پاور ڈویژن کی جانب سے ملک بھر میں سیلابی صورتحال سے نمٹنے کیلئے ڈسکوز کو ہنگامی الرٹ جاری کر دیا گیا۔
پاور ڈویژن کی جانب سے ہدایات جاری کی گئیں کہ تمام ڈسکوز بارشوں اور سیلاب کے دوران بجلی کی مسلسل فراہمی کو یقینی بنائیں اور سیلابی صورتحال میں بجلی کے انفرااسٹرکچر کے تحفظ کے لیے خصوصی اقدامات کیے جائیں۔
سب اسٹیشنز، فیڈرز اور کنٹرول رومز کو محفوظ بنانے کے فوری اقدامات کیے جائیں اور آپریشنل ٹیمیں الرٹ رہیں اور ہنگامی حالات سے نمٹنے کیلئے تیار رہیں۔
پاور ڈویژن میں فلڈ مانیٹرنگ سیل بھی قائم کر دیا گیا ہے۔
پاور ڈویژن نے ڈسکوز کو روزانہ کی رپورٹ جمع کرانے کی ہدایت بھی کر دی ہے جبکہ ڈسکوز کو دن میں دو بار صورتحال کی رپورٹ جمع کرانے کا حکم بھی دیا گیا ہے۔
ڈسکوز کو مقامی ڈیزاسٹر مینجمنٹ اداروں سے قریبی رابطہ رکھنے کی ہدایت کی گئی ہے۔
