سال 2025 کے پہلے سپر مُون کا نظارہ سات اکتوبر کو کیا جاسکے گا۔
سپارکو ترجمان کےمطابق سات اکتوبرکی شام 8 بجکر 47منٹ پرسال 2025 کےتین سپرمُونزمیں سے پہلا سپرمُون نظر آئےگا،یہ نظارہ سورج غروب ہونے کےفوراً بعد سےطلوعِ آفتاب سےکچھ دیرپہلےتک دیکھا جا سکے گا،سپرمُون عام مکمل چاند کےمقابلےمیں تقریباً 6 اعشاریہ 6 فیصد بڑا اور 13فیصد زیادہ روشن دکھائی دے گا۔
ترجمان سپارکو کے مطابق رواں سال کا سب سے روشن سپرمُون نومبر میں متوقع ہے،جب چاند زمین سے صرف 2 لاکھ 21 ہزار 817 میل کےفاصلے پر ہو گا،اس کےبعد مزید 2 سپرمُونز پانچ نومبر اورپانچ دسمبر کو دیکھے جاسکیں گے۔
