پاک افغان سرحد پر  افغانستان کی جانب سے بلااشتعال فائرنگ پر پاک فوج کی جانب سے موثر اور شدید جوابی کارروائی کی گئی جس سے متعدد افغان فوجی ہلاک جبکہ خارجی تشکیلیں تتربتر ہو گئیں، طالبان اپنی متعدد پوسٹیں چھوڑ کر فرار ہو گئے جبکہ  لاشیں بکھری پڑی ہیں، پاک فوج نے متعدد افغان پوسٹوں کو موثر انداز سے نشانہ بنایا، افغانستان سے فائرنگ کا مقصد خوارج کی تشکیل کو بارڈر پار کروانا  بھی تھا۔

سیکیورٹی ذرائع کے مطابق افغان پوسٹیں خارجیوں کو کور فائر دینے میں ناکام رہیں، متعدد افغان پوسٹوں اور خارجیوں کی تشکیلوں کو بھی بھاری نقصانات کی اطلاعات ہیں، انٹرم افغان حکومت کی سر پرستی میں چلنے والے  افغانستان کے اندر خوارج اور داعش کے ٹھکانوں کو مؤثر طریقے سے نشانہ بنایا گیا، پاکستان کی جانب سے آرٹلری، ٹینکوں، ہلکے اور بھاری ہتھیاروں کا استعمال کیا گیا، اسکے علاوہ داعش اور خارجی ٹھکانوں کو نشانہ بنانے کے لئے فضائی  وسائل اور ڈرونز کا بھی استعمال کیا گیا۔

افغان فورسز کے اُن ہیڈ کوارٹر کو بھی نشانہ بنایا گیا جو داعش اور فتنہ الخوارج کو پنا دیتے رہے ہیں ، افغان فورسز کئی علاقوں سے پسپائی اختیار کر چکی ہیں۔

لائیو فوٹیج دیکھیں:

پاک افغان سرحد پر انگور اڈا، باجوڑ، کرم، دیر ، چترال اور بارام چاہ پر افغانستان کی جانب سے بلااشتعال فائرنگ کی گئی، افغانستان کی جانب سے جارحیت ایسے وقت کی جارہی ہے جب افغان وزیر خارجہ بھارت کا دورہ کر رہے ہیں، پاک فوج کی جوابی کارروائی میں درجنوں افغان فوجی اور خوارج ہلاک ہو گئے ، طالبان اپنی متعدد پوسٹیں چھوڑ کر فرار ہو گئے جبکہ  لاشیں بکھری پڑی ہیں، پاک فوج نے متعدد افغان پوسٹوں کو موثر انداز سے نشانہ بنایا، افغانستان سے فائرنگ کا مقصد خوارج کی تشکیل کو بارڈر پار کروانا  بھی تھا۔

برامچا سیکٹر تباہ

پاکستان فوج کی طرف سے افغان فورسز کے خلاف منہ توڑ جواب بھرپور طریقے سے جاری ہے ، پاک فوج نے برامچا سیکٹر میں افغانی شہیدان پوسٹ  تباہ کر دی۔

میلا اور ترکمانزئی کیمپس تباہ

پاک فوج نے افغانی دوران میلا اور ترکمانزئی کیمپس بھی تباہ کر دیے ہیں۔

خرلاچی سیکٹر تباہ

 پاکستان فوج کی طرف سے افغان فورسز کے خلاف منہ توڑ جواب بھرپور طریقے سے جاری ہے، خرلاچی سیکٹر میں پاکستانی فورسز کی جانب سے بھرپور جوابی کاروائی کی تازہ ترین ویڈیو منظر عام پر آ گئی ہے،ویڈیو میں پاکستانی فورسز  خرلاچی سیکٹر میں افغانی پوسٹوں کو مؤثر طریقے سے نشانہ بنا رہی ہیں۔

قبائلی عوام دہشتگردوں کیخلاف ہتھیار اٹھانے کا اعلان

قبائلی عوام نے افغانستان کی جانب سے خیبرپختونخوا میں دراندازی کرنے والے دہشت گردوں کے خلاف ہتھیار اٹھانے کا اعلان کر دیا  ہے  ، ‏پشتو میں شئیر ہونے والے آڈیو پیغام میں کہا جارہا ہے کہ افغان دہشت گردوں کے خلاف وہ پاک فوج کیساتھ شانہ بشانہ گھڑے ہیں،  وطن کی دفاع ہم پر فرض ہے اور ہم اس کا دفاع کرنا جانتے ہیں،  ہم نے پہلے بھی دہشت گردوں کو سبق سکھایا تھا اور ہم اب بھی آپ کو سبق سکھائیں گے۔