اسلام آباد کی مقامی عدالت نے سابق وزیر اعلٰی خیبرپختونخوا علی امین گنڈا پور کے دو مقدمات میں وارنٹ گرفتاری جاری کر دئیے ۔
اسلام آباد کی ضلع کچہری میں علی امین گنڈا پور سمیت دیگر کیخلاف حقیقی آزادی مارچ کیسز کی سماعت ہوئی۔ مقدمات کی سماعت جوڈیشل مجسٹریٹ مبشر حسن چشتی نے کی ۔
عدالت نے دو مقدمات میں علی امین گنڈا پور کے وارنٹ گرفتاری جاری کر دئے، علی امین گنڈا پور متعدد بار طلبی کے باوجود عدالت پیش نہیں ہوئے، عدالت نے وارنٹ گرفتاری جاری کرتے ہوئے مقدمات کی سماعت آٹھ جنوری تک ملتوی کردی۔
علی امین گنڈا پور ودیگر کیخلاف تھانہ بارہ کہو میں دو مقدمات درج ہیں۔ بانی پی ٹی آئی، شاہ محمود قریشی، زرتاج گل ودیگر دونوں مقدمات سے بری ہوچکے ہیں۔
