پنجاب کے نئے مالی سال کے بجٹ کی تیاریاں،بغیرمنظوری کے کوئی بھی منصوبہ شامل نہیں ہوگا۔
نئےمالی سال میں کسی بھی ضمنی اسکیم کو شامل نہیں کیا جائے گا، تمام سرکاری محکموں کو نئی اسکیموں کےلیے پی سی ون دستاویزات اورلاگت کےتخمینےمنظوری کےلیےبروقت ارسال کرنےکی ہدایت کر دی گئی ہے۔
پی اینڈ ڈی بورڈپنجاب کےمطابق تمام عوامی سرمایہ کاری منصوبے پنجاب پبلک فنانشل مینجمنٹ ایکٹ 2022میں درج قانونی تقاضوں کےعین مطابق ہوں گے، سالانہ ترقیاتی پروگرام2026-27میں صرف وہی اسکیمیں شامل کی جائیں گی جومتعلقہ فورمزسےباقاعدہ طورپرمنظورشدہ ہوں، تمام محکموں کو نئی اسکیموں کےلیےپی سی ون دستاویزات اور لاگت کےتخمینےمنظوری کےلیےبروقت ارسال کرنےکی ہدایت کر دی،یہی ہدایات 10اکتوبر2025 اور24دسمبر2025کوبھی جاری کی گئی تھیں۔
پلاننگ اینڈ ڈویلپمنٹ بورڈپنجاب کاکہنا ہےکہ ترقیاتی منصوبوں کی منظوری اورعملدرآمدمیں کسی قسم کی تاخیرنہ ہو،مالی سال2026-27کےدوران سالانہ ترقیاتی پروگرام میں کسی بھی ضمنی اسکیم کو شامل نہیں کیاجائےگا۔
فیصلےکامقصدپہلےسےمنظورشدہ اسکیموں کی بروقت تکمیل اور مالی نظم و ضبط کویقینی بناناہے، ان اقدامات سےترقیاتی عمل میں شفافیت،مؤثریت اوربہترمالی نظم ونسق کوفروغ ملےگا۔
