عام انتخابات 2024 کے لئے کاغذات نامزدگی سے متعلق اپیلیں آج سے جمع ہوں گی جو کہ تین جنوری تک دائر کی جاسکیں گی۔
الیکشن 2024 کے دوسرے مرحلے میں سکروٹنی کے دوران ریٹرننگ آفیسرز کی جانب سے جن امیدواروں کے کاغذات مسترد کیے گئے وہ اپیلیٹ ٹریبونل سے رجوع کر سکتے ہیں جبکہ اس حوالے سے اپیلیں دائر کرنے کا سلسلہ آج سے شروع ہوگا جو کہ تین جنوری تک جاری رہے گا۔
یہ بھی پڑھیں۔ عام انتخابات 2024 ، نواز شریف اور بلاول کے کاغذات منظور، عمران خان کے مسترد
الیکشن کمیشن نے ریٹرننگ افسران کی جانب سے امیدواروں کے کاغذات نامزدگی منظور یا مسترد کئے جانے کے خلاف اپیلوں کی سماعت کے لئے 24 اپیلٹ ٹریبیونلز کا نوٹیفیکشن جاری کیا ہے جس کے مطابق لاہور ہائیکورٹ کے 9 ججز بطور اپیلٹ ٹریبونل فرائض سرانجام دیں گے۔
یہ بھی پڑھیں۔ عمران خان کے کاغذات نامزدگی مسترد کرنے کا تحریری فیصلہ جاری
4 ججز لاہور ہائیکورٹ پرنسپل سیٹ پر بطور ایپلٹ ٹریبونل فرائض سرانجام دیں گے جبکہ ملتان اور راولپنڈی بینچز پر دو 2 ججز اور بہاولپور بنچ پر ایک جج بطور ایپلٹ ٹریبونل فرائض سرانجام دے گا۔
یہ بھی پڑھیں۔ کراچی میں سب سے زیادہ کاغذات نامزدگی مسترد ہونے کا ریکارڈ
نوٹیفکیشن کے مطابق پشاور ہائیکورٹ کے 5 جج ٹریبونل کے جج کے طور پر فرائض انجام دیں گے۔
پشاور ہائیکورٹ کے لئے جسٹس شکیل احمد کو الیکشن ٹریبونل جج مقرر کیا گیا جبکہ جسٹس نعیم انور ہائیکورٹ مینگورہ بنچ میں سماعت کریں گے اور جسٹس کامران حیات میاں خیل ہائیکورٹ ایبٹ آباد بنچ کیلئے الیکشن ٹریبونل کے جج ہیں۔
یہ بھی پڑھیں۔ عمران خان سمیت پی ٹی آئی کے وہ اہم رہنما جن کے کاغذات نامزدگی مسترد ہوئے
جسٹس محمد فہیم ولی ہائیکورٹ ڈی آئی خان بنچ سے اپیلوں کی سماعت کریں گے جبکہ جسٹس فضل سبحان ہائیکورٹ بنوں بنچ کے لئے الیکشن ٹریبونل کے جج مقرر کئے گئے ہیں۔
یہ بھی پڑھیں۔ اسلام آباد کے تین حلقوں کیلئے 116 امیدواروں کے کاغذات نامزدگی منظور
اسلام آباد میں جسٹس ارباب محمد طاہر اور جسٹس طارق محمود جہانگیری کو الیکشن ٹریبونل جج مقرر کیا گیا ہے۔
ریٹرننگ افسران کے فیصلوں کے خلاف اپیلوں کی سماعت کیلئے سندھ میں بھی ٹریبونلز کا قیام ہوگیا جبکہ سندھ ہائیکورٹ کے 6ججز اپیلیٹ ٹریبونلز کیلیے نامزد کردیئے گئے ہیں۔
جسٹس ارشد حسین ، جسٹس خادم حسین ، جسٹس عدنان کریم کراچی ، حیدرآباد کی اپیلوں کی سماعت کریں گے جبکہ سکھر میں جسٹس ارشاد علی اور جسٹس ذوالفقار سانگھی فرائض انجام دیں گے اوز جسٹس سلیم لاڑکانہ میں ریٹرننگ افسران کے فیصلوں کے خلاف اپیلوں کی سماعت کریں گے۔
کاغذات نامزدگی مسترد کئے جانے کے خلاف دائر کی جانے والی اپیلوں کو 10 جنوری تک نمٹایا جائے گا۔
