ٹی20 ورلڈ کپ کے سپر ایٹ مرحلے میں انڈیا نے زمبابوے کو 72 رنز سے شکست دے کر ٹورنامنٹ سے باہر کر دیا ہے۔
چنئی میں انڈیا کے 257 رنز کے ہدف کے تعاقب میں زمبابوے کی ٹیم مقررہ 20 اوورز میں 6 وکٹوں کے نقصان پر 184 رنز بناسکی۔ برائن بینٹ 97 رنز کے ساتھ ناٹ آؤٹ رہے جبکہ سکندر رضا نے 31 رنز بنائے۔
زمبابوے نے ٹاس جیت کر پہلے فیلڈ نگ کا فیصلہ کیا تھا جو اس کے لیے ایک بھیانک خواب ثابت ہوا۔ انڈین بیٹرز نے چھکوں چوکوں کی برسات کے بعد اس ورلڈ کپ کا سب سے بڑا مجموعی سکور 256 رنز بنا ڈالا۔ انڈین بیٹرز نےمجموعی طور پر 17 چھکے لگائے۔
مسلسل ناکامیوں کے بعد ابھشیک شرما نے اس میچ میں نصف سینچری بنائی اور 55 رنز بنا کر آؤٹ ہوئے۔ ہاردک پانڈیا 50 اور تلک ورما 44 رنز بنا کر ناٹ آؤٹ رہے۔
فتح کے بعد بھی انڈیا کو سیمی فائنل تک رسائی کے لیے اتوار کو ہر حال میں ویسٹ انڈیز کو ہرانا ہو گا۔ ویسٹ انڈیز کو بھی سیمی فائنل میں جانے کے لیے انڈیا کو شکست دینا ضروری ہے۔ اب انڈیا اور ویسٹ انڈیز کے میچ میں جو فاتح ہو گا وہ اس ہی اس گروپ سے سیمی فائنل کھیلنے والی دوسری ٹیم ہو گی۔
گروپ اے میں جنوبی افریقہ 4 پوائنٹس کے ساتھ سرفہرست ہے اور جمعرات کو ہی ویسٹ انڈیز کو شکست دے کر سیمی فائنل کے لیے کوالیفائی کر چکا ہے۔
