انگلینڈ کے خلاف تیسرے ٹیسٹ کے لیے آسٹریلوی اسکواڈ کا اعلان کردیا گیا ہے، پیٹ کمنز کی اسکواڈ میں واپسی، ایڈیلیڈ ٹیسٹ میں کپتانی کریں گے
کرکٹ آسٹریلیا کےمطابق کپتان پیٹ کمنز انجری سے ری کوری کے بعد اسکواڈ میں واپس آئے ہیں،عثمان خواجہ 15 رکنی اسکواڈ میں جگہ برقرار رکھنے میں کامیاب ہوگئے،عثمان خواجہ پرتھ ٹیسٹ میں کمر کی تکلیف کا شکار ہوئے برسبین ٹیسٹ نہیں کھیل سکے تھے۔
پیٹ کمنز جولائی کے بعد سے کرکٹ ایکشن سے باہر رہے ہیں،پیٹ کمنز نے جولائی میں جمیکا میں ویسٹ انڈیز کے خلاف ٹیسٹ کھیلا تھا،اسکواڈ میں کپتان پیٹ کمنز، اسکاٹ بولینڈ، ایلیکس کیری، برینڈن ڈوگٹ کیمرون گرین،ٹریوس ہیڈ، جوش انگلس، عثمان خواجہ، مارنوس لابوشین، نیتھن لیون اور مائیکل نیسر بھی شامل ہیں۔
اس کے علاوہ اسٹیو اسمتھ، میچل اسٹارک، جیک ویدرالڈ اور بیو ویبسٹر بھی ٹیم کا حصہ ہیں، ایشیز سیریز کا تیسرا ٹیسٹ 17 دسمبر سے ایڈیلیڈ میں شروع ہو گا،پانچ ٹیسٹ میچ کی سیریز میں آسٹریلیا کو دو صفر سے برتری حاصل ہے۔
