تحریک انصاف جنوبی پنجاب کے نائب صدر مہر عبدالحسین ترگڑ نے پاکستان پیپلز پارٹی میں شمولیت اختیار کرلی۔
پاکستان تحریک انصاف جنوبی پنجاب کے نائب صدر مہر عبدالحسین ترگڑ نے مظفرگڑھ سے سابق رکن قومی اسمبلی مہر ارشادِ احمد سیال کے ہمراہ پاکستان پیپلز پارٹی کے وائس چیئرمین اور سابق وزیراعظم یوسف رضا گیلانی کی رہائش گاہ پر ملاقات کی۔
ملتان: سینئروائس پی پی پی سابق وزیراعظم سید یوسف رضا گیلانی سے سابق وفاقی وزیر مہر ارشاد سیال کے ہمراہ پی ٹی آئی کے سینئر نائب صدر جنوبی پنجاب امیدوار ایم پی اے #PP268 مہر عبدالحسین ترگڑ نے ملاقات کے بعدپی ٹی آئی کو خیرآباد کہہ کر پیپلزپارٹی میں شمولیت اختیار کرلی#PPP pic.twitter.com/YA4NDnii3C
— GilaniHouseMediaCell (@gillanihouse_MC) December 20, 2023
اس موقع پر مہر عبدالحسین ترگڑ نے پاکستان تحریک انصاف چھوڑنے اور پاکستان پیپلز پارٹی میں شمولیت کا اعلان کرتے ہوئے کہا کہ پیپلز پارٹی میں شمولیت اختیار کر رہا ہوں پارٹی کے اعتماد پر پورا اتروں گا اور پی پی 268 سے انتخابات میں حصہ لیں گے ۔
اس موقع پر سابق وزیراعظم یوسف رضا گیلانی کا کہنا تھا کہ مہر عبدالحسین ترگڑ کی شمولیت سے پاکستان پیپلز پارٹی ضلع مظفرگڑھ میں مضبوط ہوئی ہے مہر عبدالحسین ترگڑ کو پی پی 268 سے پیپلز پارٹی کا ٹکٹ جاری کیا جائے گا ۔
