بیورو آف امیگریشن کے جاری کردہ ڈیٹا کے مطابق گزشتہ سال ملک سے ساڑھے 7 لاکھ سے زائد پاکستانی بیرون ملک ملازمت کے لئے گئے۔ 2024 میں تعداد 7 لاکھ 27 381 تھی۔
رپورٹ کے مطابق 2025 میں 4 لاکھ سے زائد غیر ہنرمند اور دو لاکھ سے زائد ہنرمندوں کو بیرون ملک نوکری ملی۔ پاکستانیوں کی سب سے زیادہ تعداد سعودی عرب گئی۔
اعداد وشمار کے مطابق گزشتہ سال 5 ہزار 659 اکاؤنٹنٹ، 10 ہزار 503 باورچی بیرون ملک گئے، 3 ہزار 795 ڈاکٹروں اور5ہزار 946 انجینیئروں کو بھی بیرون ملک نوکری ملی، 1640 نرسز بھی گزشتہ برس ملازمت کے لیے بیرون ملک گئیں۔
زیرجائزہ عرصے کے دوران 1725 اساتذہ ایک لاکھ 63 ہزار 718 ڈرائیورز بھی بیرون ملک گئے، 6475 الیکٹریشنز،4 لاکھ 65 ہزار 138 مزدور روزی روٹی کمانے بیرون ملک گئے۔ 5700 مستری،12703 ٹیکنیشنز،11ہزار 777 مینجرزاور 2306 پلمبر بھی شامل ہیں۔
رپورٹ کے مطابق 2027 ویٹر،18 ہزار 352 اعلی تعلیم یافتہ،13 ہزار 657انتہائی ہنر مندافراد باہر گئے، گزشتہ سال کے دوران 2 لاکھ 22 ہزار 171 ہُنرمند افراد بیرون ملک گئے، 42 ہزار 257 نیم ہنرمند،4 لاکھ 66 ہزار 62 غیر ہنرمند پاکستانی بیرون ملک گئے۔
دستاویز کے مطابق بیرون ملک جانے والے پاکستانیوں میں 5 لاکھ 30 ہزار 256 افراد سعودی عرب گئے، 52 ہزار 664 افراد متحدہ عرب امارات اور 68 ہزار 376 پاکستانی قطر گئے، 37726 کو بحرین،6590 کویت اور 1005 پاکستانیوں کو امریکا میں نوکری ملی۔
رپورٹ کے مطابق 39 پاکستانی جنوبی کوریا،4355 برطانیہ،984 جرمنی اور 813 پاکستانی اٹلی گئے، 2230 پاکستانیوں کو چین،2210 کو جاپان اور1109 پاکستانیوں کو رومانیا میں نوکری ملی۔
