اندرون لاہور میں دو روزہ بسنت فیسٹیول کی تیاریاں شروع کر دی گئیں ہیں اور س حوالے سے ڈپٹی کمشنر لاہور نے اعلیٰ سطح اجلاس میں"محفوظ بسنت پلان" پیش کردیا ۔
تفصیلات کے مطابق سینئر وزیر پنجاب مریم اورنگزیب کی زیر صدارت اہم اجلاس ہوا جس دوران ڈپٹی کمشنر لاہور نے بسنت سے متعلق سفارشات پیش کیں جس کے مطابق بسنت فیسٹیول صرف ہفتہ اور اتوار 2 روز کیلئے ہو گا، اندرون لاہور کے علاقوں میں محدود سطح پر بسنت کی اجازت تجویز کی گئی ہے، محدود سطح پر بسنت مخصوص زونز میں منانے کی تجویز ہے،ان علاقوں میں شاہی قلعہ، موچی گیٹ، بھاٹی گیٹ اور رنگ محل شامل ہیں۔
تجاویز کے مطابق تیز دھاتی، نائیلون اور کیمیکل ڈور کے استعمال پر مکمل پابندی ہوگی ، صرف کپاس یا نشاستے سے تیارشدہ ڈور کے استعمال کی اجازت ہو گی ، ڈور اور پتنگو ں پر بار کوڈ لازمی قرار دینا ہو گا ، غیر رجسٹرڈ پتنگ فروشوں کیخلاف سخت کارروائی ہو گی۔
