جرائم اور ناپسندیدہ سرگرمیوں کی بنیاد پر بیرون ممالک سے ڈی پورٹ پاکستانیوں کیلئے خطرے کی گھنٹی بج گئی۔
وفاقی وزیرداخلہ محسن نقوی نے پاسپورٹ کنٹرول لسٹ پالیسی سے متعلق سینیٹ کو تحریری طور پر آگاہ کردیا۔
وزارت داخلہ کے تحریری جواب کے مطابق بیرون ملک سے ڈی پورٹ پاکستانیوں کے نام 5 سال کیلئے پاسپورٹ کنٹرول لسٹ میں شامل کردیا جاتا ہے۔ بیرون ملک سے ڈی پورٹ شخص کوپی سی ایل پر رکھنے کی مدت 5 سال ہے۔
وزیرداخلہ نے کہا کہ پی سی ایل پرنام شامل ہونےکےبعد متعلقہ شہری 5 سال تک بیرون ملک سفر نہیں کرسکتا، ڈی پورٹ شخص کو5 سال سے زائد مدت تک کیلئے بھی پی سی ایل پر رکھا جاسکتا۔
تحریری جواب کے مطابق یہ رولز ایسے شخص کیلئے ہیں جو ناپسندیدہ سرگرمیوں، غیرقانونی، فوجداری الزامات کے تحت ملک بدر کیا گیا ہو، زائد مدت پر پی ایس ایل پر رکھنے کیلئے متعلقہ محکمہ یا ادارے کی مکمل وجوہات کےساتھ سفارش ضروری ہے، پاسپورٹ قواعد وفاقی کابینہ سے منظور شدہ ہیں۔
