمطابق ڈرون پلیٹ فارمزکی تعمیرپر 53 ارب ڈالرخرچ ہونگے،21 ارب ڈالراینٹی ڈرون ایمونیشن کیلئےمختص کرنےکی تجویز ہے،فوج کی تنخواہوں میں 5 سے 7 فیصد اضافے کی تجویز ہے،
بجٹ دستاویزات کے مطابق 44 ہزار نئے فوجی بھرتی کیے جائیں گے۔

وزیر اعظم شہباز شریف کا اپنی اور فیلڈ مارشل عاصم منیر کی طرف سےجنگ بندی میں توسیع کی درخواست قبول کرنے پر صدر ٹرمپ کا شکریہ ادا کیا ہے۔

وزیر اعظم شہباز شریف کا کہنا ہے کہ پاکستان تنازعات کے مذاکراتی حل کے لیے اپنی بھرپور کوششیں جاری رکھے گا۔امید ہے دونوں فریق جنگ بندی کی پاسداری جاری رکھیں گے۔

وزیراعظم مزیدکہا کہ امید ہے دونوں فریق تنازعات کے مستقل خاتمے کے لیے اسلام آباد میں طے شدہ مذاکرات کے دوسرے دور کے دوران جامع امن ڈیل میں کامیاب ہو جائیں گے۔

ایرانی پارلیمنٹ کے اسپیکر کے مشیر نےاپنےبیان میں کہاصدرٹرمپ کی جانب سے جنگ بندی میں توسیع ایک چال ہے۔

مشیر ایرانی اسپیکر نےکہا ٹرمپ  جنگ بندی میں توسیع کرکے ایران پرحملہ کرنا چاہتے ہیں،ناکہ بندی جاری رکھنا بمباری کے برابر ہے،صدر ٹرمپ نے یک طرفہ طور پر جنگ بندی میں توسیع کی۔

ترجمان خاتم الانبیاء ہیڈکوارٹرکی جانب سےجاری بیان میں کہا کہ کسی بھی جارحیت پر فوری اور بھرپور جوابی کارروائی کریں گے ایرانی افواج مکمل طور پر ہائی الرٹ ہے،ہر قسم کی صورتحال سے نمٹنے کے لیے 100 فیصد تیار ہیں،جارحیت کی صورت میں  طے شدہ اہداف پرحملہ کریں گے۔

امریکی صدر نے اپنے بیان میں کہا ایران کی جوہر طاقت،بحریہ اور فضائیہ مکمل تباہ کرچکے،ایران نےمیرے علاوہ ہرامریکی صدرکا فائدہ اٹھایا،آبنائے ہرمز اس وقت امریکی کنٹرول میں ہے،ایران کوناکہ بندی کے باعث روزانہ 500 ملین ڈالر کا نقصان ہو رہا ہے۔

امریکی صدرڈونلڈٹرمپ نےفیلڈ مارشل عاصم منیر اور وزیراعظم شہبازشریف کی درخواست پر جنگ بندی میں توسیع کا اعلان کیا ہے،جبکہ آبنائے ہرمز کی ناکہ بندی برقرار رکھنے کا حکم دیا۔

امریکی صدرڈونلڈ ٹرمپ نےسوشل میڈیا پرجاری بیان میں کہا پاکستان کی درخواست پرحملے روک رہے ہیں،جنگ بندی میں اس وقت تک توسیع کی جائے گی ،جب تک ایران کی تجویز پیش نہیں کی جاتی۔

مذاکرات کےاختتام  تک جنگ بندی میں توسیع کررہا ہوں،ایران کی حکومت اس وقت کمزور اور تقسیم ہے،ایران پر حملے نہیں کررہے،ناکہ بندی برقرار رہے گی،فوج کو ہرقسم کی تیاری کی بھی ہدایت کی ہے۔

وزیراعظم شہباز شریف نےجنگ بندی میں توسیع کی ہماری درخواست کوقبول کرنے پرصدر ٹرمپ کا شکریہ ادا کیا،کہاپاکستان تنازعات کےمذاکراتی حل کے لیے اپنی بھرپور کوششیں جاری رکھے گا

امید ہےدونوں فریق جنگ بندی کی پاسداری جاری رکھیں گے،امید ہے دونوں فریق تنازعات کے مستقل خاتمے کے لیے اسلام آباد میں طے شدہ مذاکرات کے دوسرے دور کے دوران جامع امن ڈیل میں کامیاب ہو جائیں گے۔

دوسری جانب ایرانی پارلیمنٹ کے اسپیکر کے مشیر نے اپنےبیان میں کہا صدر ٹرمپ کی جانب سے جنگ بندی میں توسیع  ایک چال ہے،ٹرمپ  جنگ بندی میں توسیع کرکے ایران پر حملہ کرنا چاہتے ہیں،ناکہ بندی جاری رکھنا بمباری کے برابر ہے،ٹرمپ کی جنگ بندی میں توسیع کی کوئی اہمیت نہیں

امریکی وزیرخزانہ اسکاٹ بیسنٹ نے کہاامریکا ایرانی بندرگاہوں کی ناکہ بندی جاری رکھے گی،چند روز میں خارگ جزیرے پر تیل ذخیرہ کرنے کی گنجائش  فل ہوجائے گی،ایران کے کمزور تیل کے کنویں بند ہونے پر مجبور ہو جائیں گے،ایران پر زیادہ سے زیادہ دباؤ کی پالیسی جاری رکھیں گے،ایرانی عوام کی طرف سے کرپٹ قیادت کی چوری شدہ رقوم کو منجمد کرتے رہیں گے۔

نیویارک ٹائمز نے دعویٰ کیاہے کہ مذاکرات کے دوسرے دور کیلئے امریکی نائب صدر جے ڈی وینس کا دورہ پاکستان ایران  کی جانب سے مثبت رد عمل نہ آنے پر موخر کر دیا گیا ۔

نیویارک ٹائمز کے مطابق ایران کی جانب سے مذاکرات کے دوسرے دور سے متعلق مثبت رد عمل آنے پر نائب امریکی صدر جے ڈی وینس کا دورہ پاکستان سے متعلق فیصلہ تبدیل ہو سکتا ہے ۔

نیویارک ٹائمز کا اپنی رپورٹ میں کہناتھا کہ جے ڈی وینس کی روانگی منگل کی صبح پاکستان کے دارالحکومت  اسلام آباد کے لیے طے تھی، جہاں بدھ کے روز مذاکرات دوبارہ شروع ہونا تھے، اسی دن امریکہ اور  ایران کے درمیان نازک جنگ بندی ختم ہونے والی ہے۔

ایک عہدیدار کے مطابق ایران کی جانب سے جواب نہ ملنے کی صورت میں سفارتی عمل فی الحال معطل ہو گیا ہے، تاہم دورہ منسوخ نہیں کیا گیا۔

صدر  ڈونلڈ ٹرمپ کی منظوری کے ساتھ یہ دورہ کسی بھی وقت دوبارہ شیڈول کیا جا سکتا ہے۔ امریکی حکام اس بات کے واضح اشارے کے منتظر ہیں کہ ایران کے مذاکرات کاروں کو کسی معاہدے تک پہنچنے کے لیے مکمل اختیارات حاصل ہیں۔

ایران کو صدر ٹرمپ کے حالیہ جارحانہ اور اشتعال انگیز بیانات پر  تشویش ہے ، ایران کا کہنا ہے کہ بحری ناکہ بندی اور امریکی اقدامات دوطرفہ جنگ بندی کی نفی کرتے ہیں۔

ایرانی وزارت خارجہ

ترجمان ایرانی وزارت خارجہ نے بیان جاری کرتے ہوئے کہاہے کہ مذاکرات کیلئے پاکستان جانے کا حتمی فیصلہ ابھی نہیں ہوا،امریکہ کی جانب سے متضاد پیغامات اور اقدامات سامنے آ رہے ہیں۔

ترجمان ایرانی وزارت خارجہ کے مطابق امریکا نے جنگ کا آغاز کیا اور اپنے وعدوں کی پاسداری نہیں کی،ایرانی بندرگاہوں پر بحری ناکہ بندی بین الاقوامی قانون کی خلاف ورزی ہے،ایران ہمیشہ اپنے وعدوں کی پاسداری کرتا رہا ہے۔

پاکستان کے وزیر اطلاعات عطا تارڑ

پاکستان کے وفاقی وزیر اطلاعات نے ایکس پر پیغام جاری کرتے ہوئے کہاہے کہ ایرانی وفدکی اسلام آباد مذاکرات کے دوسرے دور میں شرکت کی تصدیق کا انتظارہے۔عطا تارڑ نے کہا کہ پاکستان ثالث کے طور پر مذاکرات کیلئے ایرانی حکام سے رابطےمیں ہے، ایران کا جنگ بندی کے خاتمے سے قبل ایران کی مذاکرات میں شرکت اہم ہے،پاکستان ایران کو مذاکرات کے دوسرے دور کیلئے رضامند کرنے پر مخلصانہ کوششیں کر رہا ہے۔

