نادرا نے ٹی ایم سی کے ساتھ گلبرگ ٹاؤن میں نادرا کا سب سے بڑا میگا سنٹر قائم کرنے کے لیے مفاہمتی یادداشت (ایم او یو) پر دستخط کر دیے۔
ترجمان کے مطابق نادرا میگا سنٹر ہفتے میں چھ دن، 24 گھنٹے خدمات فراہم کرے گا۔سنٹر میں پاسپورٹ، تھیلیسیمیا ٹیسٹ، اسلحہ لائسنس سمیت مختلف سہولیات کے لیے الگ کاؤنٹرز قائم کیے جائیں گے، جبکہ بزرگ شہریوں کے لیے خصوصی سہولت بھی فراہم کی جائے گی۔
مزید بتایا گیا کہ سنٹرل ڈسٹرکٹ کا نادرا زونل دفتر بھی اسی عمارت میں قائم کیا جائے گا۔
اس منصوبے سے عائشہ منزل، سخی حسن، نارتھ ناظم آباد، نیو کراچی، ایف بی ایریا اور لیاقت آباد کے رہائشی براہِ راست فائدہ اٹھا سکیں گے۔
