مشیر وزیراعظم رانا ثنااللہ کا کہنا ہے کہ ہم دہشتگردوں سے اپنا تحفظ کریں گےہمارے لیے کوئی اور آپشن نہیں ہے،مسلح افواج،عسکری قیادت اتنی باصلاحیت ہےانہوں نے ایک بار انہیں سبق سکھایا ہے، انہیں بتایاہے کہ اگر ہمارے بارڈرمحفوظ رکھنے کی ذمہ داری نہیں لیں گے تو یہ گارنٹی ہم خود حاصل کریں گے
مشیر وزیراعظم رانا ثنااللہ نے اپنے بیان میں کہا پاکستان کاعالمی قانون کےمطابق سیدھا مطالبہ ہےکہ افغان سرزمین ہمارے خلاف دہشتگردی کیلئے استعمال نہیں ہونی چاہیے، پاکستان نےثبوت سامنے رکھے ہیں، انہیں کوئی جھٹلا نہیں سکتا،افغانستان اس چیز کو روکے اور ایک میکنزم بنائے،ایک لائن ڈیمانڈ ہے، اس میں کوئی لچک نہیں۔
انہوں نے کہا خود بفرزون قائم کریں گےجس سے ہمارا بارڈرمحفوظ ہوجائےگا,ہم فیصلہ لے چکے ہیں، ہماری عسکری قیادت اس بارے میں پوری طرح سےکلیئر ہے، ہمیں کوئی ابہام نہیں،بات یہ ہےکہ ہم نے یہ فیصلہ خود نافذ کرنا ہے یا انہوں نے تعاون کرنا ہے،فیصلہ ہوچکا ہے۔
مزید کہا افغانستان ہمارا برادر اسلامی ملک ہے،40سال بے پناہ انکی خدمت، میزبانی، تابعداری کی ہے، جو گروپ افغانستان میں برسراقتدار ہےوہ فتنہ الخوارج ہندوستان سے الجھنے میں تذبذب کا شکار ہے، انڈیا کا دباؤ ہے،انہیں پیسے،سہولت دینےکو بھی تیار ہے،اس پالیسی کو جاری رکھنے پر انڈیا انہیں ابھار رہا ہے۔
