صدر مملکت آصف علی زرداری 3 روزہ سرکاری دورے پر دوحہ پہنچ گئے۔ ایئرپورٹ پر سینئر قطری حکام نے استقبال کیا۔
صدر مملکت آج عالمی سماجی ترقیاتی کانفرنس میں شرکت کریں گے۔ مختلف عالمی رہنماؤں اور تنظیموں کے نمائندوں سے بھی ملیں گے۔ اپنے خطاب میں صدر مملکت عالمی برادری کو سماجی ترقی اور جامع معاشی نمو کے حوالے سے پاکستان کے اقدامات سے آگاہ کریں گے۔
صدر آصف علی زرداری سماجی تحفظ، غربت میں کمی اور کمزور طبقوں کو مستحکم کرنے میں بینظیر انکم سپورٹ پروگرام کے کردار پر روشنی ڈالیں گے۔
صدر مملکت دوحہ الائنس، سوشل پروٹیکشن اینڈ جابز کمپیکٹ کے آغاز کے لیے پاکستان کے اقدامات اور عالمی ترقیاتی وعدوں سے ہم آہنگ منصوبوں پر بات کریں گے۔
آصف علی زرداری سماجی و ماحولیاتی تبدیلیوں کے لیے مالی وسائل کے حصول، ایس ڈی جی اسٹمولیس اور دیگر عالمی اقدامات کی اہمیت پر زور دیں گے۔
