سمیع اللہ خان کی زیرِصدارت پنجاب اسمبلی استحقاق کمیٹی کا اجلاس ہوا جس دوران پنجاب اسمبلی اور دیگر سرکاری محکموں کے افسران شریک ہوئے، میٹنگ کے ایجنڈے میں چار استحقاق کی تحریکیں شامل تھیں ، تحریک استحقاق نمبر101 رکن پنجاب اسمبلی شعیب صدیقی نے پیش کی،یہ تحریک پولیس کی بدعنوانی سے متعلق ہے لیکن ایس ایس پی انویسٹی گیشن کی عدم موجودگی کےباعث تحریک مؤخر کردی گئی۔
تفصیلات کے مطابق تحریک استحقاق نمبر 27رکن پنجاب اسمبلی احمد اقبال چوہدری نے پیش کی، یہ تحریک قومی مالیاتی کمیشن (این ایف سی) کی رپورٹس اسمبلی میں پیش نہ کیے جانے سے متعلق ہے، معزز رکنِ اسمبلی کی عدم موجودگی کے باعث اس تحریک کو مؤخر کر دیا گیا۔
تحریک استحقاق نمبر89راشد منہاس اور عمران جاوید ایم پی ایز نے پیش کی، یہ تحریک سابق اے ڈی سی آرلاہور صہیب بٹ کے برے رویئے سے متعلق ہے، کمیٹی نے اے ڈی سی آرکی بغیراطلاع کےعدم حاضری پر شدید برہمی کا اظہار کیا ، میٹنگ میں حاضری یقینی بنانے کی ہدایت کیساتھ تحریک کل تک کے لیے مؤخر کر دی گئی ۔
تحریک استحقاق نمبر99سلطان باجوہ، اسامہ فضل اورعارف محمود گل، ایم پی ایز نے پیش کی، تحریک 99 سیکرٹری اسکولز کے برے رویئےسے متعلق تھی، معزز اراکین کی عدم موجودگی کے باعث تحریک مؤخر کردی گئی۔ کمیٹی برائےاستحقاق کی اگلی میٹنگ کل صبح گیارہ بجےمنعقد ہوگی۔
