وفاقی وزیر خزانہ محمد اورنگزیب نے کہاہے کہ سیلاب سے پاکستانی معیشت کو دھچکا لگا ، اس کے باجود استحکام برقرار رہے گا، پاکستان نومبر کے آخر یا دسمبر کے آغاز میں 25 کروڑ ڈالر مالیت کے پانڈا بانڈ جاری کرے گا۔
وفاقی وزیر خزانہ محمد اورنگزیب نے بلوم برگ کو انٹرویو میں کہا کہ پاکستان میں حالیہ تباہ کن سیلاب سے چاول اور کپاس کی فصلیں شدید متاثر ہوئیں۔ اس کے باوجود معاشی ترقی کی رفتار ساڑھے تین سے چار فیصد رہنے کا امکان ہے۔ پاکستان نومبر کے آخر یا دسمبر کے آغاز میں پچیس کروڑ ڈالر مالیت کے پانڈا بانڈ جاری کرے گا۔ پانڈا بانڈ سے قرض کے ذرائع میں تنوع لانے کا منصوبہ ہے۔ ہم نے ڈالر، یورو اور سکوک مارکیٹس تک رسائی حاصل کی۔۔ اب ہم چینی مارکیٹ کی طرف جا رہے ہیں۔ وزیرخزانہ محمد اورنگزیب نے کہا کہ پاکستان کے لیے موسمیاتی تبدیلی کوئی نظریاتی بحث نہیں ایک حقیقت ہے۔ پاکستانی معیشت کا حجم چار سو سات ارب ڈالر ہے ، ملکی معیشت استحکام کی جانب گامزن ہے۔ آئی ایم ایف سے ایک اعشاریہ دو ارب ڈالر کی تیسری قسط جلد متوقع ہے۔
