نائب وزیراعظم اور وزیر خارجہ اسحاق ڈار کی برطانوی ہم منصب سمیت دیگر حکام سے اہم ملاقاتیں ہوئی ہیں جن میں پاکستان اور برطانیہ کے تعلقات مزید مستحکم بنانے پر اتفاق کیا گیا۔
نائب وزیر اعظم اسحاق ڈار اور برطانوی نائب وزیراعظم انجیلارینر کی ملاقات میں پاکستان اور برطانیہ کے درمیان دیرینہ شراکت داری کا جائزہ لیا گیا جبکہ دونوں رہنماؤں نے تعاون مزید بڑھانے کے عزم کا اعادہ کیا۔
Deputy Prime Minister/Foreign Minister, Senator Mohammad Ishaq Dar @IshaqDar50, met the UK Deputy Prime Minister, Angela Rayner @AngelaRayner.
— Ministry of Foreign Affairs - Pakistan (@ForeignOfficePk) August 19, 2025
They discussed the broad trajectory of Pakistan-UK bilateral relations, and reaffirmed shared commitment to deepen cooperation across… pic.twitter.com/uPHcQuAeXk
اسحاق ڈار نے برطانوی پاکستانیوں کے تعاون کو سراہتے ہوئے جامع شراکت داری کی خواہش پر زور دیا۔
برطانوی نائب وزیراعظم کو پاکستان کے دورے کی دعوت بھی دی۔
اسحاق ڈار نے دولت مشترکہ کے سیکرٹری جنرل سے بھی ملاقات کی اور انہیں تقرری پر مبارکباد دی۔
Deputy Prime Minister/Foreign Minister, Senator Mohammad Ishaq Dar @MIshaqDar50, met the Secretary General Commonwealth Shirley Ayorkor Botchwey @AyorkorBotchwey in London.
— Ministry of Foreign Affairs - Pakistan (@ForeignOfficePk) August 19, 2025
The DPM/FM reaffirmed Pakistan’s commitment to Commonwealth agenda for sustainable development,… pic.twitter.com/jwirTZ6Qis
انہوں نے پاکستان کی گہری وابستگی، پائیدار ترقی کے عزم اور موسمیاتی تبدیلی کے خطرات پر روشنی ڈالی اور سیکرٹری جنرل کو اسلام آباد کے دورے کی دعوت بھی دی۔
اسحاق ڈار مسلم لیگ ن برطانیہ کے وفد سے بھی ملے اور سمندر پار پاکستانیوں کو ملک کا اثاثہ قرار دیتے ہوئے ان کو بہتری کے حکومتی اقدامات سے بھی آگاہ کیا۔
وفد نے معرکہ حق کی کامیابی اور مؤثر سفارتی کوششوں پر نائب وزیراعظم کو مبارکباد دی۔
