پاکستان اور جنوبی افریقہ کے درمیان ٹی ٹوئنٹی سیریز کےلیے قومی ٹی20اسکواڈ کی تشکیل آخری مرحلے میں داخل ہوگئی، متعدد تبدیلیوں کا امکان ہے۔
قومی اسکواڈ میں دو سے تین تبدیلیاں متوقع ہے، حسین طلعت اور خوشدل شاہ کا جگہ بچانا مشکل ہے ، عرفان نیازی اور نسیم شاہ کو اسکواڈ میں شامل کیے جانے کا امکان ہے۔
ٹی ٹوئنٹی سیریز میں بابر اعظم اور محمد رضوان کے اسکواڈ میں شامل ہونے کا امکان نہیں جبکہ شاہین آفریدی کو آرا م دینے کی تجویز ہے۔
ذرائع کے مطابق پاکستان ٹی 20 کھلاڑی 25اکتوبر کو اسلام آباد میں رپورٹ کریں گے، ٹریننگ سیشن 26 اکتوبرکو شیڈول ہے۔
تین ٹی ٹونٹی میچز کی سیریز کا پہلا میچ 28 اکتوبر کو پنڈی اسٹیڈیم میں کھیلا جائے گا جبکہ دوسرا اور تیسرا ٹی ٹونٹی میچ 31 اکتوبر اور یکم نومبر کو لاہور میں شیدول ہے۔
ٹکٹوں کی فروخت کا عمل شروع
پاکستان اور جنوبی افریقہ کے درمیان ٹی ٹوئنٹی اور ون ڈے سیریز کے لئے پاکستان بھر سے ٹکٹوں کی فروخت کا عمل شروع ہوگیا۔
راولپنڈی ٹی ٹوئنٹی میچ کی کم سے کم ٹکٹ 400 روپے، زیادہ سے زیادہ 15 ہزار روپے مقرر کی گئی ہے۔ جنرل 400 روپے، فرسٹ کلاس 600 روپے، پریمیئم 700 روپے مقرر، وی آئی پی 800 روپے، پی سی بی گیلری 1500 روپے، پلیٹینم باکس 15000 روپے فی سیٹ ہوگی۔
قذافی اسٹیڈیم لاہور کیلئے کم سے کم ٹکٹ 400 روپے، زیادہ سے زیادہ 2500 روپے مقرر کی گئی ہے، جنرل 400 روپے، فرسٹ کلاس 600 روپے، پریمیئم 700 روپے، وی آئی پی 800 روپے رکھی گئی ہے۔ وی آئی پی فار اینڈ 1500 روپے، وی آئی پی نیو پیویلیئن 2000 روپے، وی آئی پی گیلری 2500 روپے مقرر کی گئی ہے۔
فیصل آباد اقبال اسٹیڈیم کیلئے کم سے کم ٹکٹ 400 روپے، زیادہ سے زیادہ 3000 روپے مقرر رکھی گئی ہے، جنرل 400 روپے، فرسٹ کلاس 600 روپے، وی آئی پی 800 روپے اور وی آئی پی گراؤنڈ فلور 3000 روپے رکھی گئی ہے۔