ایرانی صدر مسعود پزشکیان

دوسری جانب ایرانی صدر مسعود پزشکیان نے بیان جاری کرتے ہوئے کہا کہ  آج ہمیں ایک دشمن کے بجائے متعدد طاقتوں کا سامنا  ہے،ماضی میں ہم ایک متعین دشمن کا سامنا کرتے تھے،مستقبل میں عوام کومشکل  چیلنجز کا سامنا کرنا پڑسکتا ہے،کچھ مسائل ایسے ہوں گے جو حکومت اکیلے حل نہیں کر سکے گی،عوام کو مشکل حالات میں حکومت کا بھرپور ساتھ دینا ہوگا۔

روسی وزیر خارجہ سرگئی لاروف

روسی وزیر خارجہ سرگئی لاروف نے بیان جاری کرتے ہوئے کہاہے کہ امریکا کے ساتھ مذاکرات میں ہمیشہ خطرات نظر آتے ہیں،ایران کا موقف بالکل درست اور دلیل کے ساتھ ہے،ایران امریکا مذاکرات پر گہری نظر رکھے ہوئے ہیں،ممکنہ مذاکرات میں صورتحال 10 بار مکمل طور پر بدل سکتی ہے،اگر ایران اور امریکا میں ڈیل ہوتی ہے تو یہ بڑی کامیابی ہوگی۔ 

ترجمان ایرانی وزارت خارجہ نے بیان جاری کرتے ہوئے کہاہے کہ مذاکرات کیلئے پاکستان جانے کا حتمی فیصلہ ابھی نہیں ہوا،امریکہ کی جانب سے متضاد پیغامات اور اقدامات سامنے آ رہے ہیں۔

ترجمان ایرانی وزارت خارجہ کے مطابق امریکا نے جنگ کا آغاز کیا اور اپنے وعدوں کی پاسداری نہیں کی،ایرانی بندرگاہوں پر بحری ناکہ بندی بین الاقوامی قانون کی خلاف ورزی ہے،ایران ہمیشہ اپنے وعدوں کی پاسداری کرتا رہا ہے۔

دوسری جانب ایرانی صدر مسعود پزشکیان نے بیان جاری کرتے ہوئے کہا کہ  آج ہمیں ایک دشمن کے بجائے متعدد طاقتوں کا سامنا  ہے،ماضی میں ہم ایک متعین دشمن کا سامنا کرتے تھے،مستقبل میں عوام کومشکل  چیلنجز کا سامنا کرنا پڑسکتا ہے،کچھ مسائل ایسے ہوں گے جو حکومت اکیلے حل نہیں کر سکے گی،عوام کو مشکل حالات میں حکومت کا بھرپور ساتھ دینا ہوگا۔

ایرانی میڈیا نے رپورٹ میں دعویٰ کیاہے کہ ایرانی پارلیمنٹ کی قومی سلامتی کمیٹی نے آبنائے ہرمز پر کنٹرول کیلئے قانون منظور کر لیا۔

ایرانی میڈیا کے مطابق پارلیمنٹ کی منظوری کے بعد آبنائے ہرمز سے گزرنے والے بحری جہازوں سے فیس لی جائے گی،قانون کے تحت ایران کو یہ حق ہو گا وہ حفاظتی خدمات کے نام پر جہازوں سے ٹیکس وصول کرے،قانون کے تحت یہ طے کیا جائے گا اہم آبی گزرگاہ سے کن ممالک کے جہاز گزریں گے،ایران مخالف ممالک کے بحری جہازوں پرسخت پابندیاں عائد کی جائیں گی۔

دوسری جانب ایرانی سپیکر قالیباف نے سوشل میڈیا پر جاری پیغام میں  کہا کہ کیا جنگ بیچ کر دوبارہ عظیم بننا چاہتے ہیں؟ اور ساتھ ہی 4 آپشنز امریکہ کے سامنے رکھ دیئے ۔

ان کا کہناتھا کہ کیا مہنگائی  کو دوبارہ عظیم بنانا چاہتے ہو؟ کیا عوام کی قوت خرید سے محرومی کو عظیم بنانا چاہتے ہیں؟کیا چند طاقتوروں کو دوبارہ عظیم بنانے کے خواہشمند ہو؟کیا ایپسٹین  اسکینڈل کودوبارہ عظیم بنانا چاہتے ہو۔ 

امریکی صدر ڈونلڈ ٹرمپ نے سی این بی سی کو انٹرویو دیتے ہوئے کہا کہ ایران کے ساتھ تنازعہ ایک عظیم معاہدے کے ساتھ ختم ہوگا، جنگ بندی ختم ہونے میں بہت کم وقت رہ گیا ہے، اس میں توسیع کرنا نہیں چاہتا۔

امریکی صدر ڈونلڈ ٹرمپ نے کہا ہم مذاکرات کیلئے بہترین پوزیشن میں ہیں، ایران کی ناکہ بندی بہت کامیاب رہی، ہم مسئلے کے فوجی حل کیلئے بھی تیار ہیں۔ صدر ٹرمپ نے کہا کہ ایران کے پاس معاہدے کے سوا کوئی اور راستہ نہیں ہے۔ کیونکہ ان کی بحریہ،  فضائیہ اور مرکزی قیادت کو ہم نے ختم کردیا،  آپ اسے رجیم چینج کہہ دیں یا کچھ اورمیں نے کر دکھایا ہے، حالانکہ میں نے نہیں کہا تھا کہ رجیم چینج کروں گا۔

یورپی یونین میں اسرائیل سے دوطرفہ معاہدے ختم کرنے پر غور ہوگیا۔

یورپی میڈیا کے مطابق اسپین، سلووینیا اور آئرلینڈ نے پارلیمنٹ میں بحث کا مطالبہ کردیا، تینوں ملکوں نے ای یو فارن پالیسی چیف کو مشترکہ خط لکھ دیا۔

خط کے متن مطابق لبنان پر حملوں اور فلسطینیوں کی پھانسی جیسے قوانین پر ایکشن لیا جائے، فی الحالی یورپی یونین میں اس حوالے سے مکمل اتفاق رائے نہیں ہے۔

قبل ازیں اسپین کے وزیراعظم نے کہا کہ یورپی یونین بین الاقوامی قوانین کی مبینہ خلاف ورزیاں کرنے پر اسرائیل سے دوطرفہ تعاون کا معاہدہ ختم کر دے۔ سپین نے غزہ تنازع اور ہمسایہ ملک لبنان پر اسرائیلی حملوں کے باعث وزیرِ اعظم بنجمن نیتن یاہو کی حکومت کو تنقید کا نشانہ بنایا ہے۔

یورپی یونین اور اسرائیل کے درمیان جون 2000 کے معاہدے میں انسانی حقوق کے احترام کی ایک شق شامل ہے۔ غزہ جنگ میں استعمال کردہ ہتھکنڈوں پر تشویش کے درمیان سپین اور آئرلینڈ نے سب سے پہلے 2024 میں معاہدے پر نظرِ ثانی کا مطالبہ کیا تھا۔

امریکا ایران مذاکرات کیلئے سیکیورٹی صورتحال میں نرمی کر دی گئی۔

وفاقی دارالحکومت میں ریڈ زون کے علاوہ بیشتر شاہراہوں کو کھول دیا گیا جبکہ جڑواں شہر راولپنڈی میں ضلعی انتظامیہ نے پشاور روڈ پر واقع بس اسٹینڈز کی بند سروسز کو بحال کر دیا ہے۔

واضح رہے کہ اسلام آباد ٹاکس کے دوسرے راونڈ کیلئے وفاقی دارالحکومت میں تیاریاں مکمل کرلی گئی۔ ایران اور امریکا کے وفود کی آمد کا انتظار ہے ۔ مذاکرات بدھ کی رات شروع ہونے کا امکان ہے۔

خیال رہے کہ پاکستان کی غیرمعمولی سفارتکاری کے سائے میں امریکا اور ایران کل اسلام آباد میں مذاکرات کی میز پر بیٹھیں گے ۔ امریکی میڈیا کے مطابق نائب صدر جے ڈی وینس کی قیادت میں تین رکنی امریکی وفد اسلام آباد پہنچے گا ۔

صدر ٹرمپ بریک تھرو کیلئے پُرامید لیکن دھمکیاں بھی ساتھ ساتھ جاری ہیں۔ بولے جنگ بندی کا وقت بدھ کی شام ختم ہورہا ہے ۔ اِس میں توسیع کا امکان نہیں۔ ایرانی قیادت نے بھی دوٹوک کہہ دیا کہ دھمکیوں کے سائے میں مذاکرات قبول نہیں۔ 

لبنان میں جنگ کے آغاز سے اب تک اموات کی مجموعی تعداد بڑھ کر 2,387 ہو گئی ہے جبکہ اب تک 7,602 افراد زخمی بھی ہوئے ہیں۔ امریکی وزارتِ خارجہ کے مطابق لبنان اور اسرائیل کے درمیان مذاکرات کا دوسرا دور جمعرات کو ہوگا۔

