وزیر اعظم شہباز شریف کامیاب غیر ملکی دوروں کے بعد وطن واپس پہنچ گئے۔ دورہ امریکا میں امریکی صدر ڈونلڈ ٹرمپ سمیت عرب اور اسلامی ممالک کے سربراہوں سے ملاقاتیں کیں۔
وزیراعظم شہباز شریف نے دورہ امریکا میں اقوام متحدہ کے جنرل اسمبلی اجلاس میں شرکت کی اور خطاب میں مسئلہ کشمیر اور مسئلہ فلسطین اجاگر کیا۔
اس سے قبل دورہ سعودی عرب میں وزیراعظم شہبازشریف نے تاریخی دفاعی معاہدہ بھی کیا ۔ وطن واپسی پر اسپیکرقومی اسمبلی سردار ایاز صادق اور وفاقی وزیر داخلہ محسن نقوی نے نورخان ائیر بیس پر وزیراعظم کا پرتپاک خیرمقدم کیا۔
