کراچی کی تاریخ کی ایک اورسب سےبڑی چوری کی واردات پیش آئی ہے جس دوران جیولرشاپ کی دیوارتوڑکر 30 کروڑ مالیت کا سونا لوٹ لیا گیا، نامعلوم ملزمان چھ سو چھ تولہ سونا اور 25 لاکھ مالیت کےہیرےلےاُڑے۔
تفصیلات کے مطابق واردات اورنگی ٹاؤن اقبال مارکیٹ کے معروف جیولرز پر کی گئی، جیولر ایوب خان نے 30کروڑکی نقب زنی مقدمہ درج کروا دیا ۔
ایف آئی آر کے مطابق 14فروری کو کاریگروں نے دکان کھولی تو باکس خالی ملے، دکان کے پیچھے جا کر دیکھا تو دیوار ٹوٹی ہوئی تھی، ہماراذاتی بنا ہوا سونے کا سامان 7 ہزار 64 گرام غائب تھا، 25 لاکھ روپےمالیت کے کچھ ہیرے اور مختلف سامان بھی غائب تھا۔
وزیرداخلہ سندھ نے ایس ایس پی ویسٹ سے رپورٹ طلب کر لی اور کہا کہ ملزموں کی گرفتاری،مال کی برآمدگی کے لیے ٹیمیں تشکیل دی جائیں۔ وزیر داخلہ نے جیولری مارکیٹس،حساس تجارتی مراکزکی سیکیورٹی مؤثر بنانے کی ہدایت بھی کی ۔
انہوں نے کہا کہ ملوث عناصر کے خلاف سخت کارروائی عمل میں لائی جائےگی۔