لبنان کی سرکاری نیشنل نیوز ایجنسی نے حکومت کے ڈیزاسٹر رسک مینجمنٹ یونٹ کے اعداد و شمار کے حوالے سے یہ ڈیٹا جاری کیا ہے۔

یاد رہے کہ اس سے قبل پیر کو ایران کی اسلامی انقلابی گارڈ کور (آئی آر جی سی) سے منسلک مہر نیوز ایجنسی نے ایران میں ہلاکتوں کی تعداد 3,375 بتائی تھی جس کا حوالہ ایران کی فرانزک میڈیسن آرگنائزیشن کے سربراہ نے بھی دیا تھا۔

ایرانی بحری جہاز پر قبضہ، ایران نے اقوام متحدہ میں شکایت درج کرادی۔

 ایران کی جانب سےجاری شکایت میں کہاگیاکہ تجارتی جہاز توسکا کو قبضے میں لینا غیر قانونی اور وحشیانہ عمل ہے،یہ اقدام عالمی قوانین اور جنگ بندی معاہدے دونوں کی خلاف ورزی ہے،ایرانی جہاز، اس کے عملے اور ان کے اہلِ خانہ کو فوری رہا کیا جائے

دوسری جانب امریکی صدرڈونلڈ ٹرمپ نےسوشل میڈیا پر بیان میں کہاآپریشن مڈنائٹ ہیمر میں ایران جوہری مواد کےمراکزکومکمل تباہ کیاگیا تھا،اب اس ملبےکونکالناایک طویل اورمشکل عمل ہوگا،سی این این اور دیگرفیک نیوز ہمارے ہوا بازوں کو وہ کریڈٹ نہیں دیتے،یہ ناکام لوگ ہمیشہ انہیں کم تر دکھانے اور گھٹانے کی کوشش کرتے ہیں۔

غیر یقینی صورتحال کے باعث تیل کی قیمتوں میں اتار چڑھاؤ کا رجحان دیکھا جارہا ہے۔

عالمی منڈی میں خام تیل کی قیمتوں میں ایک فیصد سے زائد کمی دیکھی گئی ہے،امریکی خام تیل 1.6 فیصد کمی کے ساتھ 85 ڈالر فی بیرل پر فروخت ہورہا ہے،برطانوی خام تیل 1.3 فیصد کم ہوکر 94 ڈالرفی بیرل پر آگیا ہے۔

 عالمی سطح پرچپ کی مانگ میں اضافے کے باعث ایشین اسٹاک مارکیٹس ریکارڈ اضافہ ہوا،جنوبی کورین اسٹاک میں دوفیصد اورتائیوان اسٹاک انڈیکس میں بھی ایک اعشاریہ آٹھ فیصد اضافہ ہوا،دونوں انڈیکس بلند ترین سطح پر پہنچ گئے،جاپانی اور ہانگ کانگ اسٹاک مارکیٹ میں بھی تیزی کا رجحان رہا۔ 

ایرانی نائب صدر رضا عارف کا کہنا ہے کہ تیل کی آزاد مارکیٹ یا تو سب کیلئے ہوگی یا کسی کیلئے نہیں۔

ایک پیغام میں ایرانی نائب صدر نے کہا کہ آبنائے ہرمز کی سکیورٹی مفت دستیاب نہیں ہے، ایرانی تیل ایکسپورٹ روکتے ہوئے دوسروں کے لیے سکیورٹی کی توقع نہیں کی جاسکتی۔

دوسری جانب ایران نے صاف کہہ دیا ہے کہ دھمکیوں کے سائے میں مذاکرات قبول نہیں ہے۔ صدر ٹرمپ مذاکرات کی ٹیبل کو ہتھیار ڈالنے کی میز بنانا چاہتے ہیں۔

ایرانی وزیرخارجہ عباس عراقچی نے کہا کہ دھمکیوں کے سائے میں مذاکرات قبول نہیں کریں گے، بات چیت صرف برابری اور احترام کی بنیاد پر ممکن ہے، امریکی دباؤ اور دھمکیاں مذاکرات کی راہ میں رکاوٹ ہیں۔ ایران نے امریکی مذاکرات کی ناکامی کی صورت میں نئے آپشنزکا عندیہ بھی دیدیا۔

ایرانی وزارت خارجہ کے مطابق تجارتی جہاز توسکا پر حملہ سمندری قزاقی اور دہشتگردی ہے، جہاز پر حملہ اور عملے کو حراست میں لینا ناقابلِ قبول ہے، امریکا جہاز پر سوار عملے کو فوری رہا کرے۔ امریکا خطے میں بگڑتی ہوئی صورتحال کا مکمل ذمہ دار ہے، ایران اپنے قومی مفادات اور سلامتی کےلیے تمام صلاحیتیں استعمال کرے گا۔

ایران امریکا جنگ بندی ختم ہونے میں صرف 24 گھنٹے باقی رہ گئے۔ امریکی میڈیا رپورٹس کے مطابق ممکنہ سفارتی عمل کے سلسلے میں نائب صدر جے ڈی وینس آج اسلام آباد روانہ ہورہے ہیں لیکن ایران کی طرف اب تک گرین سگنل نہیں ملا، صدر ٹرمپ معاہدے کیلئے پرامید تو ہیں لیکن مسلسل دھمکیاں بھی دے رہے ہیں۔

امریکی ریڈیو سے گفتگو میں امریکی صدر نے کہا ایران کے ساتھ جنگ بندی کی مدت بدھ کی شام ختم ہورہی ہے اگر کسی معاہدے تک نہ پہنچا گیا تو سیزفائر میں توسیع کا امکان بہت کم ہے ۔ ایران کو ہر صورت مذاکرات کی میز پر آنا ہوگا اور اگر تہران نے انکار کیا تو اسے ایسے سنگین نتائج کا سامنا کرنا پڑے گا جو اس نے پہلے کبھی نہیں دیکھے ہوں گے ۔ بہت زیادہ بم گریں گے ۔

صدر ٹرمپ کا اصرار ہے کہ وہ ایران کے ساتھ ایک منصفانہ معاہدہ چاہتے ہیں، یہ ڈیل سابق امریکی صدر باراک اوباما سے بہت بہتر ہوگی جس کا مقصد ایران کو جوہری ہتھیار حاصل کرنے سے روکنا ہوگا ۔

صدر ٹرمپ نے یہ بھی کہا بریک تھرو ہوا تو ایرانی قیادت سے ملاقات کرنا چاہوں گا، ایران پر مجبورا حملہ کیا، ہم نے اچھا کام کیا اور جلد معاملہ مکمل کر لیں گے۔

دوسری جانب وائٹ ہاؤس کے مطابق مجوزہ معاہدہ عالمی امن کے لیے اہم پیش رفت ہو سکتا ہے، امریکا کسی ایسے معاہدے میں نہیں جائے گا جو اس کے لیے نقصان دہ یا تباہ کن ڈیل ثابت ہو۔

ایران نے صاف کہہ دیا ہے کہ دھمکیوں کے سائے میں مذاکرات قبول نہیں ہے۔ صدر ٹرمپ مذاکرات کی ٹیبل کو ہتھیار ڈالنے کی میز بنانا چاہتے ہیں۔

ایرانی وزیرخارجہ عباس عراقچی نے کہا کہ دھمکیوں کے سائے میں مذاکرات قبول نہیں کریں گے، بات چیت صرف برابری اور احترام کی بنیاد پر ممکن ہے، امریکی دباؤ اور دھمکیاں مذاکرات کی راہ میں رکاوٹ ہیں۔ ایران نے امریکی مذاکرات کی ناکامی کی صورت میں نئے آپشنزکا عندیہ بھی دیدیا۔

ایرانی وزارت خارجہ کے مطابق تجارتی جہاز توسکا پر حملہ سمندری قزاقی اور دہشتگردی ہے، جہاز پر حملہ اور عملے کو حراست میں لینا ناقابلِ قبول ہے، امریکا جہاز پر سوار عملے کو فوری رہا کرے۔ امریکا خطے میں بگڑتی ہوئی صورتحال کا مکمل ذمہ دار ہے، ایران اپنے قومی مفادات اور سلامتی کےلیے تمام صلاحیتیں استعمال کرے گا۔

ایرانی اسپیکر محمد باقر قالیباف نے امریکی صدر نے ناکہ بندی کرکے معاہدے کی خلاف ورزی کی۔ واضح کردیا کہ گزشتہ دو ہفتوں کے دوران میدانِ جنگ کیلئے نئے اقدامات سامنے لانے کی تیاری کرلی ہے۔

