سابق میچ ریفری کرس براڈ نے آئی سی سی کی بھارت نوازی کا پول کھول دیا۔
برطانوی اخبار دی ٹیلی گراف کو انٹرویو میں انگلینڈ کے سابق کرکٹر اور آئی سی سی میچ ریفری کرس براؤڈ نے کہا ایک میچ میں بھارت نے مقررہ وقت میں 3 سے 4 اوور کم کرائے۔ جس پر جرمانہ بنتا تھا لیکن میچ کے بعد ایک فون آیا جس میں ہدایت دی گئی کہ بھارت پر ہاتھ ہلکا رکھیں، نرمی دکھائیں۔
کرس براڈ کے انکشاف نے آئی سی سی کی شفافیت پر سنگین سوالات کھڑے کر دیے ہیں۔ کرس براڈ نے 2003 سے 2024 تک آئی سی سی میچ ریفری کے طور پر خدمات انجام دیں۔
اُن کا کہنا تھا کہ کھیل میں کافی سیاست شامل ہے، اب لوگ سیاسی پیچیدگی سمجھ کر فیصلے کرتے، سارا پیسہ بھارت کے پاس ہے، اس نے عملی طور پر آئی سی سی پر قابو کرلیا ہے۔
