عماد وسیم نے سوشل میڈیا انفلوئنسر نائلہ راجہ سے نجی تقریب میں شادی کر لی۔ دوسری شادی کی خبر سامنے آتے ہی سوشل میڈیا پر مختلف تبصرے اور بحث کا سلسلہ شروع ہو گیا۔
سوشل میڈیا پر اپنے ایک بیان میں عماد وسیم نے لکھا کہ میں نے اپنی زندگی کے مشکل ترین ادوار میں سے ایک کا سامنا کیا جب میری شادی کامیاب نہ ہو سکی۔
انہوں نے کہاکہ اس کے باوجود اُس دور نے مجھے میری زندگی کی سب سے بڑی نعمتیں عطا کیں، یعنی میرے بچے۔ میں ان سے لفظوں سے بڑھ کر محبت کرتا ہوں، اور یہ محبت کبھی کم نہیں ہوگی۔
عماد وسیم نے کہاکہ میں ضرورت سے زیادہ عرصہ تک امید کا دامن تھامے رہا اور اُن چیزوں کو بچانے کی کوشش کرتا رہا جو میرے لیے سب سے زیادہ اہم تھیں۔ اس دوران میں نے کچھ ایسے فیصلے کیے جن پر مجھے افسوس ہے۔
View this post on Instagram
ان کا کہناتھا کہ میری تاخیر اور خاموشی نے ایک ایسی صورتحال پیدا کی جس میں ایک بے گناہ شخص کو ناحق تنقید اور فیصلوں کا سامنا کرنا پڑا، جس کی وہ مستحق نہیں تھی۔ میں اس کی مکمل ذمہ داری قبول کرتا ہوں اور سچے دل سے اس بوجھ کو تسلیم کرتا ہوں۔
انہوں نے کہاکہ اللہ کے فضل اور اپنے والدین کی رہنمائی سے میں نے اب نائلہ سے شادی کر لی ہے۔ یہ قدم سوچ سمجھ کر اور واضح ارادے کے ساتھ اٹھایا گیا ہے تاکہ ایک ایسی زندگی کی بنیاد رکھی جا سکے جو سکون، استحکام اور باہمی احترام پر قائم ہو۔
انہوں نے لکھا کہ نائلہ نے میری زندگی میں ٹھہراؤ، وقار اور مضبوطی پیدا کی ہے، اور میں اپنے اس فیصلے پر مکمل یقین رکھتا ہوں۔
دوسری جانب عماد وسیم کی سابق اہلیہ ثانیہ اشفاق نے سوشل میڈیا پر سخت ردعمل دیتے ہوئے مبینہ طور پر سنگین الزامات عائد کیے ہیں۔ انہوں نے اپنے بیان میں کہا کہ ’’سب نے ثبوت دیکھ لیا، سچ کبھی چھپتا نہیں ہے۔‘‘
ثانیہ اشفاق نے مزید کہا کہ ’’اپنے بچوں اور جس وقت سے ہمیں گزرنا پڑا اس کے لیے انصاف چاہیے۔‘‘
