پاکستان اور سری لنکا کی انسداد دہشت گردی مشترکہ فوجی مشقیں شیک ہینڈ ٹو اختتام پذیر ہوگئیں، تربیلا میں دو ہفتے جاری رہنے والی مشقوں میں پاک فوج کے اسپیشل سروسز گروپ اور سری لنکن اسپیشل فورسز نے حصہ لیا۔
آئی ایس پی آر کے مطابق انسداد دہشت گردی کی مشترکہ فوجی مشقیں شیک ہینڈ ٹو کا آغاز ستائیس اپریل کو ہوا تھاجو دو ہفتے جاری رہیں۔جنرل آفیسر کمانڈنگ اسپیشل سروسزگروپ اختتامی تقریب میں مہمان خصوصی تھے۔ سری لنکا کی جانب سے میجر جنرل اجیت ابی وردنا نے بھی تقریب میں شرکت کی۔
مشقوں میں اسپیشل سروسز گروپ، پاکستان آرمی اور سری لنکن اسپیشل فورسز نےحصہ لیا۔فوجی دستوں نے پیشہ وارانہ مہارت کے اعلیٰ ترین مہارت کا مظاہرہ کیا ۔ اِن مشقوں کا مقصد مشترکہ تربیت کے ذریعےانسداد دہشت گردی کی کارروائیوں کو بہتربنانا تھا۔
