آل پاکستان پیٹرول پمپ اونرز ایسوسی ایشن نے پیٹرولیم مصنوعات کی قیمتوں کے تعین کے طریقہ کار میں تبدیلی کا مطالبہ کر دیا۔ وزیراعظم کو خط لکھ کر کہا کہ قیمتوں میں مسلسل اتار چڑھاؤ سے مارکیٹ میں غیریقینی کی صورتحال ہے۔ قیمتوں کو ہفتہ وار بنیادوں کے بجائے پندرہ دن بعد تبدیل کیا جائے۔
آل پاکستان پیٹرول پمپ اونرز ایسوسی ایشن نے وزیراعظم نے نام خط میں پیٹرولیم مصنوعات کی قیمتوں کے تعین کے طریقہ کار پر تحفظات کا اظہار کیا ہےاور کہا ہفتہ وار قیمتوں کے تعین سے مالی اور آپریشنل مسائل کا سامنا ہے۔ قیمتیں غیرمستحکم ہونے سے بزنس پلان بہت متاثر ہو رہا ہے۔ قیمتوں کے تعین کے موجودہ طریقہ کار سے پمپ مالکان پر بوجھ بھی بڑھ رہا ہے۔ سات کے بجائے پندرہ دن کے بعد قیمتوں میں رد و بدل سے مارکیٹ میں استحکام آئے گا ۔ سابقہ طریقہ کار کی بحالی سے کاروبار اور صارفین پر مثبت اثرات ہوں گے۔
