شان مسعود کو ٹیسٹ ٹیم کی کپتانی سے مبینہ طور پر ہٹانے کا فیصلہ کر لیاگیاہے جبکہ اس حوالے سے جلد باضابطہ اعلان متوقع ہے۔
ذرائع کے مطابق پاکستان کرکٹ بورڈ ویسٹ انڈیز کے خلاف آئندہ ٹیسٹ سیریز میں قومی ٹیم کے نئے کپتان کا اعلان کرے گا۔ذرائع کا کہنا ہے کہ نئے کپتان کے انتخاب کیلئے پی سی بی جلد مشاورتی عمل شروع کرے گا۔
ذرائع کے مطابق اگر شان مسعود نے خود استعفیٰ نہ دیا تو بورڈ ان کی برطرفی کا اعلان کرسکتا ہے۔پاکستان اور ویسٹ انڈیز کے درمیان ٹیسٹ سیریز 25 جولائی سے شروع ہوگی۔





