واضح رہے کہ ایران امریکا جنگ بندی ختم ہونے میں صرف 24 گھنٹے باقی ہے۔ امریکی میڈیا رپورٹس کے مطابق ممکنہ سفارتی عمل کے سلسلے میں نائب صدر جے ڈی وینس آج اسلام آباد روانہ ہورہے ہیں لیکن ایران کی طرف اب تک گرین سگنل نہیں ملا۔

صدر ٹرمپ معاہدے کیلئے پرامید تو ہیں لیکن مسلسل دھمکیاں بھی دے رہے ہیں۔ امریکی ریڈیو سے گفتگو میں کہا ایران کے ساتھ جنگ بندی کی مدت بدھ کی شام ختم ہورہی ہے  اگر کسی معاہدے تک نہ پہنچا گیا تو سیزفائر میں توسیع کا امکان بہت کم ہے۔

انہوں نے کہا کہ ایران کو ہر صورت مذاکرات کی میز پر آنا ہوگا اور اگر تہران نے انکار کیا تو اسے ایسے سنگین نتائج کا سامنا کرنا پڑے گا جو اس نے پہلے کبھی نہیں دیکھے ہوں گے  بہت زیادہ بم گریں گے۔

ایرانی صدر مسعود پزشکیان نے سوشل میڈیا پر بیان جاری کرتے ہوئے کہا کہ وعدوں اور معاہدوں کی پاسداری ہی بامقصد مذاکرات کی بنیاد ہے،امریکا اور ایران کے درمیان اعتماد کا بہت فقدان رہا ہے۔

تفصیلات کے مطابق مسعود پزشکیان  کا کہناتھا کہ  ایرانیوں کو امریکی حکومت کے رویے کے بارے میں اچھی طرح علم ہے،امریکا ایران کو ہتھیار ڈالنے پر مجبور کرنا چاہتا ہے،ایران کے غیور عوام کسی صورت دباؤ کے آگے نہیں جھکیں گے،امریکا کی جانب سے ملنے والے غیر تعمیری اور متضاد اشارے  تلخ پیغام دے رہے ہیں۔

دوسری جانب ایرانی نائب وزیر خارجہ سعید خطیب زادہ نے صدر ٹرمپ کے بیانات پر ردعمل دیتے ہوئے کہا کہ صدر ٹرمپ تضادات سے بھرپور ٹویٹس کرنے کے عادی ہیں،صدر ٹرمپ کے بیانات اس قابل نہیں  ان پر توجہ دی جائے،امریکا کو لالچی رویہ ترک کرنا ہوگا،اس کے سوا کوئی دوسرا راستہ نہیں،امریکا کو ہرصورت میں ایرانی عوام کے حقوق کا مکمل احترام  کرنا ہوگا۔

امریکی ایجنسی نے دعویٰ کیاہے کہ ایران مذاکرات کیلئے وفد اسلام آباد بھیجنے پررضامند ہو گیاہے ۔

امریکی ایجنسی کے مطابق ایران اور امریکہ دونوں کے وفود اسلام آباد آ سکتے ہیں ۔ دوسری جانب ٹیلی گراف نے دعویٰ کیاہے کہ صدر ٹرمپ آبنائے ہرمز کی ناکہ بندی ختم کرنے پر غور کررہا ہے۔

چینی میڈیا کے مطابق  چینی صدر شی جن پنگ اور سعودی ولی عہد محمد بن سلمان کے درمیان ٹیلی فونک رابطہ ہواہے جس دوران دونوں رہنماؤں نے دو طرفہ امور علاقائی صورتحال پر تبادلہ خیا ل کیا۔

عرب میڈیا کا کہناتھا کہ چینی صدر نے آبنائے ہرمز کے حوالے سے مذاکرات کی بحالی پر زور دیا، دونوں رہنماؤں نے فوری اور جامع جنگ بندی کی ضرورت پر اتفاق کیا۔

دوسر ی جانب تہران میں غیر ملکی سفارتکاروں نے جنگ سے متاثرہ علاقوں کا دورہ کیا ، سفارتکاروں نے امریکا اور اسرائیل کے حملوں سے تباہ شدہ انفرااسٹرکچر کا جائزہ لیا، غیر ملکی سفارتکاروں کو جنگ سے ہونے والی تباہی پر بریفنگ دی گئی۔ 

امریکی صدر ڈونلڈ ٹرمپ نے نیویارک پوسٹ سے گفتگو کرتے ہوئے کہا کہ ہمارا ایک ہی مطالبہ ہے، ایران کے پاس جوہری ہتھیار نہ ہو،  جی ڈی وینس کا طیارہ چند گھنٹے بعد پاکستان پہنچ جائے گا۔

تفصیلات کے مطابق ڈونلڈ ٹرمپ کا کہناتھا کہ کوئی بریک تھرو ہوا تو ایرانی قیادت سے ملاقات کرنا چاہوں  گا،ایرانی قیادت ملنا چاہے تو مجھے کوئی اعتراض نہیں ہو گا،امریکا اور ایران کے درمیان مذاکرات ہونے والے ہیں،فریقین میں سے کوئی بھی گیم نہیں کھیل رہا،ہماراایک ہی مطالبہ ہے ایران کے پاس جوہری ہتھیارنہ ہوں،ایران یہ مطالبہ مان لے تو ان کے پاس ترقی کرنے کا موقع ہے۔

امریکی صدر نے بلومبرگ سے گفتگو کرتے ہوئے کہا کہ آبنائے ہرمز کی ناکہ بندی برقرار رہے گی، ایران کے ساتھ کسی برے معاہدے میں جلدی نہیں کروں گا،آبنائے ہرمز کی ناکہ بندی اس وقت ختم نہیں کروں گا جب تک معاہدے پر دستخط نہ ہوجائیں گے، مجھے توقع ہے اگر معاہدہ نہ ہوا تو لڑائی دوبارہ شروع ہو جائے گی۔

ترجمان ایرانی فوج کے مطابق بحری جہاز کے خلاف جارحیت کا جواب دینے کیلئے تیار ہیں۔

بیان کے مطابق جہاز پر ایرانی عملے کی موجودگی کے باعث ردعمل میں تاخیر کی۔ عملے کے ارکان کا تحفظ یقینی بنانے کے بعد امریکا کو جواب دیں گے۔

 دوسری جانب ٹریکنگ ڈیٹا کے مطابق آبنائے ہرمز پر سمندری آمدورفت تعلطل کا شکار ہے، کسی آئل ٹینکر نے آج آبنائے ہرمز کو عبور نہیں کیا، صرف 2 ٹینکرز آبنائے ہرمز کے راستے خلیج فارس میں داخل ہوئے، آبنائے عبور کرنے والا ایک ایل پی جی اور دوسرا کیمیکل ٹینکر تھا۔

روس کی جانب سے جاری بیان میں کہا گیا ہے کہ روس ایران کے معاملےمیں ثالث نہیں ہے،ضرورت پڑنے پرمذاکرات میں مدد کیلئے تیار ہیں۔

روسی صدارتی آفس کریملن کےترجمان نےپریس بریفنگ میں کہا امید ہےکہ ایران امریکا مذاکراتی عمل جاری رہے گا،عالمی معیشت کو منفی نتائج سے بچانے کیلئےمذاکرات ضروری ہیں۔

دوسری جانب ایرانی وزارت خارجہ کےترجمان نےاپنےبیان میں کہا جنگی صورتحال کے باعث آبنائے ہرمز میں آمدورفت کی بحالی ممکن نہیں،آبنائے ہرمزکی صورتحال یکطرفہ پر معمول پر نہیں لاسکتے،ایران کے جوہری مواد کو ملک کے اندر ہی محفوظ رکھا جائے گا،افزودہ یورینیم کی منتقلی پر مذاکرات میں کوئی بات نہیں ہوسکتی۔

امید ہے ایران امریکا مذاکراتی عمل جاری رہے گا، ترجمان کریملن

وفاقی وزیر داخلہ محسن نقوی نے امریکی سفارتخانے کا دورہ کیا جہاں انہوں نے امریکی سفیر نیٹلی بیکر سے ملاقات کی۔ ملاقات میں امریکا ،ایران  مذاکرات کے دوسرے راؤنڈ کیلئے سیکیورٹی انتظامات پر تبادلہ خیال کیا گیا۔

ڈپلومیٹک انکلیو میں امریکی سفارتخانے میں ہونے والی ملاقات میں پاک امریکا تعلقات کے فروغ اور خطے کی تازہ ترین صورتحال پر تفصیلی گفتگو کی گئی۔ وزیر داخلہ نے امریکا اور ایران کے درمیان اسلام آباد میں ہونے والے مذاکرات کے دوسرے راؤنڈ کیلئے سیکیورٹی انتظامات سےآگاہ کیا۔

محسن نقوی کا کہنا تھا کہ اپنے تمام خاص مہمانوں کے لیے سیکیورٹی کےخصوصی انتظامات کیے ہیں۔ مذاکرات کے دوسرے راؤنڈ کی کامیابی کے لیے دعا گو ہیں۔

