بالی ووڈ کی معروف اداکارہ پرینیتی چوپڑا اور ان کے شوہر راگھو چڈھا کے ہاں بیٹے کی پیدائش ہوئی ہے، اداکارہ نے یہ خوشخبری سوشل میڈیا پر مداحوں کے ساتھ شیئر کی۔
پرینیتی چوپڑا اور راگھو چڈھا نے اپنے مشترکہ بیان میں لکھا، “بالآخر وہ آگیا، ہمارا بیٹا! ہمیں اپنی پہلی زندگی بالکل یاد نہیں، بازو بھر گئے ہیں اور دل اس سے بھی زیادہ بھر چکے ہیں۔ پہلے صرف ہم تھے، اب ہمارے پاس سب کچھ ہے۔”
بھارتی میڈیا کے مطابق پرینیتی چوپڑا کو دہلی کے ایک مقامی اسپتال میں داخل کرایا گیا تھا، جہاں ان کے شوہر راگھو چڈھا اور دونوں خاندان کے افراد موجود تھے۔
یاد رہے کہ پرینیتی چوپڑا اور بھارت کے رکن اسمبلی راگھو چڈھا 13 مئی 2023 کو منگنی کے بندھن میں بندھے تھے جبکہ ان کی شادی 24 ستمبر 2023 کو ہوئی تھی۔
