سابق گورنر سندھ عمران اسماعیل نے پاکستان تحریک انصاف ( پی ٹی آئی ) کے وائس چیئرمین اور سابق وزیر خارجہ شاہ محمود قریشی کے بیان کی تردید کرتے ہوئے کہا ہے کہ وہ اپنا گروپ تشکیل دینا چاہتے جس پر ہم نے معذرت کی۔
یاد رہے کہ گزشتہ روز وائس چیئرمین پی ٹی آئی شاہ محمود قریشی نے اڈیالہ جیل میں صحافیوں سے گفتگو میں کہا تھا کہ سابق گورنر سندھ عمران اسماعیل ان سے ملنے جیل آئے تھے اور ملاقات کے دوران انہیں پی ٹی آئی چھوڑنے کا کہا تھا۔
تاہم، سماجی رابطے کے پلیٹ فارم ایکس پر اپنے ایک بیان میں عمران اسماعیل نے شاہ محمود قریشی کے بیان کی تردید کردی ہے۔
اپنے بیان میں عمران اسماعیل کا کہنا تھا کہ میری شاہ محمود قریشی سے جیل میں ملاقات ہوئی تھی لیکن میں نے ان سے کبھی پی ٹی آئی چھوڑنے کی بات نہیں کی۔
میری شاہ محمود قریشی سے جیل میں ملاقات ہوئی تھی - میں ریکارڈ کی درستگی کے لیے یہ بات کہنا چاہتا ہوں کہ میں نے ان سے کبھی PTI چھورنے کی بات نہیں کی- یہ ملاقات شاہ صاحب کی خواہش پر ہوئی تھی- شاہ صاحب اپنا گروپ تشکیل دینا چاہیے تھے جس پر ہم نے ساتھ دینے سے معذرت کی-
— Imran Ismail (@ImranIsmailPTI) January 16, 2024
عمران اسماعیل نے انکشاف کیا کہ شاہ محمود قریشی نے ملاقات کی خواہش خود کی تھی جس کے بعد وہ ان سے ملے۔
سابق گورنر سندھ نے کہا کہ یہ ملاقات شاہ صاحب کی خواہش پر ہوئی تھی، شاہ صاحب اپنا گروپ تشکیل دینا چاہتے تھے جس پر ہم نے ساتھ دینے سے معذرت کی۔
