کائونٹر ٹیررازم ڈیپارٹمنٹ( سی ٹی ڈی ) نےملک بھر میں 8 فروری کو شیڈول عام انتخابات سے قبل بڑی کارروائیاں کرتے ہوئے انٹیلی جنس بیسڈ آپریشنز میں مختلف شہروں سے11 دہشتگردوں کو گرفتارکرلیا۔
حکام کے مطابق دو دہشتگرد بہاولپور، دوسرگودھا سےپکڑےگئے، دوکا تعلق لاہور سے ہے، فیصل آباد،گوجرانوالہ،راولپنڈی سے بھی دہشتگردوں کی گرفتاری عمل میں لائی گئی۔
بتایا گیا کہ گرفتار ملزمان میں افغان تربیت یافتہ دہشتگرد بھی شامل ہیں۔دہشتگردوں سے بارودی مواد، خودکش جیکٹس بنانے کا سامان بھی برآمد ہوا۔
سی ٹی ڈی حکام کے مطابق دہشتگرد حساس اضلاع میں امن و امان متاثر کرنے کا منصوبہ بنا چکے تھے ۔گرفتار دہشتگردوں کا تعلق کالعدم ٹی ٹی پی سے ہے۔
