پاکستان اور قازقستان کے درمیان باہمی تعلقات کے فروغ، مواصلاتی رابطوں میں اضافے پر اتفاق کرلیا گیا۔
وفاقی وزیر مواصلات عبدالعلیم خان سےقازقستان کے سفیر یرزہان کستافن کی ملاقات ہوئی ہے،ملاقات میں باہمی تعلقات کے فروغ اور مواصلاتی رابطوں میں اضافے پر اتفاق ہوا،ملاقات میں کراچی، اسلام آباد اور لاہور سے قازقستان کے لیے براہ راست پروازوں کی تجویز پر بات چیت ہوئی۔
وفاقی وزیرعبدالعلیم خان نےکہاکہ دو طرفہ تجارت میں اضافے کے لیے مواصلات کو وسعت دینا ناگزیر ہے۔انہوں نےاعلان کیا کہ قازق بزنس کمیونٹی کو چوبیس گھنٹوں میں دو سال کا ویزہ فراہم کیا جائےگا جبکہ دونوں ممالک کےچیمبر آف کامرس اراکین کو پانچ سالہ ملٹی پل ویزہ دینےکی تجویز بھی زیر غور ہے۔
فریقین نےپاکستان کے بڑے شہروں میں بزنس کمیونٹی کےمشترکہ اجلاس اور لاہور میں بزنس فورم کے انعقاد پر بھی اتفاق کیا۔
قازقستان کےسفیر نےکہاکہ ان کا ملک پاکستان تک تجارتی راہداری کی تعمیر میں دلچسپی رکھتا ہے جس کے لیے افغانستان، چین یا دیگر آپشنز پر غور کیا جا سکتا ہے۔
عبدالعلیم خان نےیقین دلایا کہ پاکستان مواصلات کےشعبے میں غیرملکی سرمایہ کاری کا خیرمقدم کرے گا اوراب عملی اقدامات کی ضرورت ہے،ملاقات میں خطےکی صورتحال اوردرپیش چیلنجز پر بھی تبادلہ خیال کیا گیا۔