امریکی سفیر نے خطے میں کشیدگی کم کرنے کیلئے پاکستان کے مخلصانہ کردار کی تعریف کی۔ ڈی جی ایف آئی اے ڈاکٹر عثمان انور، چیف کمشنر اسلام آباد سہیل اشرف، آئی جی اسلام آباد پولیس علی ناصر رضوی اور ڈپٹی کمشنر اسلام آباد عرفان میمن بھی ملاقات میں موجود تھے۔

ترجمان ایرانی دفتر خارجہ اسماعیل بقائی کا کہنا ہے کہ ایران کا اب تک امریکا کے ساتھ مذاکرات کے دوسرے دور میں شرکت کا پلان نہیں ہے، ہم نے پاکستان کو امریکی خلاف ورزیوں سے آگاہ کردیا ہے۔

پریس بریفنگ کے دوران اسماعیل بقائی نے کہا کہ امریکا نے شروع دن سے جنگ بندی کی خلاف ورزی ہے، امریکا مثبت اقدامات کے بجائے الزام تراشیوں میں مصروف ہے، مذاکرات کیلئے امریکا سنجیدگی کا مظاہرہ نہیں کرتا۔

اسماعیل بقائی نے کہا کہ امریکا نے جنگ بندی کی خلاف ورزیوں کا الزام ہم پرڈالنے کی کوشش کی، واشنگٹن کی سفارت کاری غیر مستقل اور الزامات پر مبنی ہے، امریکا اور اسرائیل جنگ شروع کرنا چاہتے ہیں تو ہم تیار ہیں۔

ترجمان ایرانی دفتر خارجہ نے کہا کہ امریکا کا موقف اور مطالبات بدلتے رہتے ہیں، جو بات چیت کی راہ میں رکاوٹ ہیں، آبنائے ہرمز میں جو کچھ ہورہا ہے اس کے ذمہ دار امریکا اور اسرائیل ہیں، امریکی افواج کی جانب سے کسی بھی احماقانہ اقدام کا ایرانی افواج جواب دیں گی۔

اسماعیل بقائی کے مطابق جنگی صورتحال کے باعث آبنائے ہرمز میں آمدورفت کی بحالی ممکن نہیں، آبنائے ہرمزکی صورتحال یکطرفہ پر معمول پر نہیں لاسکتے۔ ایران کے جوہری مواد کو ملک کے اندر ہی محفوظ رکھا جائے گا، افزودہ یورینیم کی منتقلی پر مذاکرات میں کوئی بات نہیں ہوسکتی۔

ان کا مزید کہنا تھا کہ امریکا اب بھی غیر حقیقی مطالبات پر اصرار کررہا ہے، امریکا نے بحری ناکہ بندی جاری رکھ کر جنگ بندی کی خلاف ورزی کی، امریکا اور اسرائیل کو جرائم کیلئے جوابدہ کرنا عالمی برادری کے مفاد میں ہے۔ غزہ ، لبنان اور ایران میں جنگی جرائم پر یورپ نے کوئی واضح موقف نہیں اپنایا، روس اور چین کے ذمہ دارانہ موقف کیلئے ان کے شکرگزار ہیں۔

ترجمان چینی دفتر خارجہ نے ایرانی کارگو جہاز کو قبضے میں لینے پر تشویش کا اظہار کردیا۔

چینی دفتر خارجہ کےترجمان نے پریس بریفنگ میں کہا ایرانی کارگوجہازکو قبضے میں لینے پر تشویش ہے، موجودہ صورتحال ایک نازک مرحلے میں داخل ہوگئی ہے،

ترجمان چینی دفتر خارجہ نے کہا امریکا اور ایران کے درمیان مذاکرات میں چین تعمیری کردار ادا کرے گا،امید ہےفریقین ذمہ داری کا مظاہرہ کرتے ہوئے جنگ بندی کی پابندی کریں گے۔

امن مذاکرات سے پہلے امریکا نے ناکہ بندی توڑنے کے الزام میں ایرانی بحری جہاز کو قبضے میں لے لیا ہے، امریکی صدر ڈونلڈ ٹرمپ نے کہا کہ امریکی بحریہ نے ایران کے جہاز کو خلیج عمان میں روکا، وارننگ نظر انداز کرنے پر قبضے میں لے لیا۔

امریکی سینٹرل کمانڈ کےمطابق ایرانی پرچم بردارجہازکو شمالی بحیرہ عرب میں بندرعباس کی طرف جاتے روکا،عملےکی جانب سے ہدایات پرعمل نہ کرنےپرکارروائی کی گئی،جہاز کےانجن روم کو نشانہ بنایا،امریکی اہلکاروں نے جہازپر سوار ہوکر اسے تحویل میں لے لیا، جہاز کی تلاشی کا کام جاری ہے۔

ایرانی صدر مسعود پزشکیان نےکشیدگی کم کرنےکیلئےسفارتی کوششوں کی حمایت کردی۔

ایرانی صدر مسعود پزشکیان نےایرانی میڈیا سےگفتگو میں کہاجنگ کسی کےمفاد میں نہیں ہے،دشمن پر عدم اعتماد اور تعلقات میں ہوشیاری سے انکار نہیں کیا جاسکتا،کشیدگی کو کم کرنے کیلئے ہرعقلی اور سفارتی راستہ اپنانا چاہیے۔

ایرانی پارلیمان میں نیشنل سیکیورٹی کمیشن کے سربراہ ابراہیم عزیزی نے الجزیرہ سےگفتگو میں کہاایران نے اپنی ریڈ لائنز بتا دی ہیں،لیکن مذاکرات جاری رکھےگا،مذاکرات کا یہ مطلب نہیں کہ ایران کسی بھی قیمت پربات چیت کرے،ایران نےحدود واضح کردی ہیں،انکا احترام لازمی ہے،اسلام آبادمذاکرات میں شرکت کا دارومدار امریکی مذاکراتی ٹیم اور مثبت پیغامات پرہے،لبنان جنگ بندی اورمنجمد اثاثوں کی بحالی بنیادی شرائط میں سے ہیں،امریکا اور اسرائیل ان شرائط کا احترام نہ کریں تو اسکےنتائج ہونگے،سابقہ وعدوں کی پاسداری نہ کی گئی تو سمجھیں گے ایرانی شرائط کو تسلیم نہیں کیا گیا۔

ایرانی حکام کےمطابق ایران جنگ میں جاں بحق افراد کی تعداد 3 ہزار 375 ہوگئی،شہدامیں سے 4افراد کی شناخت ابھی تک نہیں ہو سکی،جاں بحق افراد میں 496 خواتین بھی شامل ہیں۔

دوسری جانب روس میں ایرانی سفر نےروسی میڈیا کو انٹرویو میں کہا امریکا اوراسرائیل کے ایران پر کیے گئے حملے ناکام رہے،ہم پہلے سے زیادہ متحد اورپرعزم ہیں،ایران قانونی نظام کے تحت آبنائے ہرمز میں آمد و رفت کو یقینی بناتا ہے،روس کی جانب سے ایران کو خفیہ معلومات فراہم کرنے کی خبریں درست نہیں۔ 

لبنان میں اسرائیلی فوج کی جنگ بندی کی خلاف ورزیاں جاری ہیں۔ لبنان کے علاقے کفر کلا میں اسرائیلی طیاروں نے تازہ بمباری کی ہے۔

ترجمان صیہونی فوج کا کہنا ہے کہ کفرکلا میں ایک میزائل لانچر کو نشانہ بنایا، جنوبی لبنان کے شہریوں کو گھروں کو واپس نہ آنے کی وارننگ بھی دیدی ہے۔

خبر ایجنسی کے مطابق صیہونی فوج نے کئی سرحدی علاقوں کے رہنے والوں کو واپسی سے روک دیا، لبنانی شہریوں کو دریائے لیطانی سے دور رہنے کی وارننگ جاری کردی گئی ہے۔

دوسری جانب حزب اللہ نے لبنانی حدود میں اسرائیلی کانوائے پر حملوں کا دعویٰ کیا ہے، ترجمان کے مطابق صیہونی فوج کی 8 گاڑیوں کو دھماکہ خیز مواد سے نشانہ بنایا، دھماکوں میں اسرائیلی فوج کی 4 بکتربند گاڑیاں تباہ ہوئی۔

ایرانی پارلیمان میں نیشنل سیکیورٹی کمیشن کے سربراہ ابراہیم عزیزی کا کہنا ہے کہ ایران نے اپنی ریڈ لائنز بتا دی ہیں، لیکن مذاکرات جاری رکھے گا۔

الجزیرہ سے گفتگو میں ابراہیم عزیزی نے کہا کہ مذاکرات کا یہ مطلب نہیں کہ ایران کسی بھی قیمت پر بات چیت کرے، ایران نے حدود واضح کردی ہیں، ان کا احترام لازمی ہے، اسلام آباد مذاکرات میں شرکت کا دارومدار امریکی مذاکراتی ٹیم اور مثبت پیغامات پر ہے۔

