سعودی عرب نے پاکستان اور افغانستان کےدرمیان سرحدی کشیدگی کےخاتمے کے معاہدے کا خیرمقدم کرتے ہوئے اسے خطے میں امن و استحکام کی جانب مثبت قدم قرار دیا۔
سعودی وزارتِ خارجہ نے پاکستان اور افغانستان کے درمیان سرحدی کشیدگی کم کرنےاورجنگ بندی کےمعاہدے کی حمایت کا اعلان کیا ۔ بیان میں کہا گیا کہ سعودی عرب خطے میں امن و سلامتی کے فروغ کی تمام علاقائی اور بین الاقوامی کوششوں کی حمایت کرتا ہے۔
سعودی وزارتِ خارجہ نے امید ظاہر کی کہ یہ مثبت پیش رفت دونوں ممالک کی سرحد پر جاری کشیدگی کے خاتمے کا باعث بنے گی ۔ سعودی عرب نے اس معاہدے کو پاکستان اور افغانستان کے درمیان اعتماد کی بحالی اور پائیدار امن کے قیام کی سمت ایک اہم قدم قرار دیا۔
بیان میں یہ بھی کہا گیا کہ عالمی برادری پاکستان اور افغانستان کے درمیان بین الاقوامی سرحد کو تسلیم کرتی ہے جو خطے میں امن کے لیے بنیادی حیثیت رکھتی ہے۔
