وزیراعلیٰ پنجاب مریم نواز کوپ 30 اجلاس میں شرکت کیلئے برازیل روانہ ہوگئیں۔ اجلاس میں شرکت کے دوران مریم نواز مختلف اہم شخصیات سے ملاقاتیں بھی کریں گی۔
وزیراعلیٰ پنجاب مریم نواز کوپ تھرٹی اجلاس میں پنجاب کے فلیگ شپ پراجیکٹس پربریفنگ دیں گی۔ ستھرا پنجاب، ای موبلٹی کےبارے میں شرکاکو آگاہ کریں گی۔ وزیراعلیٰ مریم نوازکلائمیٹ ریزیلینٹ ریجنل لیڈرشپ پرگفتگو کریں گی۔ شرکا کو پنجاب میں وائلڈ لائف ریفارم کے بارے میں آگاہ کیا جائے گا۔
اجلاس میں شرکت کےدوران وزیراعلیٰ پنجاب اہم اورنمایاں شخصیات اوررہنماؤں سے بھی ملاقات کریں گی۔ جن میں ایشین ڈویلپمنٹ بینک کے نائب صدر، ورلڈ بینک کلائمیٹ چینج کے گلوبل ڈائریکٹراور گلوبل گرین انسٹی ٹیوٹ کے ڈائریکٹر جنرل شامل ہیں۔ وزیراعلی یونائیٹڈ نیشن ڈویلپمنٹ پروگرام کے عہدیداروں سے بھی ملیں گی۔
