راولپنڈی میں نوجوان لڑکی کے زبردستی بال کاٹنے کے کیس میں عدالت نے دو مرکزی ملزمان کی ضمانت بعد از گرفتاری منظور کرلی۔
انیس خان عرف درانی اور جلیل خان کو گزشتہ روز چودہ دن کے جوڈیشل ریمانڈ پر جیل بجھوایا گیا تھا۔ آج جوڈیشل مجسٹریٹ صوفیہ ملک نے دونوں ملزمان کی ضمانت بعد از گرفتاری منظور کر لی۔ عدالت نے دونوں ملزمان کو پچاس پچاس ہزار روپے کے ضمانتی مچلکے جمع کرانے کا حکم دیا ہے۔ ٹک ٹاکر لڑکی کے بال کاٹنے اور تشدد کی ویڈیو سوشل میڈیا پر وائرل ہونے کے بعد پولیس نے کارروائی کی تھی۔ ملزمان کے خلاف پچیس نومبر کو تھانہ نصیر آباد میں مقدمہ درج کیا گیا تھا۔
