علی امین گنڈا پور نے کہاہے کہ اب بانی بھی کہیں تو وزیراعلیٰ نہیں بنوں گا، میرا استعفیٰ جلد منظور ہونا چاہیے،صوبے کےکام رکنے نہیں چاہئیں۔
تفصیلات کے مطابق علی امین گنڈاپور نے کہا کہ صوبہ بہت سے مسائل کا شکار ہے،نظام کو چلنے دینا چاہیے، ہر کام میں بہتری ہوتی ہے،اس میں بھی یقیناً ہماری بھلائی ہوگی، پارٹی متحد ہے،کہیں کوئی اختلاف نہیں ہے، پختونخوا ہمارا گڑھ ہے،ہمیں سیاسی طور پرشکست نہیں دی جاسکتی، ہم نے ہمیشہ چیلنج کیا ہےکہ ہمیں سیاسی شکست نہیں دے سکتے۔
انہوں نے کہا کہ وفاقی حکومت اس وقت ایک اورسازش کررہی ہے،لیکن ہم ناکام بنادیں گے، ہماری لیگل ٹیم میرے استعفے کے معاملے کو دیکھ رہی ہے، سازش کرنےوالےمیرےاستعفے کےمعاملے پرکوئی کھیل کھیل رہےہیں، ہم بانی چیئرمین کے حکم پر من و عن عمل کریں گے۔
