آتشزدگی سے متاثرہ گل پلازا کی بیسمنٹ میں پھر آگ لگ گئی۔ پولیس نے شبہ ظاہر کیا ہے کہ آگ نشے کے عادی شخص سے لگی، جسے حراست میں لے لیا گیا ہے۔
کراچی کے گل پلازہ کے ملبے میں ایک بار پھر آگ لگ گئی۔ موقع پر موجود لوگوں نے نشے کے عادی شخص کو پکڑ کر تھانے منتقل کردیا۔ نشے کا عادی شخص کا کہنا تھا کہ آگ بیسمنٹ میں لگی جبکہ وہ اوپر والی منزل پر موجود تھا۔
چیف فائرآفیسر ہمایوں خان کا کہنا ہے کہ پونے6بجےگل پلازہ کی عمارت سےدھواں نکلنے کی اطلاع ملی، ٹیمیں بروقت پہنچی اور فائر فائٹنگ کا عمل شروع کیا۔ بیسمنٹ کا بڑا حصہ اوردکانیں گزشتہ آتشزدگی واقعے میں محفوظ رہی تھیں۔ شبہ ہےکہ ان ہی دکانوں اور اندر موجود کباڑوکچرے میں آگ لگی ہے۔
ایڈیشنل ڈپٹی کمشنرساؤتھ امیرفضل کا کہنا ہے کہ کے ایم سی کے6فائرٹینڈرز اور ایک اسنارکل کام کررہی ہے، دھواں زیادہ ہونے کے باعث فائرفائٹرز کو اندر جانے میں پریشانی کاسامنا تھا، مشین لگا کر دھواں باہر نکالا ہے۔
