پاکستان سے امریکا کے لیے براہ راست پروازوں کے امکانات روشن ہوگئے،کئی برس بعد امریکی سول ایوی ایشن اتھارٹی کی ٹیم پاکستان پہنچ گئی۔
امریکی فیڈرل ایوی ایشن اتھارٹی کی پانچ رکنی ٹیم دبئی سےکراچی غیرملکی ایئرلائن کی پرواز کے ذریعے پہنچی ہے،امریکی فیڈرل ایوی ایشن اتھارٹی ٹیم پاکستان سول ایوی ایشن اتھارٹی کا آڈٹ کرے گی،سی اے اے کےشعبہ لائسنسنگ،فلائٹ اسٹینڈرڈ، ایئروردنیس، اسٹیٹ سیفٹی شعبوں کا آڈٹ ہوگا۔
امریکی ٹیم بارہ ستمبر تک پاکستان سول ایوی ایشن کا آڈٹ مکمل کرے پاکستان سے واپس روانہ ہوگی، پاکستانی ایئر لائنز پر مشتبہ لائسنس پائلٹس اسکینڈل سامنے آنے کے بعد برطانیہ،یورپ اور امریکا میں پاکستانی ایئر لائنز کی پروازوں پرپابندی عائد کی گئی تھی۔
اسکینڈل کےبعد امریکی فیڈرل ایوی ایشن اتھارٹی نے پاکستان سی اے اے کی ریٹنگ بھی کم کی تھی، امریکی فیڈرل ایوی ایشن اتھارٹی کے آڈٹ میں کامیابی پاکستانی ایئر لائنزکی امریکا میں براہ راست پروازوں کی بحالی ہوسکے گی،اس کے علاوہ پاکستانی سی اے اے کی ریٹنگ میں بھی بہتری آئے گی۔
