پشاور ہائی کورٹ نے الیکشن کمیشن کو زرتاج گل کیخلاف مزید کارروائی سے روک دیا۔
پی ٹی آئی رہنما زرتاج گل کی نااہلی کے خلاف درخواست پر پشاورہائی کورٹ کے جسٹس وقار احمد اور جسٹس اعجاز خان نے سماعت کی۔
وکیل درخواست گزار نے عدالت کو بتایا کہ انسداد دہشتگردی فیصل آباد نے درخواست گزار کو10 سال قید کی سزا سنائی، سزا کے بعد 5اگست کو الیکشن کمیشن نے دیگر ممبران کے ساتھ درخواست گزار کو بھی نااہل قرار دیا۔
جسٹس وقار احمد نے وکیل درخواستگزار سے استفسار کیا کہ آپ لاہور ہائیکورٹ کیوں نہیں گئے؟ جس پر وکیل نے کہا کہ لاہور نہ جانے کی کچھ وجوہات ہیں، عمرایوب، شبلی فراز اور اس طرح کی درخواستیں یہاں پر زیر سماعت ہے۔ عمر ایوب، شبلی فراز کو بھی اسی کیس میں نااہل کیا گیا، وکیل درخواست گزار
جسٹس وقار احمد نے ریمارکس دیے کہ دیگر درخواستوں کے ساتھ اس کو بھی سنیں گے، آئندہ سماعت پر اس کیس کی دائرہ اختیار پر بھی آپ کو سنیں گے۔
عدالت نے عدالت نے الیکشن کمیشن کو5اگست کے معطلی نوٹیفیکشن پر مزید کارروائی سے روک کر الیکشن کمیشن اور دیگر فریقین کونوٹس جاری کرکے جواب طلب کرلیا۔ عدالت نے الیکشن کمیشن اور دیگر فریقین سے جواب طلب کرتے ہوئے سماعت ملتوی کردی۔