ان کا مزید کہنا تھا کہ لبنان جنگ بندی اور منجمد اثاثوں کی بحالی بنیادی شرائط میں سے ہیں، امریکا اور اسرائیل ان شرائط کا احترام نہ کریں تو اس کے نتائج ہونگے، سابقہ وعدوں کی پاسداری نہ کی گئی تو سمجھیں گے ایرانی شرائط کو تسلیم نہیں کیا گیا۔

ایران کے خاتم الانبیا مرکزی ہیڈکوارٹر کی جانب سے جاری ایک بیان میں کہا گیا ہے کہ امریکی فوج کی جانب سے ایرانی بحری جہاز پر فائرنگ اور اسے تحویل میں لینا جنگ بندی کی کھلی خلاف ورزی ہے اور اس اقدام کا جواب جلد دیا جائے گا۔

ایرانی میڈیا کے مطابق ایران کے خاتم الانبیا مرکزی ہیڈکوارٹر کے ترجمان کرنل ابراہیم ذوالفقاری نے اپنے بیان میں کہا کہ امریکہ نے جارحیت کا مظاہرہ کرتے ہوئے نہ صرف جنگ بندی کی خلاف ورزی کی بلکہ سمندری راہزنی کا ارتکاب بھی کیا۔

بیان کے مطابق امریکی فورسز نے بحیرہ عمان میں ایران کے ایک تجارتی جہاز پر فائرنگ کی، اس کے نیویگیشن سسٹم کو ناکارہ بنایا اور اپنے مسلح میرینز کو جہاز پر اتار کر اسے قبضے میں لینے کی کوشش کی۔ ایران کی مسلح افواج نے اس کارروائی کو ’مسلح بحری ڈکیتی‘ قرار دیتے ہوئے کہا ہے کہ اس کا جواب دیا جائے گا۔

اس سے قبل امریکی صدر ڈونلڈ ٹرمپ نے کہا کہ خلیج میں امریکی بحری ناکہ بندی کے دوران ایران کے پرچم بردار ایک کارگو جہاز کو روک لیا گیا ہے۔ جہاز نے رکنے کی وارننگ پر عمل نہیں کیا جس کے بعد امریکی بحریہ نے اسے تحویل میں لے لیا۔

ایرانی نائب صدر نے اپنے بیان میں کہا عالمی سطح پر آزاد تیل مارکیٹ سب کے لیے ہونی چاہیے،بصورت دیگر سب کو بھاری معاشی قیمت چکانی پڑ سکتی ہے،

ایرانی نائب صدر نےاپنے بیان میں کہاایران پر دباؤ ختم کیےبغیرتیل کی قیمتوں میں استحکام ممکن نہیں،مستقل پالیسی تبدیلی کےبغیرتوانائی مارکیٹ غیرمستحکم رہے گی۔

دوسری جانب سینٹ کام نےایرانی بحری جہاز پر قبضےکی ویڈیو جاری کردی،امریکی میرینزیو ایس ایس ٹریپولی سے ہیلی کاپٹر میں سوار ہوئے،میرینزرسیوں کےذریعے ایرانی پرچم بردارکارگو جہاز پر اترے،6 گھنٹے تک بار بار کے باوجود جہاز کے عملے نے تعاون نہ کیا تو کارروائیکی۔

امریکی جریدہ وال اسٹریٹ جنرل کے مطابق متحدہ عرب امارت نے ممکنہ مالی بحران سے نمٹنے کیلئے امریکا سے رابطہ کر لیا۔

رپورٹ کے مطابق متحدہ عرب امارات اب تک جنگ کے بڑے معاشی اثرات سے محفوظ رہا ہے تاہم ایران جنگ بڑھنے کی صورت میں متحدہ عرب امارات مالی بیک اپ کا خواہشمند ہے اور اسی سلسلے میں متحدہ عرب امارات نے ڈالر سپورٹ کیلئے امریکا سے بات چیت شروع کر دی۔

رپورٹ کے مطابق متحدہ عرب امارات کے حکام کی امریکی حکام سے اہم ملاقات ہوئی، اس  دوران کرنسی سواپ لائن کے ذریعے ڈالر تک رسائی پر غور کیا گیا، اماراتی حکام کی امریکی وزیر خزانہ اسکاٹ بیسنٹ سے واشنگٹن میں مذاکرات ہوئے۔

وفاقی حکومت نے پیر کو ریڈ زون میں واقع دفاتر میں ورک فرام کا اعلان کیا ہے۔

کابینہ ڈویژن سے جاری نوٹیفکیشن میں بتایا گیا ہے کہ ریڈ زون میں واقع تمام وزارتوں، ڈویژنز اور دیگر وفاقی حکومت کے دفاتر میں 20 اپریل کو گھر سے کام کیا جائے گا۔

نوٹیفکیشن میں ہدایت کی گئی ہے کہ تمام افسران اور عملہ اسٹیشن پر موجود رہیں اور ضرورت پڑنے پر فوری دفتر طلبی کے لیے تیار رہیں۔ نوٹیفکیشن میں کہا گیا کہ سرکاری امور جاری رکھنے کے لیے خصوصی انتظامات مکمل کرلیے گئے ہیں۔

ضلعی انتظامیہ کے مطابق 20 اپریل کو ریڈزون کے اندر آنیوالے اسکولز بھی بندہوں گے، اسکولز اور دفاتر کو ورک فراہم ہوم کے انتظامات کی ہدایت کردی گئی ہے۔

ورک فرام ہوم نوٹیفکیشن کے بعد الیکشن کمیشن میں آج کے تمام کیسز ڈی لسٹ ہوگئے، ترجمان کے مطابق کیسز کی نئی تاریخ سماعت بعد میں جاری ہوگی۔

خطے میں کشیدگی،عالمی منڈی میں تیل کی قیمتوں میں پھر اضافہ ریکارڈ کیا جارہا ہے۔

ایرانی جہاز پر امریکی حملے اور ایران کے جوابی حملے کے خدشات کے سبب عالمی منڈی میں خام تیل کی قیمتوں میں اضافہ ریکارڈ کیا گیا ہے۔

برینٹ کروڈ آئل کی قیمت7 فیصد اضافے کےبعد 96.85 ڈالر فی بیرل تک پہنچ گئی،امریکی خام تیل کی قیمت 6.4 فیصد اضافے کے بعد 87.88 ڈالر فی بیرل ریکارڈ کی گئی۔

امن مذاکرات سے پہلے امریکا نے ناکہ بندی توڑنے کے الزام میں ایرانی بحری جہاز کو قبضے میں لے لیا۔

امریکی صدر ڈونلڈ ٹرمپ نے کہا کہ امریکی بحریہ نے ایران کے جہاز کو خلیج عمان میں روکا، وارننگ نظر انداز کرنے پر قبضے میں لے لیا۔

امریکی سینٹرل کمانڈ کے مطابق ایرانی پرچم بردار جہاز کو شمالی بحیرہ عرب میں بندرعباس کی طرف جاتے روکا۔ عملےکی جانب سے ہدایات پرعمل نہ کرنے پر کارروائی کی گئی۔ جہاز کے انجن روم کو نشانہ بنایا۔ امریکی اہلکاروں نے جہازپر سوار ہوکر اسے تحویل میں لے لیا، جہاز کی تلاشی کا کام جاری ہے۔

دوسری جانب ایران نے امریکی اقدام کو بحری قزاقی قرار دے کر جوابی کارروائی کی دھمکی دیدی، ترجمان ایرانی فوج کے مطابق امریکا نے جنگ بندی کی خلاف ورزی کی، امریکی اقدام پر جلد بھرپور ردعمل دیا جائے گا۔ نشانہ بنایا گیاجہازچین سے ایران آرہا تھا۔

وزیراعظم شہباز شریف اور ایران کے صدر مسعود پزشکیان کے درمیان ٹیلیفونک رابطہ ہوا ہے۔

تقریباً 45 منٹ جاری رہنے والی اس خوشگوار اور دوستانہ گفتگو کے دوران دونوں رہنماؤں نے خطے کی موجودہ صورتحال پر تفصیلی تبادلہ خیال کیا۔

وزیراعظم نے اسلام آباد مذاکرات میں شرکت پر صدر پزشکیان اور ایرانی قیادت کا شکریہ اداکیا اور سعودی عرب، قطراور ترکیہ سمیت مختلف عالمی رہنماؤں سے حالیہ ملاقاتوں سے آگاہ کیا۔

وزیراعظم نے فیلڈ مارشل کے دورۂ تہران کے دوران ایرانی قیادت کسے تعمیری بات چیت پر شکریہ اداکیا اور ایرانی سپریم لیڈرآیت اللہ مجتبیٰ خامنہ ای کیلئےنیک تمناؤں کا بھی اظہار کیا۔

وزیراعظم شہباز شریف نے کہا کہ یہ روابط خطے میں پائیدار امن کے قیام کیلئے اتفاق رائے پیدامیں نہایت معاون ثابت ہوئے ہیں، کہا پاکستان خطے میں امن واستحکام کیلئے سنجیدہ کوششیں جاری رکھےگا۔

