امریکی صدر ڈونلڈ ٹرمپ نے پاک افغان کشیدگی میں مداخلت سے انکار کر دیا۔
صحافیوں سے گفتگو میں ڈونلڈ ٹرمپ نے افغان طالبان رجیم پر پاک فوج کے حملوں کی تعریف کر دی، کہا پاکستان بہت شاندار طریقے سے آگے بڑھ رہا ہے۔
ڈونلڈ ٹرمپ نے کہا کہ ان کے پاکستان کے ساتھ بہت اچھے تعلقات ہیں، پاکستان کے پاس ایک عظیم وزیراعظم ہے، وہاں ایک بہترین فیلڈ مارشل ہے، وہ دونوں افراد کا بہت احترام کرتے ہیں۔
واضح رہے کہ افواج پاکستان کی جانب سے افغان طالبان ریجیم کی کل رات کی بلااشتعال جارحیت کا بھرپور اور موثر انداز میں منہ توڑ جواب دینے کا سلسلہ جاری ہے۔
وزیراطلاعات عطاتارڑ آپریشن غضب للحق سے متعلق تفصیلات ایکس پر شیئر کردیں، لکھا ابتک افغان طالبان رجیم کے297 کارندے ہلاک ہوچکے، پاکستان کی بھرپورجوابی کارروائی میں450خوارج زخمی ہوئے۔
عطاتارڑ نے کہا کہ افغانستان میں 29مقامات کو فضائی کارروائی میں نشانہ بنایا گیا، پاکستان نے افغان طالبان رجیم کے135 ٹینک اور گاڑیاں تباہ کیں، پاکستانی فورسز نےطالبان رجیم کی18چیک پوسٹوں پر قبضہ کیا، افغان طالبان کی89چیک پوسٹیں تباہ ہوچکیں۔
