چیف جسٹس پاکستان جسٹس قاضی فائز عیسیٰ نے سپریم کورٹ کو ’’ اعلیٰ عدلیہ ‘‘ لکھنے سے روک دیا۔
سپریم کورٹ میں ضمانت کیس کی سماعت کے دوران چیف جسٹس قاضی فائز عیسیٰ نے سپریم کورٹ کو ’ اعلیٰ عدلیہ ‘ لکھنے سے روک دیا۔
جسٹس قاضی فائز عیسیٰ نے ریمارکس دیئے کہ آئین میں سپریم کورٹ کیلئے عدلیہ کا لفظ نہیں لکھا گیا ، سپریم کورٹ کو آئین پاکستان کے مطابق سپریم کورٹ ہی کہا جائے۔
یہ بھی پڑھیں۔ سرکاری افسران کے عہدوں کے ساتھ ’’ صاحب ‘‘ کا لفظ استعمال کرنے پر پابندی
خیال رہے کہ اس سے قبل سپریم کورٹ نے سرکاری افسران کے عہدوں کے ساتھ ’’ صاحب ‘‘ کا لفظ استعمال کرنے پر پابندی عائد کر دی تھی۔
چیف جسٹس نے ریمارکس دیئے تھے کہ ’’ صاحب صاحب ‘‘ کہہ کر سب لوگوں کا دماغ خراب کر رکھا ہے، صرف ڈی ایس پی ہے وہ اور وہ بھی نااہل۔
عدالت عظمیٰ کی جانب سے کہا گیا تھا کہ افسران کے عہدوں کے ساتھ صاحب کا لفظ آزادی کے حصول کی بنیاد کی نفی کرتا ہے، صاحب کا لفظ سرکاری افسران و ملازمین کو احتساب سے بالاتر بناتا ہے۔
