آسٹریلیا نے سیمی فائنل میں جنوبی افریقہ کا پہلی مرتبہ سیمی فائنل میں پہنچنے کا خواب تین وکٹوں سے شکست دیتے ہوئے چکنا چور کر دیاہے جس پر کپتان تمبابووا ما افسرد ہ دکھائی دیئے لیکن انہوں نے بہترین کھیل پیش کرنے پر آسٹریلیا کو مبارک باد بھی پیش کی ۔
جنوبی افریقہ کے کپتان تمبا بوواما نے کہا ہےکہ سیمی فائنل میں آ کر ہارنے کو لفظوں میں بیان نہیں کیا جا سکتا،آسٹریلیا کو جیت مبارک ہو ، انہوں نے میچ کے بڑے حصے میں اچھا پرفارم کیا اس لیے وہ جیت کے حقدار تھے ۔سیمی فائنل میچ میں مقابلہ کانٹے دار رہا ، دونوں ٹیموں کے کھلاڑیوں نے عمدہ پرفارمنس کا مظاہرہ کیا ، میچ کے دوران کنڈیشنز بھی سخت تھیں لیکن آسٹریلیا نے ہمیں ٹف ٹائم دیا۔
انہوں نے کہا کہ ڈیوڈ ملر نے بیٹنگ میں بہت اچھا پرفارم کیا ، انہوں نے دوسرے بیٹرز کو کھیلنے کا موقع دیا ۔ باولنگ میں تبریز شمسی نے اچھاپرفارم کیا ، شمسی کی گیند پر کیچ نکلا لیکن ہم نے وہ چھوڑ دیا ۔ان کا کہنا تھا کہ ہمیں فیلڈنگ میں مزید فعال ہونا چاہیے تھا ۔
