وفاقی وزیر برائے پارلیمانی امور طارق فضل چوہدری نے کہاہے کہ بانی پی ٹی آئی کی صحت ترجیح ہے اور اگر بانی کو علاج کیلئے باہر بھیجنا پڑا تو ضرور بھیجیں گے ۔
تفصیلا ت کے مطابق سماء نیوز کے پروگرام ’’ ندیم ملک لائیو‘‘ میں گفتگو کرتے ہوئے طارق فضل چوہدری نے کہا کہ اگربانی الشفامیں علاج پر راضی ہیں توہمیں کوئی اعتراض نہیں ، انہوں نے اگر چیک اپ کروانا ہے تو ضرور کروائیں، بانی سے ہماری ذاتی عناد اور دشمنی نہیں ہے، بانی کی صحت ترجیح ہے،اگر بانی کو علاج کے لیے باہر بھیجنا پڑا تو ضرور بھیجیں گے۔
انہوں نے کہا کہ بانی پی ٹی آئی کی آنکھ کی بیماری میں ریورسبل اور ریپئرنگ کے امکانات ہیں، بانی کی آنکھ کا مسئلہ،مکمل علاج مل جائے تویہ ٹھیک ہو سکتا ہے، بانی کی بیماری کے حوالے سے یہ دوسری رپورٹ ہے، پمزکی رپورٹ کے مطابق بانی کے علاج کے بعدآنکھ ٹھیک ہے، سلمان صفدر وکیل ہیں ان کی رپورٹ میڈیکل کی نہیں ہے، بانی کی درخواست پر بانی کو پمز منتقل کیا گیا، ان کا روزانہ کی بنیاد پر چیک اپ ہوتاہے۔
صدرالشفاآئی ٹرسٹ میجرجنرل (ر)رحمت خان
صدر الشفا آئی ٹرسٹ میجر جنرل ریٹائرڈ رحمت خان نے گفتگو کرتے ہوئے کہا کہ ہمارے لیے کوئی اسپیشل نہیں،عام قیدی کو بھی تکلیف ہو تو ویلکم کریں گے، ہم سیاست میں شامل نہیں ہیں، ہمارے پاس افغانی روتے آتے ہیں ہم ان کا بھی علاج کرتے ہیں،اگر بانی پی ٹی آئی کو لایا جائے تو یقین دلاتا ہوں ہر ممکن بہترین علاج دیں گے، مجھے نہیں معلوم بانی کی کیا بیماری ہے، ہمارے پاس آنکھ کی بیماری کا ہر علاج ہے، بانی کی بیماری کے حوالے سے مجھ سے کوئی رابطہ نہیں ہوا، جوبھی آنکھ کی بیماری ہے اس کی سہولت موجود ہے۔
سینیٹرہمایوں مہمند
سینیٹرہمایوں مہمند نے کہا کہ بانی نے کہا میری بینائی میں کمزوری ہوئی میں آگاہ کرتا رہا، انہوں نے کوئی دھیان نہ دیا،یہ جرم ہے، یہ جرم ہواہے،وفاقی حکومت اور پنجاب حکومت سے، بانی کو آدھی رات کو اینٹی وین جی ایف کاانجکشن لگا ہے، مجھے لگتا ہے بانی کے ساتھ حکومت نے جان بوجھ کر کیا، ہمیں ہر پاکستانی ڈاکٹر پر اعتماد ہے۔
