عافیہ صدیقی کی رہائی اور وطن واپسی سےمتعلق کیس میں پیشرفت سامنے آئی ہے،اسلام آباد ہائی کورٹ کا لارجر بینچ انتیس اکتوبر کو کیس کی سماعت کرے گا،رجسٹرار آفس نے کازلسٹ جاری کردی۔
جسٹس ارباب محمد طاہرچار رکنی لارجر بینچ کی سربراہی کریں گے،بینچ میں جسٹس خادم سومرو،جسٹس اعظم خان اور جسٹس راجا انعام امین منہاس شامل ہوں گے، لارجر بینچ کے ایک رکن کی عدم دستیابی پر گزشتہ سماعت منسوخ ہوگئی تھی، اس سےقبل یہ کیس جسٹس سردار اعجاز اسحاق کی عدالت میں زیر سماعت تھا۔
سنگل بینچ نےوزیراعظم اور کابینہ ارکان کو توہین عدالت کےنوٹسز جاری کئےتھے،جسٹس سرداراعجازاسحاق کےاسپیشل ڈویژن بینچ کا حصہ بننے پرکیس ٹرانسفرکیا گیا،جسٹس راجا انعام امین منہاس نے لارجر بینچ کے لیےفائل چیف جسٹس کو بھیجی تھی۔