ایرانی صدر ڈاکٹر مسعود پزشکیان نے وزیراعظم شہبازشریف اور فیلڈ مارشل عاصم منیر کا امن کی کوششوں میں مضبوط عزم پر شکریہ اداکیا۔ کہا ایران اور پاکستان کے درمیان تعلقات آنے والے دنوں میں مزید مستحکم ہوں گے۔

واضح رہے کہ امریکا اور ایران کے درمیان مذاکرات کا دوسرا دور اسلام آباد میں ہونے جا رہا ہے، جس کے لیے تیاریاں حتمی مراحل میں داخل ہو چکی ہے، اور امریکی صدر ڈونلڈ ٹرمپ نے اعلان کیا ہے کہ ان کے نمائندے کل شام تک اسلام آباد میں ہوں گے تاہم ایرانی میڈیا کے مطابق ایرانی حکومت نے ابھی تک یہ فیصلہ نہیں کیا وہ کوئی مذاکراتی وفد پاکستان بھیجے گا۔

ایرانی میڈیا کے مطابق ایرانی افواج نے دو ٹینکرز کو آبنائے ہرمز عبور کرنے سے روک دیا۔

ترجمان پاسداران انقلاب کے مطابق امریکا نے جنگ بندی توڑی، آبنائے ہرمز بند رہے گی۔ غیر ملکی جہازوں کو نشانہ بنانے کی وارننگ دیتے ہوئے کہا کہ خلیج فارس اور بحیرہ عمان میں کوئی بھی جہاز اپنی  جگہ سے حرکت نہ کرے۔

دوسری جانب وال اسٹریٹ جرنل کا دعویٰ کیا ہے کہ امریکا بین الاقوامی سمندروں میں ایرانی آئل ٹینکروں اور تجارتی جہازوں پر قبضے کی تیاری کر رہا ہے۔ یمنی حوثی بھی میدان میں آ گئے، ٹرمپ انتظامیہ کو باب المندب بند کرنے کی دھمکی دے دی۔

وائٹ ہاؤس حکام کے مطابق ایران کے ساتھ مذاکرات کےلیے امریکی نائب صدر جے ڈی وینس بھی پاکستان جائیں گے۔

وائٹ ہاؤس حکام کا کہنا ہے کہ امریکی نائب صدر جے ڈی وینس مذاکرات کیلئے پاکستان جائیں گے، جے ڈی وینس کے ساتھ وٹکوف اور جیرڈ کشنر پاکستان جائیں گے۔ جے ڈی وینس ایران کے ساتھ مذاکرات میں شریک ہوں گے۔

اس سے پہلے امریکی صدر نے کہا کہ ایران کے ساتھ مذاکرات کے لیے کے ٹرمپ کے ایلچی برائے مشرق وسطیٰ سٹیو وٹکوف اور جارڈ کشنر سوموار کے روز اسلام آباد جا رہے ہیں۔ واضح رہے کہ ایران کے ساتھ مذاکرات کے پہلے دور میں بھی یہ ہی شخصیات پاکستان آئیں تھی۔

یاد رہے کہ اس سے قبل ٹرمپ کہہ چکے ہیں کہ وہ معاہدے پر دستخط کے لیے خود بھی اسلام آباد جا سکتے ہیں۔ اپنی پاکستان آمد کے حوالے سے سوال کا جواب دیتے ہوئے ٹرمپ نے بتایا کہ شاید میں بعد میں کسی اور تاریخ کو چلا جاؤں، ہمیں دیکھنا پڑے گا کہ کل کیا ہوتا ہے۔

دوسری جانب امریکی نشریاتی ادارے سی این این کے مطابق اگر مذاکرات کامیاب ہوئے تو صدر ٹرمپ اور ایرانی صدر معاہدے پر دستخط کرسکتے ہیں۔

ایرانی میڈیا کے مطابق ایرانی حکومت نے ابھی تک یہ فیصلہ نہیں کیا وہ کوئی مذاکراتی وفد پاکستان بھیجے گا۔

رپورٹ کے مطابق جب تک امریکا کی جانب سے ایران کی بحری ناکہ بندی برقرار ہے، کوئی مذاکرات نہیں ہوں گے۔

دوسری جانب ایرانی نائب صدر محمد رضاعارف نے ایک بیان میں کہا کہ مذاکرات میں امریکا کبھی نرم اور کبھی سخت رویہ اختیار کرتا ہے۔ ہمارا مذاکراتی وفد ملکی مفادات کا بہادری سے دفاع کر رہا ہے، آبنائے ہرمز کا کنٹرول ایران کے پاس ہونا چاہیے۔

محمد رضاعارف نے کہا کہ اگر آبنائے ہرمز کا مستقل کنٹرول لے لیں تو پابندیوں کی فکر نہیں، آبنائے ہرمز پر کنٹرول کے باعث پابندیاں بے اثر ہو جائیں گی، آبنائے ہرمز کی نگرانی اور کنٹرول ایران کے پاس ہونا چاہئے۔

ایرانی سپریم لیڈر کے مشیر علی اکبر ولایتی نے کہا کہ آبنائے ہرمز، ملاکا اور باب المندب کی سکیورٹی ہمارے ہاتھ میں ہے، کسی بھی شرارت کا جواب سلسلہ وار ردِعمل کی صورت میں دیا جائے گا۔

ایک بیان میں علی اکبر ولایتی نے کہا کہ سمندر پار سے سکیورٹی مسلط کرنے کا دور ختم ہو چکا، برطانیہ اور فرانس کو جہاز رانی کی سلامتی کا شوق ہے تو انگلش چینل اور جبرالٹر کا مسئلہ حل کریں، ہم اسپین کے خودمختار اور دانشمندانہ مؤقف کی قدر کرتے ہیں۔

دوسری جانب آبنائے ہرمز میں دوبارہ کشیدگی کے بعد یمنی حوثیوں نے باب المندب بند کرنے کی دھمکی دے دی۔ حوثی حکام کی جانب سے جاری بیان میں کہا گیا کہ ڈونلڈ ٹرمپ امن کی راہ میں رکاوٹ ڈالتے رہے تو آبی گزرگاہ کو بند کرسکتے ہیں، ٹرمپ اور انکے اتحادیوں کیلئے بہتر ہے ہمارے حقوق کا احترام کریں۔

واضح رہے کہ باب المندب خلیج عدن کو بحیرہ احمر سے ملانے والی اہم گزر گاہ ہے،گزشتہ روز ایران نے آبنائے ہرمز دوبارہ بند کر دی ہے۔ جس کے بعد تجارتی جہازوں کی آمد و رفت بند ہو گئی ہے۔ پاسداران انقلاب کا کہنا ہے کہ جب تک امریکا ایران سے آنے جانے والے جہازوں کی نقل و حرکت بحال نہیں کرتا آبنائے ہرمز سخت کنٹرول میں رہے گی۔

ترجمان ایرانی وزارتِ خارجہ اسماعیل بقائی کا کہنا ہے کہ امریکی ناکہ بندی پاکستان کی ثالثی میں ہونیوالی جنگ بندی معاہدے کی خلاف ورزی ہے۔

سوشل میڈیا پر ایک بیان میں ایرانی وزارتِ خارجہ کے ترجمان اسماعیل بقائی نے کہا کہ امریکی ناکہ بندی کا اقدام غیر قانونی اور مجرمانہ ہے۔

ایرانی سپریم لیڈر کے مشیر علی اکبر ولایتی نے کہا کہ سمندر پار سے سکیورٹی مسلط کرنے کا دور ختم ہو چکا، آبنائے ہرمز، ملاکا اور باب المندب کی سکیورٹی ہمارے ہاتھ میں ہے، کسی بھی شرارت کا جواب سلسلہ وار ردِعمل کی صورت میں دیا جائے گا۔

علی اکبر ولایتی نے کہا کہ برطانیہ اور فرانس کو جہاز رانی کی سلامتی کا شوق ہے تو انگلش چینل اور جبرالٹر کا مسئلہ حل کریں، ہم اسپین کے خودمختار اور دانشمندانہ مؤقف کی قدر کرتے ہیں۔

قبل ازیں ایرانی آرمی چیف امیر حاتمی نے کہا کہ ایرانی فوج آخری سانس تک دشمن کا مقابلہ کرے گی، اپنی عسکری صلاحیتوں کو مزید بڑھانے کیلئے تیار ہیں، ایرانی افواج قربانی اور جہاد کے جذبے سے سرشار ہیں۔

امریکا ایران جنگ کے مکمل خاتمے اور امن معاہدہ کرانے کےلیے پاکستان نے سفارتی رابطے مزید تیز کر دیئے ۔ نائب وزیراعظم اور وزیرِ خارجہ اسحاق ڈار نے ایرانی وزیرِ خارجہ عباس عراقچی سے ٹیلی فونک رابطہ کیا ۔ اسلام آباد ٹاکس، علاقائی صورتحال اور دو طرفہ تعاون پر تفصیلی تبادلہ خیال کیا گیا۔

