اٹک پولیس نے بڑی کارروائی کرتے ہوئے اندھے قتل کا سراغ لگا لیا۔
پولیس کے مطابق مقتول اویس کو اس کے ہی دوستوں نے 26 روز قبل قتل کیا تھا۔ ملزمان نے پہلے اویس کو نشہ آور دوا پلائی اور بعد ازاں اسے قتل کر دیا۔
پولیس کا کہنا ہے کہ ملزمان امین اللہ اور ارسلان کو گرفتار کرلیا گیا ہے، جنہوں نے دورانِ تفتیش قتل کا اعتراف بھی کرلیا۔
پولیس کے مطابق ملزمان نے قتل کے بعد لاش غازی بھروٹھا جھیل میں پھینک دی تھی تاکہ واردات کو چھپایا جا سکے۔
حکام کا کہنا ہے کہ گرفتار ملزمان کو جسمانی ریمانڈ کیلئے کل عدالت میں پیش کیا جائے گا جبکہ مزید تفتیش جاری ہے۔
