وزیراعلیٰ پنجاب مریم نواز کا کہنا ہے کہ پنجاب کی کوئی تذلیل کرے یا نشانہ بنائے تو لازمی جواب دوں گی ۔ اس پر کبھی معافی نہیں مانگوں گی ۔ پنجاب کی بات وزیراعلیٰ نہیں کرے گی تو کون کرے گا۔
وزیراعلیٰ پنجاب نے واضح الفاظ میں کہا ہے کہ اگر کوئی بھی شخص پنجاب کی تذلیل یا نشانہ بنائے گا تو اسے لازمی جواب دیا جائے گا اور اس پر کبھی معافی نہیں مانگی جائے گی۔ مریم نواز نے مزید کہا کہ وہ پنجاب کی محافظ ہیں اور صوبے کو جوڑ کر رکھنا ان کی اولین ترجیح ہے۔
مریم نواز نے اپنے خطاب میں کہا کہ پنجاب کی تذلیل اور نشانہ بنانے والوں کو لازمی جواب دوں گی، پنجاب کے لیے بات کروں گی ، اس پر کبھی معافی نہیں مانگوں گی اور اگر پنجاب کے عوام کی بات وزیراعلیٰ نہیں کرے گی تو پھر کون کرے گا۔
مریم نواز نے سیلاب کے دوران ہونے والی تنقید کا بھی جواب دیا اور کہا کہ جب سیلاب آیا تو بعض حلقوں نے تنقید کرتے ہوئے سوال اٹھایا کہ عالمی امداد کیوں نہیں مانگی گئی، سیلاب آیا تو لیکچر دیے گئے کہ دنیا کے آگے ہاتھ کیوں نہیں پھیلاتے، بہت ہو چکا، اب بس کر دو۔ ان کا کہنا تھا کہ سب صوبوں کے پاس یکساں وسائل ہیں، باقی صوبوں کے وسائل کہاں گئے؟۔
وزیراعلیٰ پنجاب نے نوجوانوں کو محتاط رہنے کی ہدایت کرتے ہوئے کہا کہ نوجوان فیک اور جھوٹے پروپیگنڈے کے نزدیک نہ جائیں۔ انہوں نے خبردار کیا کہ جلاؤ گھیراؤ کی ترغیب دینے والا آپ کا دشمن ہے اور ایسی کسی بھی ترغیب سے سختی سے نمٹا جائے گا۔
