کوہاٹ کے علاقے کے ڈی اے میں ماں بیٹی کے قتل کا معمہ حل کر لیا گیا، مقتولہ کا داماد اور نواسہ قاتل نکلے، پولیس نے باپ بیٹے کو گرفتار کرلیا۔
ڈی ایس پی عماد الدین کے مطابق اکیس جنوری کو کے ڈی اے کے ایک گھر میں ماں اور بیٹی کو نامعلوم افراد نے قتل کر دیا تھاتاہم دوران تفتیش ملوث ملزمان کا سراغ لگا کر مقتولہ کے داماد حضرت اللہ اور نواسے شادمان کو گرفتار کرلیا۔ دوران تفتیش ملزم حضرت اللہ نے پولیس کو بتایا کہ اس نے ذاتی عناد پر اپنی ساس اور سالی کو موت کے گھاٹ اتارا ہے۔ جبکہ اس سے پہلے بھی وہ اپنے سگے بھائی اور کزن کا قتل کرچکا ہے۔
