پی ڈی ایم اے پنجاب نے آج سے 5 جون تک صوبے کے بیشتر اضلاع میں آندھی ،بارش اور ژالہ باری کا الرٹ جاری کر دیا۔
بیان کے مطابق لاہور، راولپنڈی، مری، گلیات، اٹک، جہلم، چکوال، بھکر، لیہ، فیصل آباد، جھنگ، اوکاڑہ،گوجرانوالہ اورحافظ آباد میں بارش کا امکان ہے۔
سرگودھا، میانوالی، شیخوپورہ، خوشاب اور منڈی بہاوالدین میں بھی بارشوں کی پیشگوئی ہے، سیالکوٹ، نارووال، فیصل آباد، جھنگ اور گردونواح میں بارش کا امکان ہے۔
صوبہ بھر کے کمشنرز و ڈپٹی کمشنرز کو الرٹ جاری کر دیا گیا،ڈی جی پی ڈی ایم اے عمر جاوید کا کہنا ہے کہ آسمانی بجلی سے بچاو کیلئے محفوظ مقامات پر رہیں، آسمانی بجلی کی گرج چمک کے دوران کھلے مقامات تلے ہرگز نہ جائیں۔
بیان کے مطابق کسان اپنی تمام ترپیشگی اقدامات موسمی صورتحال کو مدنظر رکھتے ہوئے کریں، سیاح شمالی علاقہ جات کے سفر میں احتیاطی تدابیر اختیار کریں۔