ترجمان دفترِ خارجہ کے مطابق اسحاق ڈار اور عباس عراقچی کے درمیان ٹیلی فونک رابطہ ہوا۔ نائب وزیراعظم اسحاق ڈار نے کہا کہ موجودہ مسائل کے جلد حل کے لیے مسلسل مذاکرات اور رابطہ کاری ناگزیر ہے۔ کہا مذاکرات سے ہی خطے اور اس سے باہر امن و استحکام کو فروغ دیا جا سکے گا۔

اسحاق ڈار اور عباس عراقچی نے قریبی رابطے میں رہنے پر اتفاق کیا۔ دونوں رہنماؤں نے آج ہی ایرانی صدر مسعود پزشکیان اور پاکستانی وزیراعظم شہباز شریف کے درمیان ٹیلی فونک رابطہ کرانے پر بھی اتفاق کیا، تاکہ اعلیٰ ترین سطح پر امور کو آگے بڑھایا جا سکے۔

واضح رہے کہ اس سے قبل امریکی صدر ڈونلڈ ٹرمپ نے پاکستان میں ایران کے ساتھ مذاکرات کے دوسرے دور کی تصدیق کردی۔جس کےبعد نائب وزیراعظم اور وزیر خارجہ اسحاق ڈار اور ایران کے وزیر خارجہ عباس عراقچی کے درمیان فون پر رابطہ ہوا۔

دوسری جانب نائب وزیراعظم ووزیرخارجہ اسحاق ڈار سے پولینڈ کے ہم منصب رادوسواف سیکورسکی نے ٹیلی فونک رابطہ کیا، دونوں رہنماؤں نے پاکستان اور پولینڈ کے درمیان تعلقات میں مثبت پیش رفت کو سراہا۔

ترجمان کے مطابق دونوں رہنماؤں کے درمیان علاقائی اور عالمی امور پر بھی تفصیلی تبادلہ خیال کیا گیا، پولینڈ کے نائب وزیرِاعظم و وزیرخارجہ نے ایران امریکا جنگ بندی میں پاکستان کی کاوشوں کوسراہا اور خطے میں امن واستحکام کیلئے پاکستان کی مسلسل سفارتی اور مکالماتی کوششوں کی بھی تعریف کی۔

امریکی صدر ڈونلڈ ٹرمپ نے تصدیق کی ہے کہ ایران کے ساتھ مذاکرات کے لیے ان کی ٹیم کل اسلام آباد پہنچ رہی ہے۔ ایران کے ساتھ بات چیت کا دوسرا دور منگل کو اسلام آباد میں ہوگا۔ ہوسکتا ہے پاکستان جاؤں لیکن ابھی اس معاملے میں جلدی نہیں۔

ایک پیغام میں امریکی صدر نے کہا کہ میرے نمائندے مذاکرات کے لیے اسلام آباد جا رہے ہیں جو کل شام تک وہاں ہوں گے۔ ہم ایران کو ایک منصفانہ اور قابلِ قبول پیشکش دے رہے ہیں، امید کرتے ہیں وہ ہماری تجاویز قبول کرے گا۔

ڈونلڈ ٹرمپ نے لکھا کہ اگر معاہدہ نہ ہوا تو ہم تمام بجلی گھروں اور پلوں کو تباہ کر دیں گے، اگر ایران نے معاہدہ قبول نہ کیا  تو انہیں ہتھیار ڈالنے پر مجبور کیا جائے گا، اب وقت آ گیا ہے  ایران کی لڑائی ختم کی جائے۔

امریکی صدر نے کہا کہ ڈیل نہ ہوئی تو وہ کام کروں گا جو 47 سال میں کسی صدر نے نہیں کیا، اب کوئی نرمی نہیں برتی جائے گی۔

ڈونلڈ ٹرمپ نے مزید لکھا کہ ایران نے آبنائے ہرمز بند کرنے کا فیصلہ کیا جو عجیب بات ہے، امریکا کو کسی قسم کا کوئی نقصان نہیں ہورہا ہے، یہ سب ایرانی پاسداران انقلاب کی وجہ سے ہورہا ہے، ہماری ناکہ بندی کی وجہ سے ہرمز پہلے ہی بند ہے، بندرگاہ بند ہونے سے ایران کو 500 ملین کا نقصان ہورہا ہے۔ ایران کی کلنگ مشین کے خاتمے کا وقت  اب آگیا ہے۔

قبل ازیں اے بی سی نیوز سے ٹیلی فونک انٹرویو میں انہوں نے کہا کہ ایران نے جنگ بندی کی سنگین خلاف ورزی کی ہے، ہمیں یقین ہے  ہم ایک معاہدے تک پہنچنے کے قریب ہیں، ایران کے ساتھ معاہدہ کسی نہ کسی طریقے سے، دوستانہ یا مشکل طریقے سے ہوگا۔

نیویارک پوسٹ سے گفتگو میں صدر ڈونلڈ ٹرمپ نے کہا کہ ایران کے ساتھ مذاکرات کا اگلا دور منگل کو اسلام آباد میں ہوگا، اسٹیو وٹکوف اور جیراڈ کشنر اسلام آباد مذاکرات میں شامل ہوں گے، کہا جے ڈی وینس مذاکراتی وفد میں شامل نہیں ہوں گے۔وائٹ ہاؤس حکام کےمطابق بات چیت کے دوسرے دور کیلئے امریکی نائب صدر جے ڈی وینس پاکستان جائیں گے۔

اسلام آباد میں غیرملکی وفود کی آمد کا سلسلہ شروع ہوگیا۔ غیرملکی وفود کی آمد کے پیش نظرریڈ زون اور توسیعی ریڈ زون ہر قسم کی ٹریفک کے لیے مکمل بند رہے گا۔ اسلام آباد پولیس کی جانب سے متبادل ٹریفک پلان جاری کردیا گیا۔ ٹریفک پولیس نے شہریوں کو متبادل ٹریفک پلان پر عمل درآمد کرنے کا مشورہ دیا ہے۔

ترجمان ٹریفک پولیس کے مطابق کورال سے زیرو پوائنٹ تک ایکسپریس وے بھی ٹریفک کیلئے بند ہوگی، سری نگر ہائی وے پر بھی مختلف اوقات میں ٹریفک روکی جاسکتی ہے، اسلام آباد میں ہر قسم کی ہیوی ٹریفک کا داخلہ مکمل بند رہے گا۔ جڑواں شہروں میں فیض آباد، کراچی کمپنی، پیرودھائی،سواں کے بس اڈے بھی بند ہیں۔

اعلامیے کے مطابق سیکٹر جی اور ایف کے رہائشی راولپنڈی کیلئے مارگلہ روڈ سے نائنتھ ایونیو جائیں، فیصل ایونیو کی ٹریفک زیرو پوائنٹ سے نائنتھ ایونیو کی طرف موڑی جائے گی، زیروپوائنٹ تا کورال چوک بند ہونے پر سری نگر ہائی وے استعمال کی جائے، اسٹیڈیم روڈ کے ذریعے مری روڈ اور راول روڈ  سے کورال جاسکتا ہے، پارک روڈ تا کلب روڈ بند ہونے پر ٹریفک ترامڑی چوک کی طرف موڑی جائے گی۔

بھارہ کہو سے راولپنڈی کیلئے کورنگ روڈ،بنی گالہ،لہتراڑ روڈ استعمال کریں، راولپنڈی سے آنے کیلئے کرنل شیرخان روڈ سے فقیر ایپی روڈ یا نائنتھ ایونیو استعمال کریں، جی ٹی روڈ پشاور سے لاہور جانے والی ہیوی ٹریفک ٹیکسلا سے موٹروے پر بھیجی جائے گی۔

ہیوی ٹریفک چکری انٹرچینج سے اتر کر چک بیلی، روات سے جی ٹی روڈ استعمال کرے گی، لاہور سے جی ٹی روڈ پر آنے والی ہیوی ٹریفک روات سے چکری انٹرچینج موڑی جائے گی، ہیوی ٹریفک موٹر وے استعمال کرتے ہوئے ٹیکسلا سے دوبارہ جی ٹی روڈ پر جاسکتی ہے۔

جڑواں شہروں میں چلنے والی میٹروبس سروس صدرسے پاک سیکرٹریٹ تک معطل کردی گئی، جڑواں شہروں میں فیض آباد،کراچی کمپنی، پیرودھائی، سواں کے بس اڈے بند کردیئے گئے۔

واضح رہے کہ امریکا اور ایران کے درمیان مذاکرات کا دوسرا دور بھی اسلام آباد میں ہونے کا امکان ہے۔ غیر ملکی وفود کی آمد کے پیش نظر جڑواں شہروں میں سیکیورٹی انتہائی سخت کر دی گئی۔