وزیراعلیٰ پنجاب کے ’’دھی رانی‘‘پروگرام کے تحت اٹک میں 124مستحق جوڑوں کی اجتماعی شادی کی تقریب کا انعقاد کیا گیا جس میں سیاسی عمائدین،پولیس، انتظامی آفسران اور سول سوسائٹی کی بڑی تعداد شریک ہوئی۔
شادی کی تقریب میں ہر جوڑے کی دو لاکھ روپےفراہم کرکے مالی معاونت کی گی ، اس موقع پر رکن قومی اسمبلی طاہرہ اورنگ زیب کاکہناتھا مستحق بیٹیوں کی باعزت رخصتی حکومت پنجاب کی اولین ترجیح ہے،اجتماعی شادیوں کے ذریعے سفید پوش خاندانوں کوعملی سہارا فراہم کیاجا رہاہے، تقریب کے اختتام پر پرتکلف ضیافت اور اجتماعی گروپ فوٹوز کا اہتمام کیاگیا۔
وزیراعلیٰ پنجاب مریم نواز شریف کے ویژن کے مطابق فلاحی منصوبوں کا دائرہ کار وسیع کیاجارہا ہے۔ رکن قومی اسمبلی طاہرہ اورنگزیب کا کہنا تھا اجتماعی شادی کی تقریب سے معاشرتی ہم آہنگی کو فروغ مل رہا ہے۔ کمزور طبقات کو عملی سہارا فراہم کرنا حکومت کی ذمہ داری ہے۔ تقریب میں کمشنرراولپنڈی ڈویژن ،ڈپٹی کمشنر اٹک راوعاطف رضا،ڈسٹرکٹ پولیس آفیسر سردار موارہن خان،ممبرسپریم جوڈیشل کمیشن ایم این اے شیخ آفتاب احمد اور دیگر لیگی رہنماوں نےبھی شرکت کی تقریب کےاختتام پر پرتکلف کھانے کےبعد جوڑوں کو دعاوں کےساتھ رخصت کیاگیا۔
