ترجمان دفتر خارجہ نے گلوبل صمود فلوٹیلا کو روکنے کے اسرائیلی اقدام کی سخت مذمت کرتے ہوئے کہا کہ صمود فلوٹیلا انسانی مشن اوعالمی یکجہتی و اخلاقی عزم کی علامت ہے۔ گلوبل صمود فلوٹیلا میں موجود پاکستانی شہریوں کی سلامتی اولین ترجیح ہے۔
ترجمان دفتر خارجہ شفقت علی خان کا کہنا ہے کہ اسرائیل کی جانب سے گلوبل صمود فلوٹیلا کو روکنے کی شدید مذمت کرتے ہیں، اسرائیلی اقدامات بین الاقوامی قانون کی سنگین خلاف ورزی ہیں۔
شفقت علی خان نے کہا کہ 16 ستمبر کو پاکستان نے 15 ممالک کیساتھ مل کرمشترکہ بیان جاری کیا، اس بیان میں فلوٹیلا کی سیکیورٹی پر تشویش کا اظہار کیا گیا، ان کا مزید کہنا تھا کہ فلوٹیلا میں موجود پاکستانی شہریوں کی سلامتی اور فلاح و بہبود کی اوٌلین ترجیح ہے۔
ترجمان دفتر خارجہ کا کہنا تھا کہ پاکستان اسرائیل کو تسلیم نہیں کرتا۔ خطے میں اپنے بین الاقوامی شراکت داروں کیساتھ مل کر یرغمالیوں کی رہائی کیلئے کام کر رہے ہیں۔ پاکستان فلوٹیلا پر موجود اپنے شہدیوں کی جلد اور محفوظ واپسی کیلئے پرعزم ہے، پاکستان اپنے شہریوں کی سلامتی و تحفظ کے لیے اتحادی ممالک کیساتھ رابطے میں ہے۔
